BAQ.kz - Қазақстан жаңалықтары USD 360.12 BAQ.kz - Қазақстан жаңалықтары EUR 409.67 BAQ.kz - Қазақстан жаңалықтары RUB 5.33
استانا:

«قورعاس-شىعىس قاقپاسى» قۇرعاق پورتى كۇنىنە 240 كونتەينەردى قابىلدايدى

بۇگىن تەلەكوپىر ارقىلى «قورعاس شىعىس قاقپاسى» قۇرعاق پورتىنان تومات پاستاسى تيەلگەن 82 كونتەينەر ترانسكاسپيي كولىك دالىزىمەن «قۇرىق» پورتىنا جونەلتىلدى. بۇل جايىندا ktze – khorgos gatway ٴجشس-سى قۇرعاق پورتىنىڭ باس ديرەكتورى جاسلان حامزين ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

ونىڭ ايتۋىنشا، بۇل جۇك كولىگى ودان ٴارى گرۋزيانىڭ پوتي پورتىنا جەتكىزىلىپ، كەيىن يتالياعا بەت الادى.

«بۇل قۇرعاق پورتتىڭ جۇمىس ىستەپ جاتقانىنا 3 جىل بولدى. وسى ارالىقتا ينفراقۇرىلىم تەحنيكامەن قامتاماسىز ەتىلدى. ٴقازىر كۇنىنە قىتاي جاقتان 240 كونتەينەردى قابىلدايمىز. پورت الاڭىنا 18 مىڭ كونتەينەر سىيادى. سونداي-اق 5 مىڭ شارشى مەترلى ۋاقىتشا ساقتاۋ قويماسى سالىنعان، ونىڭ 700 شارشى مەترى توڭازىتقىشپەن قامتىلعان. ٴقازىر الما جانە تاعى باسقا جەمىس وسىرەتىن پانفيلوۆ اۋدانىنىڭ كاسىپكەرىمەن كەلىسسوز جۇرگىزدىك، ولاردىڭ جەمىسىن توڭازىتقىشتا ساقتاپ، كەيىن قىتايعا جانە باسقا جاققا جەتكىزەتىن بولامىز»، - دەدى ول.

ونىڭ سوزىنە قاراعاندا، قۇرعاق پورتىنىڭ ارتىقشىلىعى جۇكتىڭ جىلدام جەتكىزىلۋىندە ەكەن.

«تەڭىز پورتىنىڭ تاسىمال مولشەرى وتە جوعارى. ٴبىز ولاردى سۇيەمەلدەۋشى بولىپ تابىلامىز. ماسەلەن تەڭىز ارقىلى جۇك 40 كۇندە جەتەدى، ال پويىزبەن 15 كۇندە. اۋە تاسىمالى قىمبات بولعاندىقتان كليەنتتەر ٴبىزدى تاڭداۋدا. ٴبىز ٴقازىر جۇكتەردى رەسەيگە، ورتالىق ازيا، كاۆكاز ەلدەرىنە جەتكىزە الامىز. ماسەلەن، وزبەكستان، قىرعىزستان جانە تۇركيا ەلدەرىنە ۇلكەن مولشەردە جۇكتەر جەتكىزىلۋدە»، - دەدى جاسلان حامزين.

سونىمەن قاتار ول، قۇرىق پورتىمەن ىنتىماقتاستىق جونىندەگى مەموراندۋم جاساسقاندارىن جانە الداعى ۋاقىتتا it باعدارلامالارىن بىرىكتىرۋدى قالايتىندىقتارىن جەتكىزدى. ول كەدەندىك راسىمدەۋدە وتە ىڭعايلى بولماق.

اتالعان قۇرعاق پورت كۇنىنە 240 كونتەينەردى قابىلدايدى. الداعى ۋاقىتتا 480 كونتەينەرگە دەيىن قابىلداماق. 40 كونتەينەرلى پويىزدى تيەپ، ٴتۇسىرۋ جۇمىستارىنا ورتاشا ەسەپپەن 55 مينۋت كەتەدى ەكەن.

قۇرعاق پورتتىڭ جالپى اۋماعى 129،8 گەكتاردى قۇرايدى، ول لوگيستيكالىق جانە يندۋستريالدى ايماقپەن بىرىكتىرىلگەن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي