USD 336.23 EUR 360.3 RUB 5.28
استانا:

قر مەملەكەتتىك حاتشىسىنا 9 ەلدىڭ ەلشىسى سەنىم گراموتاسىن تاپسىردى

فوتو: Литер

اقوردادا قر مەملەكەتتىك حاتشىسى گۇلشارا ٴابدىقالىقوۆاعا قازاقستاندا توتەنشە جانە وكىلەتتى ەلشى مىندەتىن اتقاراتىن 9 ەلدىڭ وكىلى سەنىم گراموتاسىن تاپسىردى، دەپ حابارلايدى baq.kz ٴتىلشىسى.

ماڭىزدى جيىنعا بۋركينو فاسو – انتۋان سومدا، ۇلى ليۋكسەمبۋرگ گەرسوگتىگى – جان-كلود كنەبەلەر، جاڭا زەلانديا – يان حيلل، چەرنوگوريا – يگور يوۆوۆيچ، يسلانديا رەسپۋبليكاسى – سيگريدۋر بەرگليند اسگەيرسدوتتير، مولدوۆا رەسپۋبليكاسى – دۋميترۋ براگيش، پاراگۆاي رەسپۋبليكاسى – رامون انتەرو دياس پەرەيرا، رۋاندا رەسپۋبليكاسى – ۋيليامس نكۋرۋنزيزا، سۋدان رەسپۋبليكاسى – نادير يۋسەف ال-تايەب قاتىستى.

گۇلشارا ٴابدىقالىقوۆا سالتاناتتى ٴراسىم ەل تاۋەلسىزدىگىنىڭ 25 جىلدىعىنا وراي وتكىزىلگەندىگىن اتاپ ٴوتتى. مەملەكەتتىك حاتشى ەلشىلەردى قازاقستانداعى ديپلوماتيالىق ميسسيالارىنىڭ رەسمي باستالاۋىمەن قۇتتىقتاپ، ولاردىڭ قىزمەتتەرى ەلدەر اراسىنداعى ىنتىماقتاستىقتىڭ الەۋەتىن وسىرۋگە ىقپال ەتەتىندىگىنە سەنىم ٴبىلدىردى.

جاڭا زەلانديا ەلشىسىمەن كەزدەسۋ بارىسىندا گۇلشارا ٴابدىقالىقوۆا ەلىمىز ٴۇشىن اگروونەركاسىپ سالاسىنداعى يننوۆاسيالىق تەحنولوگيالار مەن اۋىلشارۋاشىلىق ونىمدەرىن تەرەڭ ٴوندىرۋ سالاسىنداعى بىرلەسكەن جوبالاردى جۇزەگە اسىرۋعا ەرەكشە قىزىعۋشىلىق تانىتاتىندىعىن اتاپ ٴوتتى.

«گەوگرافيالىق جاعىنان جاڭا زەلانديا مەن قازاقستان الىس ورنالاسقان. سوعان قاراماستان ٴبىز دوستىق قارىم-قاتىناستامىز. ناقتىراق ايتساق، ٴبىز قازاق ەلىمەن كوپتەگەن سالالار بويىنشا بايلانىس ورناتتىق. قازاقستاندى بۇۇ قاۋىپسىزدىك كەڭەسىنىڭ 2017-2018 جىلدار ارالىعىندا تۇراقتى ەمەس مۇشەلىگىنە وتۋىمەن قۇتتىقتايمىن. ٴبىزدىڭ ەلىمىز وسى جىلى بۇل كەڭەستەگى جۇمىسىن اياقتايدى. جاڭا زەلانديا مال شارۋاشلىعى سالىسىنداعى تاجىريبەسىمەن بولىسۋگە دايىن. سەبەبى، مەملەكەتىمىزدە ٴسۇت جانە ەت ونىمدەرىن وڭدەۋ جاقسى جولعا قويىلعان»، - دەدى قازاقستانداعى جاڭا زەلانديا ەلشىسى.

ال مەملەكەتتىك حاتشى پاراگۆاي ەلشىسىمەن كەزدەسۋىندە اتالمىش ەل ەلەكتر قۋاتىنىڭ 90%-ىن قالپىنا كەلەتىن قۋات كوزدەرىنەن الىپ وتىرعانىنا نازار اۋداردى. سونداي-اق، پاراگۆاي استاناداعى «ەكسپو-2017» كورمەسىنە قاتىسا وتىرىپ الەمگە بالامالى ەنەرگەتيكا سالاسىنداعى ۇزدىك جەتىستىكتەرىن كورسەتۋگە مۇمكىندىك الاتىنىن ايتتى.

«مەن – ٴۇشىن ەلشى رەتىندە قازاقستاندا قىزمەت اتقارۋ ۇلكەن قۇرمەت. قازاق ەلى مەن پاراگۆاي اراسىنداعى قارىم-قاتىناستى ودان ٴارى جانداندىرا تۇسسەم دەگەن ويدامىن. ٴبىز قازاقستان سياقتى اشىق تەڭىزگە شىعا المايمىز. سوعان قاراماستان بۇۇ اياسىندا تەڭىزگە شىعا المايتىن 34 مەملەكەت كىرەتىن توپ ارقىلى سىزدەرمەن تىعىز بايلانىس ورناتۋعا تىرىستىق. سونىمەن قاتار، ەكونوميكا جانە ەلىمىز مامانداعان سالالار بويىنشا قارىم-قاتىناسىمىزدى ودان ٴارى دامىتۋدى كوزدەپ وتىرمىز»، - دەدى پاراگۆاي ەلشىسى.

جيىن سوڭىندا گۇلشارا ٴابدىقالىقوۆا ەلشىلەردى استانا قالاسىندا وتەتىن «ەكسپو-2017» حالىقارالىق كورمەسىنە شاقىردى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي