BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

ورتا ازيا مەملەكەتتەرى شەكاراارالىق سۋ ماسەلەلەرىنە بايلانىستى سۇراقتاردى تالقىلادى

فوتو: ҚР АШМ

بۇل ماسەلە سۋ رەسۋرستارىن باسقارۋ بويىنشا سالاارالىق ىنتىماقتاستىقتى نىعايتۋ جانە سۋدىڭ ٴرولىن كۇشەيتۋ جونىندەگى ايماقتىق كەڭەستە كوتەرىلدى، دەپ حابارلايدى baq.kz اقپارات اگەنتتىگى.

كەڭەستىڭ جۇمىسىنا ورتالىق ازياداعى 10 مەملەكەتتىڭ، اتاپ ايتقاندا اۋعانستان، يران، قازاقستان، قىتاي، قىرعىزستان، مونعوليا، رەسەي، تاجىكستان، تۇركمەنستان جانە وزبەكستان ەلدەرىنىڭ، حالىقارالىق ۇيىمداردىڭ (بۇۇ ەەك، ەۋروپاداعى قاۋىپسىزدىك پەن ىنتىماقتاستىق جونىندەگى ۇيىم)، مەملەكەتتىك ەمەس ۇيىمداردىڭ وكىلدەرى قاتىستى.

بۇل كەڭەستىڭ نەگىزگى ماقساتى – ورتالىق ازيا ايماعىنىڭ جانە كورشىلەس ەلدەردىڭ ساراپشىلارىن سۋ رەسۋرستارىن باسقارۋعا تارتىلعان سالالاردىڭ ىنتىماقتاستىعىن قامتاماسىز ەتۋدەگى تاجىريبەسىمەن الماسۋ ٴۇشىن بىرىكتىرۋ جانە ايماقتىق دەڭگەيدە سالاارالىق ٴوزارا ارەكەتتەستىكتى نىعايتۋدىڭ ورتاق تاسىلدەرىن، سونداي-اق 2030 جىلعا دەيىنگى كۇن ٴتارتىبىن ىسكە اسىرۋدا سۋدىڭ ٴرولىن كۇشەيتۋ جونىندەگى ۇسىنىستاردى ازىرلەۋ.

«كەڭەس مۇددەلى سەكتورلار اراسىندا، سونىڭ ىشىندە سۋ رەسۋرستارى، قورشاعان ورتا، ەنەرگەتيكا جانە دەنساۋلىق ساقتاۋ سالالارىندا سۋ رەسۋرستارىن كەشەندى باسقارۋداعى ديالوگتى دامىتۋعا ارنالعان. كەڭەستىڭ بارىسىندا قاتىسۋشىلار قازىرگى تاڭداعى كەمشىلىكتەردى سالاارالىق ىنتىماقتاستىقتى دامىتۋدىڭ ٴتيىمدى جولدارىن تالقىلاي وتىرىپ، ايماقتىق ۇسىنىستاردى ازىرلەدى، وسى ۇسىنىستار بولاشاقتا حالىقارالىق سۋدى باعالاۋ ورتالىعىنىڭ جۇمىس باعدارلاماسىندا قولداۋ تابۋى مۇمكىن»، - دەلىنگەن ۆەدومسۆتونىڭ حابارلاماسىندا.

ەستەرىڭىزگە سالا كەتەيىك، حالىقارالىق سۋدى باعالاۋ ورتالىعى – قازاقستان رەسپۋبليكاسى ۇكىمەتى مەن بىرىككەن ۇلتتار ۇيىمىنىڭ ەۋروپالىق ەكونوميكالىق كوميسسياسى (بۇۇ ەەك) اراسىنداعى ٴوزارا تۇسىنىك تۋرالى مەموراندۋم نەگىزىندە شەكاراارالىق اعىن سۋلار مەن حالىقارالىق كولدەردى قورعاۋ جانە پايدالانۋ تۋرالى كونۆەنسيانىڭ تاراپتارى كەڭەسىنىڭ شەشىمىنە سايكەس قۇرىلعان سۋ رەسۋرستارىن كەشەندى باسقارۋ جونىندەگى حالىقارالىق ىنتىماقتاستىق ورتالىعى.

ال، 2017 جىلعى 7 جەلتوقساندا استانا قالاسىندا حالىقارالىق سۋدى باعالاۋ ورتالىعىنىڭ اشىلۋى ٴوتتى. كەڭسەنىڭ اشىلۋى ايماقتىق ديالوگتىڭ تيىمدىلىگىن ارتتىرۋعا حالىقارالىق ۇيمدارمەن سۋ ماسەلەسى بويىنشا ىنتىماقتاستىقتى كەڭەيتۋگە باعىتتالعان قادام بولدى. ورتالىقتىڭ قازاقستاندا جۇمىس ىستەۋى ەلگە ايماقتىق جانە جاھاندىق سۋ پروبلەمالارى بويىنشا حالىقارالىق عىلىمي ورتالىققا اينالۋعا جانە الەمدىك قوعامداستىققا ٴوز ۇلەسىن قوسۋعا مۇمكىندىك بەرەدى.

ورتالىقتىڭ نەگىزگى مىندەتى شەكاراالىق سۋ كونۆەنسياسىن جۇزەگە اسىرۋعا قولداۋ كورسەتۋ بولىپ تابىلادى. حالىقارالىق سۋدى باعالاۋ ورتالىعى ٴوز كەزەگىندە ورتالىق ازيا ەلدەرىنە، سونداي-اق بۇۇ ەەك ايماعىنا كىرەتىن جانە ودان تىس ەلدەرگە ەرەكشە كوڭىل بولەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي