BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قر ەنەرگەتيكا ۆيسە-مينيسترى تاعايىندالدى

قر ۇكىمەتىنىڭ قاۋلىسىمەن اناتوليي ۆالەرەۆيچ شكارۋپا قر ەنەرگەتيكا ۆيسە-مينيسترى لاۋازىمىنا تاعايىندالدى. بۇعان دەيىن اتالعان قىزمەتتى اتقارعان باقىتجان جاقساليەۆ لاۋازىمىنان بوساتىلدى، دەپ حابارلايدى baq.kz اقپارات اگەنتتىگى primeminister.kz سايتىنا سىلتەمە جاساپ.

اناتوليي شكارۋپا 1975 جىلى الماتى وبلىسىندا دۇنيەگە كەلگەن. 1998 جىلى الماتى ەنەرگەتيكا جانە بايلانىس ينستيتۋتىن «وتىن-ەنەرگەتيكا كەشەنى سالاسىنداعى ەكونوميكا جانە مەنەدجمەنت، ينجەنەر-ەكونوميست» ماماندىعى بويىنشا، 2016 جىلى – كازگيۋۋ ۋنيۆەرسيتەتىن «قۇقىقتانۋ» ماماندىعى بويىنشا ٴتامامدادى.

ەڭبەك جولىن 1998 جىلى «kegok» ااق-دا جەتەكشى مامان بولىپ باستادى، وندا 2005 جىلعا دەيىن ٴبولىم باسشىسى، جوسپارلاۋ جانە ەكونوميكالىق تالداۋ دەپارتامەنتى ديرەكتورىنىڭ ورىنباسارى قىزمەتتەرىندە ەڭبەك ەتتى.

2005-2013 جىلدارى تابيعي مونوپوليالاردى رەتتەۋ جونىندەگى قر اگەنتتىگى قۇرىلىمىندا جۇمىس ىستەدى. ەلەكتر جانە جىلۋ ەنەرگەتيكاسى سالاسىندا رەتتەۋ دەپارتامەنتى ديرەكتورى، اگەنتتىك ٴتوراعاسىنىڭ ورىنباسارى قىزمەتتەرىن اتقارعان.

2013-2104 جىلدارى – «تكش جاڭعىرتۋ مەن دامىتۋدىڭ قازاقستاندىق ورتالىعى» اق باسقارما ٴتوراعاسى.

2015-2017 جىلدارى – قاراعاندى وبلىسى ساران قالاسىنىڭ اكىمى.

2017 جىلعى مامىردان باستاپ قازىرگى تاڭعا دەيىن قاراعاندى وبلىسى اكىمىنىڭ ورىنباسارى لاۋازىمىن اتقارعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي