BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

ٴماجىلىس ٴتوراعاسى گرۋزيانىڭ ۆيسە-پرەمەر مينيسترىمەن كەزدەستى

بۇگىن پارلامەنت ٴماجىلىسىنىڭ ٴتوراعاسى نۇرلان نىعماتۋلين گرۋزيانىڭ ۆيسە-پرەمەر ٴمينيسترى، سىرتقى ىستەر ٴمينيسترى ميحەيل دجانەليدزەمەن كەزدەستى، دەپ حابارلايدى baq.kz اقپارات اگەنتتىگى.

تاراپتار ەكىجاقتى قارىم-قاتىناستى نىعايتۋدىڭ، سونىڭ ىشىندە ساۋدا-ەكونوميكالىق، مادەني-گۋمانيتارلىق، حالىقارالىق بايلانىستى دامىتۋدىڭ وزەكتى سۇراقتارىن تالقىلادى. حالىقارالىق ىنتىماقتاستىق توڭىرەگىندە قازاقستان پرەزيدەنتى نۇرسۇلتان نازاربايەۆتىڭ حالىقارالىق جاعدايلاردى رەتتەۋدە ەلدەر اراسىنداعى ٴوزارا سەنىم مەن سىندارلى ٴۇنقاتىسۋعا ايرىقشا نازار اۋداراتىنىن العا تارتا كەلىپ، ٴماجىلىس سپيكەرى ٴبىزدىڭ مەملەكەتتەرىمىزدىڭ وسى سالاداعى ۇستانىمدارىنىڭ وتە جاقىن ەكەنىن ەسكە سالدى.

وسى رەتتە ٴماجىلىس ٴتوراعاسى قازاقستان پرەزيدەنتىنىڭ بۇۇ اياسىندا حالىقارالىق لاڭكەستىك پەن ەكسترەميزمگە قارسى ٴىس-قيمىلدىڭ ٴبىرىڭعاي الەمدىك جۇيەسىن قۇرۋ تۋرالى باستاماسىنىڭ ماڭىزدىلىعىنا توقتالدى.

ن. نىعماتۋلين اتاپ وتكەندەي، قازاقستان گرۋزيامەن جان-جاقتى ارىپتەستىكتى نىعايتۋعا ەرەكشە ٴمان بەرەدى. وتكەن جىلى ەكى ەل اراسىندا ديپلوماتيالىق قاتىناستىڭ ورناعانىنا 25 جىل تولدى. وسى ۋاقىتتاردا ٴوزارا سىيلاستىق پەن سەنىم نەگىزىندە اراداعى ىقپالداستىق تەرەڭدەي ٴتۇستى.

ٴوز كەزەگىندە مارتەبەلى مەيمان قازاقستاننىڭ ىشكى جانە سىرتقى ساياساتىنداعى تۇراقتىلىق پەن تاڭدانارالىق قارقىندى دامۋى تەك ايماقتاعى ەلدەر ەمەس، الەم ەلدەرىنە ۇلگى ەكەنىن جەتكىزدى.

جۇزدەسۋ بارىسىندا پارلامەنتارالىق ىقپالداستىقتى نىعايتۋعا دا زور كوڭىل ٴبولىندى. ٴماجىلىس ٴتوراعاسى وسى ورايدا ىنتىماقتاستىق جونىندەگى توپتار جۇمىسىن كۇشەيتۋگە نازار اۋداردى.

ايتا كەتەيىك، بيىلعى جىلى، قازان ايىندا گرۋزيادا ماڭىزدى ساياسي ناۋقان – پرەزيدەنت سايلاۋى وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي