BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

كليماتتىڭ وزگەرۋى سالدارىنان قازاقستاننىڭ ارال تەڭىزىنەن العان تراگەديالىق تاجىريبەسى بار - ٴسىم

كليماتتىڭ وزگەرۋى جوقشىلىققا جانە ازىق-تۇلىك قاۋىپسىزدىگىنىڭ بولماۋىنا، زاڭسىز كوشى-قونعا، الەۋمەتتىك تۇراقسىزدىققا جانە قيان-كەسكى قاقتىعىستارعا اكەلۋى مۇمكىن «قاۋىپ-قاتەردىڭ مۋلتيپليكاتورى» بولىپ وتىر. بۇل تۋرالى قازاقستاننىڭ سىرتقى ىستەر ٴمينيسترىنىڭ ورىنباسارى ەرجان اشىقبايەۆ 11 شىلدەدە بۇۇ قاۋىپسىزدىك كەڭەسىندە «كليماتتىڭ وزگەرۋىمەن بايلانىستى قاۋىپسىزدىكتىڭ تاۋەكەلدەرى» تاقىرىبىندا وتكەن اشىق پىكىرتالاس بارىسىندا مالىمدەدى، دەپ حابارلايدى baq.kz اقپارات اگەنتتىگى.

سىرتقى ىستەر ٴمينيسترىنىڭ ورىنباسارى ٴوز سوزىندە كليماتتىڭ وزگەرۋ پروبلەماسى بۇكىل الەم ٴۇشىن وزەكتى ماسەلە بولىپ تابىلاتىنىن جانە ماڭىزدى ەكونوميكالىق، الەۋمەتتىك جانە ەكولوگيالىق سالداردى قامتيتىنىن اتاپ ٴوتتى. قازاقستان جاھاندىق قاۋىپسىزدىك ٴۇشىن الەمدىك قاۋىمداستىقپەن بىرىگۋگە دايىن.

«قازاقستاننىڭ جانە بۇكىل ورتالىق ازيا ٴوڭىرىنىڭ ارال تەڭىزىنىڭ قۇرعاۋىمەن بايلانىستى باسىنان وتكىزگەن ترادەگيالىق تاجىريبەسى بار. بۇل ەكولوگيالىق اپات جەرگىلىكتى تۇرعىندارعا جانە 60 ميلليوننان استام ادامدى قامتىعان بارلىق شەكارالاس مەملەكەتتەردەگى قورشاعان ورتاعا ٴقاۋىپ ٴتوندىردى»، - دەدى ە. اشىقبايەۆ.

ول ارال تەڭىزى پروبلەماسىن شەشۋ ٴۇشىن قابىلدانىپ جاتقان شارالار، ونىڭ ىشىندە حالىقارالىق ارالدى قۇتقارۋ قورىنىڭ اياسىندا قابىلدانىپ جاتقان شارالار مەن وسى جۇمىستىڭ وڭ ناتيجەلەرى تۋرالى اڭگىمەلەدى.

كليماتتىڭ وزگەرۋىنە قارسى كۇرەس ەل ۇكىمەتىنىڭ باسىم مىندەتتەرىنىڭ ٴبىرى ەكەنىن اتاي وتىرىپ، ە.اشىقبايەۆ قازاقستاننىڭ 2050 جىلعا قاراي زياندى قالدىقتاردىڭ كولەمىن قىسقارتۋ بويىنشا جاساپ جاتقان قادامدارىنا جانە جاڭارتىلاتىن ەنەرگيا كوزدەرىنە تولىققاندى كوشۋ جوسپارلارىنا باسا نازار اۋداردى. بۇل ۇدەرىستە استانا قالاسىندا قۇرىلعان حالىقارالىق «جاسىل» تەحنولوگيالار ورتالىعىنىڭ ماڭىزى ەرەكشە زور.

شۆەسيانىڭ سىرتقى ىستەر ٴمينيسترى مارگوت ٴۆاللستريومنىڭ توراعالىعىمەن وتكەن ٴىس-شاراعا ناۋرۋ رەسپۋبليكاسىنىڭ پرەزيدەنتى بارون ۆاكا، بۇۇ باس حاتشىسىنىڭ ٴبىرىنشى ورىنباسارى امينا موحاممەد، يراك سۋ رەسۋرستارى جونىندەگى ٴمينيسترى حاسان دجانابي جانە باسقالار قاتىستى.

سونىمەن قاتار، نيۋ-يوركتە ە. اشىقبايەۆ «ورنىقتى دامۋ ماقساتتارىنا قول جەتكىزۋگە ترانسشەكارالىق سۋ ىنتىماقتاستىعىنىڭ قوسقان ۇلەسى» فورۋمىندا ٴسوز سويلەدى. ول قازاقستاننىڭ كورشى ەلدەرمەن، ونىڭ ىشىندە ورتالىق ازيا مەملەكەتتەرىمەن، رەسەي جانە قىتايمەن ترانسشەكارالىق وزەندەردى پايدالانۋ ماسەلەسى بويىنشا ٴوزارا ٴىس-قيمىل تاجىريبەسىمەن ٴبولىستى، سونداي-اق وسى ماسەلەدە حالىقارالىق سۋ قۇقىقتارىن جان-جاقتى زەردەلەۋگە جانە ونى قولدانۋعا قولداۋ ٴبىلدىردى.

سونىمەن بىرگە، قازاقستاننىڭ ٴسىم ورىنباسارى اعىمداعى جىلدىڭ 10-12 قازانىندا الەمنىڭ بارلىق ەلدەرىنەن 400-دەن استام ۇكىمەتتىڭ، حالىقارالىق ۇكىمەتتىك ەمەس ۇيىمداردىڭ وكىلدەرى مەن سۋ پروبلەماسى جونىندەگى ساراپشىلاردىڭ قاتىسۋىمەن وتەتىن بۇۇ ەۋروپالىق ەكونوميكالىق كوميسسياسىنىڭ سۋ كونۆەنسياسىنا قاتىسۋشى تاراپتاردىڭ كەزدەسۋىنە استانا ۇلكەن ٴمان بەرەتىنىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي