BAQ.kz - Қазақстан жаңалықтары USD 374.47 BAQ.kz - Қазақстан жаңалықтары EUR 421.43 BAQ.kz - Қазақстан жаңалықтары RUB 5.54
استانا:

نۇرسۇلتان نازاربايەۆ باتىس قازاقستان وبلىسىندا جيھاز جاسايتىن فابريكاعا باردى

مەملەكەت باسشىسى باتىس قازاقستان وبلىسىنا جۇمىس ساپارى بارىسىندا «كۆانت» جاۋاپكەرشىلىگى شەكتەۋلى سەرىكتەستىگىنىڭ جيھاز جاسايتىن فابريكاسىنا باردى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

قازاقستان پرەزيدەنتىنە كاسىپورىننىڭ قازىرگى قارجى-شارۋاشىلىق جاعدايى تۋرالى مالىمەت ۇسىنىلىپ، ٴوندىرىس اۋقىمىن ۇلعايتۋ جانە دايىن ٴونىم تىزبەسىن كەڭەيتۋ جوسپارى جونىندە باياندالدى.

سونداي-اق، فابريكانى ارالاۋ كەزىندە نۇرسۇلتان نازاربايەۆقا ٴوڭىردىڭ الەۋمەتتىك-ەكونوميكالىق دامۋ بارىسى، سونىڭ ىشىندە ونەركاسىپ سەكتورىنىڭ، شاعىن جانە ورتا بيزنەستىڭ قازىرگى احۋالى مەن پەرسپەكتيۆالارى جونىندە باياندالدى.

بۇدان بولەك، كاسىپورىن اۋماعىندا مەملەكەت باسشىسىنا يندۋستريالىق-يننوۆاسيالىق دامۋ باعدارلاماسى اياسىندا جۇزەگە اسىرىلىپ جاتقان جوبالار تانىستىرىلدى. اتاپ ايتقاندا، فين تەحنولوگياسى بويىنشا تۇرمىستىق قاتتى قالدىقتاردى قايتا وڭدەۋ جۇيەسىن جاڭعىرتۋ، ٴىرى قارا مەن ۇساق مالدىڭ تەرىسىن وڭدەۋ، نان جانە ماكارون ونىمدەرىن ٴوندىرۋ، حيميا ٴوندىرىسى، ديزەل وتىنىنىڭ كومپونەنتتەرىن گيدروتازالاۋ جونىندەگى جوبالار بار.

***

«كۆانت» كومپانياسى پورولون، ماتراس، تۇتاس جانە جۇمساق جيھاز جاساۋمەن اينالىسادى. وندىرىستە قولدانىلاتىن بارلىق ماتەريال ەكولوگيالىق تۇرعىدان تازا ٴارى مەملەكەتتىك ستاندارتتارعا ساي كەلەدى.

جيھاز ەۋروپالىق تاۋار وندىرۋشىلەردىڭ زاماناۋي قۇرال-جابدىعىمەن وزىق تەحنولوگيالار قولدانىلا وتىرىپ جاسالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي