BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

نازاربايەۆ يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەستى

فوتو: Бауыржан Жуасбаев

قازاقستان پرەزيدەنتى نۇرسۇلتان نازاربايەۆ يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەستى، دەپ حابارلايدى baq.kz اقپارات اگەنتتىگى.

مەملەكەت باسشىسى قازاقستانعا كەلگەن يران پرەزيدەنتىنە ٴىلتيپات ٴبىلدىرىپ، ەكى ەل اراسىنداعى قارىم-قاتىناستاردىڭ ٴاردايىم تۇراقتى سيپاتقا جانە دوستىق پەن باۋىرلاستىققا نەگىزدەلگەنىن اتاپ ٴوتتى.

"ٴسىزدىڭ ساياساتىڭىز بەن جوعارى دەڭگەيدەگى ەكى جاقتى ٴتيىمدى كەزدەسۋلەرىمىزدىڭ ارقاسىندا ەلدەرىمىز اراسىنداعى ساۋدا-ساتتىق پەن جۇك تاسىمالى كولەمى ارتىپ كەلەدى. اسىرەسە، اۋىل شارۋاشىلىعى ونىمدەرىن جەتكىزۋ ٴىسى جانداندى"، – دەدى قازاقستان پرەزيدەنتى.

نۇرسۇلتان نازاربايەۆ قازاقستان مەن يران كاسپيي تەڭىزى ايماعىنداعى جاقىن كورشى ەكەنىن، سونداي-اق 2016 جىلعى ٴوزارا ساپارلار ەكى جاقتى بايلانىستارعا تىڭ سەرپىن بەرگەنىن ايتتى.

"ٴبىزدىڭ سەنىم مەن ٴوزارا تۇسىنىستىككە نەگىزدەلگەن بۇگىنگى تاريحي كەزدەسۋىمىز كاسپييگە قاتىستى بارلىق ماسەلەنى شەشىپ، كاسپيي ماڭى ەلدەرى اراسىنداعى ىنتىماقتاستىقتى نىعايتادى"، – دەدى قازاقستان پرەزيدەنتى.

حاسان رۋحاني نۇرسۇلتان نازاربايەۆقا قازاقستانعا كەلۋگە مۇمكىندىك تۋعىزعانى جانە يران دەلەگاسياسىنا قوناقجايلىق كورسەتكەنى ٴۇشىن ريزاشىلىق ٴبىلدىردى.

"سىزبەن كەزدەسكەنىمىزگە قۋانىشتىمىز. بۇگىنگى سامميتتە وڭ ناتيجەلەرگە قول جەتكىزىلەدى دەپ ۇمىتتەنەمىن. ەلدەرىمىز گەوگرافيالىق جاعىنان عانا ەمەس، سونداي-اق باسقا دا اسپەكتىلەر بويىنشا جاقىن. سوندىقتان ٴبىزدىڭ مۇددەلەرىمىز دە ورتاق"، – دەدى حاسان رۋحاني.

ح.رۋحاني حالىقارالىق جيىنداردا قازاقستاننىڭ ۇنەمى يراندى قولدايتىنىن جانە يادرولىق قارۋ تاقىرىبى جونىندەگى حالىقارالىق ۋاعدالاستىقتى تۇراقتى تۇردە ساقتايتىنىن اتاپ ٴوتتى.

"ٴسىزدىڭ ەلىڭىز جاھاندىق ارەنادا، سونىڭ ىشىندە استانا پروسەسى اياسىندا، وتە ماڭىزدى بىتىمگەرشىلىك ميسسياسىن اتقارادى. ٴبىزدىڭ قارىم-قاتىناستارىمىزدىڭ ستراتەگيالىق سيپاتى بار جانە بارلىق باعىت بويىنشا دامىپ كەلەدى. بۇگىن اقتاۋدا كاسپيي تاقىرىبى جونىندە ماڭىزدى سامميت وتەدى. بۇل قازاقستاننىڭ جوعارى بەدەلىن تاعى دا ناقتىلاي تۇسەدى"، – دەدى يران پرەزيدەنتى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي