BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

مەملەكەتتىك حاتشى يران ەلشىسىمەن كەزدەستى

فوتو: ult.kz

اقوردادا قر مەملەكەتتىك حاتشىسى گۇلشارا ٴابدىقالىقوۆا ەلىمىزدەگى ديپلوماتيالىق ميسسياسىن اياقتاعالى وتىرعان قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋمەن كەزدەستى، دەپ حابارلايدى baq.kz ٴتىلشىسى.

مەملەكەتتىك حاتشى ەل باسشىلارىنىڭ تىعىز ٴارى سەنىمگە قۇرىلعان ديالوگىنىڭ ارقاسىندا قازاق-يران قارىم-قاتىناسى جاڭا دەڭگەيگە كوتەرىلگەنىن اتاپ ٴوتتى.

«وسى جىلدار ارالىعىندا جاقسى ناتيجەگە قول جەتكىزدىك. يران يسلام رەسپۋبليكاسىنىڭ پرەزيدەنتى استاناعا بىرنەشە رەت رەسمي ساپارمەن كەلدى. ەلباسىمىز دا يراندا بولدى. ناتيجەسىندە قوس تاراپ 1 ملرد 38 ملرد دوللاردى قۇرايتىن يندۋستۋريالدىق-يننوۆاسيالىق جانە ساۋدا-ەكونوميكالىق ىنتىماقتاستىق باعدارلاماسىنا قول قويدى. بۇل باعىتتاعى جۇمىس بەلسەندى جۇرگىزىلۋدە»، - دەدى ول.

گۇلشارا ٴابدىقالىقوۆانىڭ ايتۋىنشا، مەملەكەتتەر اراسىنداعى تاۋار اينالىمى جىلىنا 550 ملن دوللاردى قۇرايدى ەكەن. ونىڭ پىكىرىنشە، اتالعان سالاداعى ارىپتەستىك ودان ٴارى نىعايتۋ كەرەك.

«وسىدان 10 جىل قوس مەملەكەت اراسىنداعى تاۋار اينالىمى 2 ملرد دوللار بولعان. سوندىقتان وسى باعىتتاعى جۇمىستاردى كۇشەيتۋ كەرەك»، - دەدى مەملەكەتتىك حاتشى.

وسى ورايدا ول 12 تامىزدا اقتاۋدا وتەتىن كاسپيي ماڭى ەلدەرىنىڭ 5-سامميتىندە ماڭىزدى قۇجاتقا قويىلاتىنىن اتاپ ٴوتتى.

«ٴبىز كاسپيي ماڭى ەلدەرىنىڭ ٴ5-سامميتىنىڭ الدىندا كەزدەسىپ وتىرمىز. مۇندا كاسپيي تەڭىزىنىڭ مارتەبەسىن انىقتاۋ بويىنشا وتە ماڭىزدى قۇجات دايىندالدى. بۇل جۇمىسقا يراندىق تاراپ اتسالىستى. سامميتتە اتالعان قۇجات قارالادى دەگەن ۇمىتتەمىز. ناتيجەسىندە تاراپتار اتالعان قۇجات بويىنشا ٴتيىستى جۇمىستاردى جۇرگىزەدى دەگەن ويدامىز»، - دەدى گۇلشارا ٴابدىقالىقوۆا.

سونداي-اق مەملەكەتتىك حاتشى كەزدەسۋدە الەم ەلدەرىن الاڭداتىپ وتىرعان ماسەلەگە توقتالدى.

«وكىنىشكە قاراي، اقش يران يادرولىق كەلىسىمىنەن شىقتى. قازاقستان بۇل ماسەلە ديپلوماتيالىق جولمەن شەشىلۋى قاجەت دەگەن ۇستانىمدا. ارينە، ٴبىزدى وزگە مەملەكەتتەر اتالعان كەلىسىمدى قولداپ وتىرعانى قۋانتادى. قازاقستان اتالعان قۇجاتتى دايىنداۋعا بەلسەندى قاتىسقان بولاتىن. سوندىقتان ٴبىز كەلىسىم بويىنشا جۇمىس جۇرگىزىلگەنىن قالايمىز»، - دەپ تۇيىندەدى ٴسوزىن ول.

كەزدەسۋ سوڭىندا گۇلشارا ٴابدىقالىقوۆا قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋگە قوس مەملەكەت اراسىنداعى ٴوزارا ٴتيىمدى ىنتىماقتاستىقتىڭ دامۋىنا قوسقان ۇلەسى ٴۇشىن ريزاشىلىعىن ٴبىلدىرىپ، جاڭا قىزمەتىنە ساتتىلىك تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي