BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«قورعاس شىعىس قاقپا» قۇرعاق پورتىنان «قۇرىققا» جۇك پويىزى جونەلتىلدى

فوتو: bnews.kz

بۇگىن اقتاۋ قالاسىندا ٴوتىپ جاتقان ترانسكاسپيي ٴسامميتى اياسىندا تەلەكوپىر ارقىلى «قورعاس» شىعىس قاقپا قۇرعاق پورتىنان كونتەينەرلى پويىز «قۇرىق» پورتىنا جول تارتتى، دەپ حابارلايدى baq.kz ٴتىلشىسى.

تەلەكوپىر اياسىندا «قورعاس شىعىس قاقپا» او ەركىن ساۋدا ايماعىنىڭ باس ديرەكتورى مۇرات بايمۇحامبەتوۆ قازاقستان رەسپۋبليكاسىنىڭ پرەزيدەنتىنە وسى مينۋتتاردا «قورعاس» شىعىس قاقپا قۇرعاق پورتى تۇراقتى كونتەينەرلى پويىزىن «قۇرىق» پورتىنا جىبەرۋگە دايىن ەكەنىن جەتكىزدى.

«قۇرمەتتى نۇرسۇلتان ٴابىش ۇلى، وسى مينۋتتاردا «قورعاس» شىعىس قاقپا قۇرعاق پورتى تۇراقتى كونتەينەرلى پويىزىن «قۇرىق» پورتىنا جىبەرۋدە، ودان ارى ترانسكاسپيي ٴدالىزى ارقىلى ەۋروپاعا شىعادى. بۇل لوگيستيكالىق ٴدالىز قىتاي، كاۆكاز جانە ەۋروپا كليەنتتەرى ٴۇشىن تارتىمدى بولىپ وتىر. ترانسكاسپيي حالىقارالىق ٴدالىزى بويىنشا مۋلتيمودالدى كونتەينەرلەردى جالعايتىن پويىزدىڭ جۇرۋىنە ستارت بەرۋىڭىزدى سۇرايمىن»، -دەدى ول.

ايتا كەتەيىك، بۇگىن مەملەكەت باسشىسى نۇرسۇلتان نازاربايەۆقا قۇرىق پورتىنداعى پاروم كەشەنى مۋلتيمودالدىق كولىك حابى تانىستىرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي