BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

پارلامەنت قارجى ٴمينيسترىنىڭ كانديداتۋراسىن ماقۇلدادى

بۇگىن پالاتانىڭ قارجى جانە بيۋدجەت كوميتەتىنىڭ وتىرىسى ٴوتىپ، وندا قازاقستان رەسپۋبليكاسى قارجى ٴمينيسترى لاۋازىمىنا تاعايىنداۋ جونىندەگى كانديداتۋرا كەلىسىلدى، دەپ حابارلايدى baq.kz اقپارات اگەنتتىگى.

"كوميتەت وتىرىسىنىڭ قورىتىندىسى بويىنشا «قازاقستان رەسپۋبليكاسى پارلامەنتى ٴماجىلىسىنىڭ قارجى جانە بيۋدجەت كوميتەتى «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋسيالىق زاڭىنىڭ 22-1-بابىنا سايكەس قازاقستان رەسپۋبليكاسىنىڭ پرەمەر-مينيسترى ۇسىنعان ٴاليحان اسحان ۇلى سمايىلوۆتىڭ كانديداتۋراسىن قاراپ، اتالعان كانديداتۋرانى قازاقستان رەسپۋبليكاسىنىڭ قارجى ٴمينيسترى لاۋازىمىنا تاعايىنداۋ ٴۇشىن ۇسىنۋعا كەلىستى» - دەلىنگەن پارلامەنتتىڭ رەسمي مالىمدەمەسىندە.

ەستەرىڭىزگە سالا كەتەيىكع 11 قىركۇيەك كۇنى بۇرىنعى قارجى ٴمينيسترى باقىت سۇلتانوۆتىڭ استانا قالاسى اكىمى بولىپ تاعايىندالۋىنا بايلانىستى، اتالعان مينيسترلىك باسشىسىز قالعان بولاتىن.

ٴاليحان سمايىلوۆ 1972 جىلى تۋعان.

1994 جىلى ٴال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن قولدانبالى ماتەماتيكا ماماندىعى بويىنشا بىتىرگەن.

1996 جىلى قازاقستان رەسپۋبليكاسى پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىن تامامداپ، مەملەكەتتىك باسقارۋ ماگيسترى دارەجەسىن العان.

1993-1995 جىلدارى – «ا-ينۆەست» ينۆەستيسيالىق-جەكەشەلەندىرۋ قورىنىڭ باس مامانى.

1996-1998 جىلدارى – قازاقستان رەسپۋبليكاسى ۇلتتىق ستاتيستيكا اگەنتتىگىنىڭ باسقارما باستىعىنىڭ ورىنباسارى، باسقارما باستىعى.

1998 جىلعى ناۋرىز بەن ٴساۋىر ارالىعىندا – قازاقستان رەسپۋبليكاسى ستاتيستيكالىق جوسپارلاۋ جانە رەفورمالار اگەنتتىگىنىڭ ستاتيستيكا جانە تالداۋ كوميتەتى ٴتوراعاسىنىڭ ورىنباسارى.

1998-1999 جىلدارى – قازاقستان رەسپۋبليكاسى پرەزيدەنتى اكىمشىلىگىندە باس ساراپشى، سەكتور مەڭگەرۋشىسى، مەملەكەتتىك ينسپەكتور.

1999-2003 جىلدارى – قازاقستان رەسپۋبليكاسى ستاتيستيتكا اگەنتتىگىنىڭ ٴتوراعاسى.

2003 جىلعى اقپان مەن شىلدە ارالىعىندا – قازاقستان رەسپۋبليكاسى سىرتقى ىستەر ۆيسە-مينيسترى.

2003-2006 جىلدارى – «ەكسپورتتىق كرەديتتەر مەن ينۆەستيسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» اق باسقارماسىنىڭ ٴتوراعاسى.

2006-2007 جىلدارى – قازاقستان رەسپۋبليكاسى قارجى ۆيسە-مينيسترى.

2007-2008 جىلدارى – «قازاگرو» ۇلتتىق حولدينگى» اق پرەزيدەنتى.

2008-2009 جىلدارى – قازاقستان رەسپۋبليكاسى قارجى ۆيسە-مينيسترى.

2009-2014 جىلدارى – قازاقستان رەسپۋبليكاسى ستاتيستيكا اگەنتتىگىنىڭ ٴتوراعاسى.

2014-2015 جىلدارى – قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ ٴتوراعاسى.

2015 جىلعى جەلتوقساندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

«قۇرمەت» وردەنىمەن، «ەرەن ەڭبەگى ٴۇشىن»، «قازاقستان تاۋەلسىزدىگىنە 10 جىل»، «قازاقستان كونستيتۋسياسىنا 10 جىل»، «استاناعا 10 جىل» مەدالدارىمەن ماراپاتتالعان.

«1 رانگتى كەڭەسشى» ديپلوماتيالىق رانگى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي