BAQ.kz - Қазақстан жаңалықтары USD 326 BAQ.kz - Қазақстан жаңалықтары EUR 382.2 BAQ.kz - Қазақстан жаңалықтары RUB 5.29
استانا:

مولدوۆا پرەزيدەنتى سوچيدە وتەتىن ەاەو سامميتىندە نازاربايەۆپەن كەزدەسۋدى جوسپارلاۋدا

فوتو: ашық дереккөзден

مولدوۆا پرەزيدەنتى يگور دودون سوچيدە وتەتىن ەۋرازيالىق ەكونوميكالىق وداق (ەاەو) سامميتىندە قازاقستان، رەسەي جانە بەلارۋستىڭ پرەزيدەنتتەرىمەن، سونىمەن قاتار ارمەنيا پرەمەرىمەن جۇمىس كەزدەسۋىن وتكىزۋدى جوسپارلاۋدا، دەپ حابارلايدى baq.kz اقپارات اگەنتتىگى تاسس-قا سىلتەمە جاساپ.

«جوعارعى ەۋرازيالىق ەكونوميكالىق كەڭەستىڭ وتىرىسىنا قاتىسۋ ٴۇشىن ۇشىپ بارامىن. سامميت «الاڭىندا» رف پرەزيدەنتى ۆلاديمير پۋتينمەن، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكومەن، قر پرەزيدەنتى نۇرسۇلتان نازاربايەۆپەن، سونىمەن قاتار، ارمەنيا رەسپۋبليكاسىنىڭ پرەمەر-مينيسترى نيكولاي پاشينيانمەن ەكى جاقتى كەزدەسۋ وتكىزۋ جوسپارلانعان»، - دەپ جازعان ي.دودون الەۋمەتتىك جەلىدەگى پاراقشاسىندا.

بۇعان دەيىن، مولدوۆا باسشىسى سوچيدە «رەسەي پرەزيدەنتىمەن وتكەن جىلدىڭ باسىندا قول جەتكىزىلگەن كەلىسىمدەردىڭ ناتيجەسىن تالقىلاعىسى كەلەتىنىن» حابارلاعان.

«ولار ٴبىرىنشى كەزەكتە كوپتەگەن ازاماتتارىمىزدىڭ ومىرىندە ورىن العان وڭ وزگەرىستەرگە قاتىستى. وسى ۋاقىتقا دەيىن ٴبىزدىڭ وندىرۋشىلەرىمىز رف-عا ەكسپورت كولەمىن ەداۋىر ارتتىردى. سونىمەن قاتار، مولدوۆانىڭ باسىم بولىگى رەسەيدە جۇمىس ىستەيتىن ەڭبەك ميگرانتتارى بۇرىنعىعا قاراعاندا جاقسى قورعالعان»، - دەپ اتاپ ٴوتتى ي.دودون.

سونىمەن قاتار، ي دودون كەلىسسوزدەر بارىسىندا مولدوۆا مەن رەسەي اراسىنداعى قارىم-قاتىناستى جاقسارتۋ ماسەلەسىن تالقىلاماقشى. ونىڭ ايتۋنىشا، كيشينەۆتاعى ەۋروپالىق بيلىكتىڭ قىرىن قاباق تانىتۋى ەكى ەل اراسىنداعى قارىم-قاتىناستى قيىنداتىپ جىبەرگەن.

حابارلانعانداي، ەاەو ەلدەرىنىن باسشىلارى سوچيدە 14 مامىردا وتەتىن سامميتتە ەنەرگەتيكا، سيفرلىق ەكونوميكا، مەديسينا، ەكولوگيا، سونىمەن قاتار مولدوۆانىڭ وداققا باقىلاۋشى ەل رەتىندە مۇشەلىگىن تاقىلايتىن بولادى.

«تالقىلاناتىن ماسەلەلەر قاتارىندا باق نازارىن اۋداراتىن ماڭىزدى ماسەلە دە بار – بۇل ەۋرازيالىق كوميسسيا دايىنداعان وداق جانىنداعى باقىلاۋشى-مەملەكەت ەرەجەسىن بەكىتۋ. ٴبىز كۇتىپ وتىرعانداي، وتىرىس بارىسىندا مولدوۆا رەسپۋبليكاسىنا باقىلاۋشى-مەملەكەت مارتەبەسى بەرىلەدى»، - دەدى رف پرەزيدەنتىنىڭ كومەكشىسى مىندەتىن اتقارۋشى يۋريي ۋشاكوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي