BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

مەملەكەتتىك حاتشىنىڭ توراعالىعىمەن رامىزدەر مەن وزگە دە ناگرادالار گەرالديكاسى قارالدى

فوتو: Akorda.kz

استانا، baq.kz. جيىنعا پارلامەنت دەپۋتاتتارى، ورتالىق جانە جەرگىلىكتى اتقارۋشى ورگانداردىڭ جەتەكشىلەرى، بەلگىلى قوعام قايراتكەرلەرى، عالىمدار قاتىستى. بۇل تۋرالى اقوردا حابارلادى.

وتىرىستى اشقان گۇلشارا ٴابدىقالىقوۆا ازاماتتاردىڭ مەملەكەتتىك رامىزدەرگە دەگەن قۇرمەت سەزىمىن قالىپتاستىرۋ باعىتىندا ٴاقپاراتتىق-تۇسىندىرۋ جۇمىستارىن جۇيەلى تۇردە ىلگەرىلەتۋ، پاتريوتتىق تاربيەنىڭ ٴرولىن، اسىرەسە جاستار اراسىندا ودان ٴارى جالعاستىرۋ قاجەتتىگىن اتاپ ٴوتتى.

مەملەكەتتىك حاتشى قازاقستان پرەزيدەنتى نۇرسۇلتان نازاربايەۆتىڭ «ٴاربىر قازاقستاندىق جۇرگىزىلىپ جاتقان رەفورمالاردىڭ ٴمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە تۇسىنۋگە ٴتيىس. ولاردى تابىستى جۇزەگە اسىرۋ ٴۇشىن قوعامىمىزدىڭ ورتاق ماقساتقا جۇمىلۋى اسا ماڭىزدى» دەگەن سوزىنە توقتالدى.

وتىرىستا جوعارعى سوتتىڭ، الماتى، جامبىل جانە پاۆلودار وبلىستارى اكىمدىكتەرىنىڭ مەملەكەتتىك رامىزدەردى پايدالانۋ، قولدانۋ جانە ناسيحاتتاۋ جونىندەگى ەسەپتەرى تىڭدالدى.

كوميسسيانىڭ بيىلعى قىزمەتى سارالانىپ، 2019 جىلعا ارنالعان جۇمىس جوسپارى بەكىتىلدى.

باسقوسۋ قورىتىندىسى بويىنشا گۇلشارا ٴابدىقالىقوۆا مەملەكەتتىك ورگاندار باسشىلارىنا مەملەكەتتىك رامىزدەردى پايدالانۋ، قولدانۋ جانە ناسيحاتتاۋ سالاسىنداعى مەملەكەتتىك ساياساتتى جۇزەگە اسىرۋ بويىنشا ناقتى تاپسىرمالار بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي