BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

كۇن پانەلدەرى كلاستەرىن سالۋ ەنەرگيانى ارزانداتادى – ساراپشى

وتكەن اپتادا قازاقستان پرەزيدەنتى نۇرسۇلتان نازاربايەۆتىڭ قىتايعا مەملەكەتتىك ساپارى كەزىندە بىرنەشە ماڭىزدى قۇجاتقا قول قويىلدى. ونىڭ ىشىندە ەكى ەل بىرلەسىپ قازاقستاندان مۇناي وڭدەۋ زاۋىتىن سالۋ، قازاقستاندا ماشينا جاساۋ سالاسىن دامىتۋ، كۇن ەلەكتر ستانسياسى پانەلدەرىن شىعاراتىن كلاستەرلەر سالۋ سياقتى ماڭىزدى جوبالار بار. وسى كەلىسىم-شارتتاردىڭ ەل ەكونوميكاسى ٴۇشىن ماڭىزدىلىعى تۋرالى قر پرەزيدەنتى جانىنداعى قازاقستان ستراتەگيالىق زەرتتەۋ ينستيتۋتى الەۋمەتتىك-ەكونوميكالىق زەرتتەۋلەر ٴبولىمىنىڭ عىلىمي مامانى بەكجان سادىقوۆ ايتىپ بەردى، دەپ حابارلايدى ۆaq.kz ٴتىلشىسى.

ساراپشىنىڭ ايتۋىنشا، قازاقستان-قىتاي تاراپتارى قول قويعان 40-قا جۋىق كوممەرسيالىق قۇجات – ەكى ەل اراسىنداعى ستراتەگيالىق دامۋدىڭ جاڭا كەزەڭى.

«اتالعان كەلەسىمدەردى جاساۋ – قازاقستان-قىتاي ستراتەگيالىق قاتىناس دامۋىنىڭ جاڭا كەزەڭى. بۇل كەلىسىمدەر قازاقستاننىڭ دامىپ كەلە جاتقان سالالارىنا جاڭا سەرپىن بەرەدى جانە ۇزاق مەرزىمگە مۋلتيپليكاتيۆتى ەففەكتىسى بولادى»، - دەدى مامان.

بەكجان سادىقوۆتىڭ ايتۋىنا قاراعاندا، قازاقستاندا كۇن پانەلدەرى كلاستەرىن دامىتۋ بالامالى ەنەرگيا كوزىنىڭ قارقىندى دامۋىنا ىقپال ەتەدى. ال قىتاي بۇل سالادا الەم بويىنشا الدىڭعى قاتاردا تۇر.

«ال، جەكەلەگەن سالالارعا، ونىڭ ىشىندە بالامالى ەنەرگياعا توقتالساق... قىتاي نارىعى 2004 جىلدان باستاپ كۇن پانەلدەرىن شىعارۋدان قارقىندى دامىپ كەلەدى. بۇگىندە قىتايدا كۇن ەنەرگەتيكاسى جۇيەسىنىڭ ەڭ وزىق ۇلگىلەرى سالىنعان. ونىڭ ۇستىنە، قىتاي – كۇن پانەلدەرىن وندىرۋدە الەمدە كوش باستاپ تۇر.

كۇن پانەلدەرى كلاستەرىن دامىتۋ – قازاقستاندا جاسىل ەكونوميكانى قۇرۋعا جاسالعان ۇلكەن قادام. بالامالى ەنەرگەتيكانى دامىتۋ – «قازاقستان-2050» ستراتەگيالىق باعدارلاماسىندا بەلگىلەنگەن ستراتەگيالىق باسىمدىقتاردىڭ ٴبىرى. ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرىنە سۇيەنسەك، 2016 جىلى وندىرىلگەن ەلەكتر ەنەرگياسىنداعى بالامالى ەنەرگيا 12،7% بولدى. ەندى سالىناتىن كلاستەر ارقىلى بۇل كورسەتكىشتى ايتارلىقتاي جوعارىلاتۋعا بولادى. ايتا كەتۋ كەرەك، قازاقستاندا 2050 جىلعا دەيىن بالامالى ەنەرگيا ۇلەسىن 50% قىلۋ جوسپارلانعان»، - دەدى ساراپشى.

مامان كۇن پانەلدەرى كلاستەرىن سالۋ بولاشاقتا ەنەرگيا باعاسىنىڭ تومەندەۋىنە ىقپال ەتەتىنىن اتاپ ٴوتتى.

«مۇنىمەن قوسا، قازاقستان پاريج كەلىسىمىن ىسكە اسىرۋدا شەشىمدى ارەكەت جاساپ جاتىر. كلاستەر اتموسفەراداعى زيان زاتتاردىڭ ۇلەسىن ازايتۋعا مۇمكىندىك بەرەدى. بۇدان باسقا، مۇنداي كلاستەر ٴىرى ەنەرگيا جۇمسايتىن جوبالاردى ىسكە اسىرۋعا جول اشىپ، ەنەرگوبالانس قۇرىلىمىندا ٴداستۇرلى ەنەرگەتيكانىڭ بولىگىن بالامالى ەنەرگيا الماستىرا الادى. ول بىزگە ٴداستۇرلى ەنەرگيانى ەكسپورتقا نەمەسە ەنەرگيانى قاجەت ەتەتىن وندىرىستىك ونەركاسىپكە جىبەرۋگە مۇمكىندىك تۋعىزادى. ودان ٴارى دامىتۋ ارقىلى ەنەرگيا قۇنىن دا ارزانداتا الامىز»، - دەدى سادىقوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي