BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قىتايلىق دەلەگاسيا قازاقستاندىق تۇلەكتەردى وقۋعا شاقىردى

وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ قىتاي حالىق رەسپۋبليكاسىنىڭ ينۆەستيسيا جانە دامۋ كوميتەتى دەپارتامەنتىنىڭ باسشى چين يۋيساي باستاعان دەلەگاسيامەن كەزدەستى. تاراپتار باسقوسۋدا ٴوزارا ەكونوميكالىق بايلانىس جايىندا اڭگىمە ٴوربىتىپ، الداعى ۋاقىتتا بۇل قارىم-قاتىناستى ودان ٴارى نىعايتۋ جايىن تالقىلادى، دەپ حابارلايدى baq.kz اقپارات اگەنتتىگى.

كەزدەسۋدە وبلىس اكىمى ٴوڭىرىمىزدىڭ ەكونوميكالىق الەۋەتىن ايتا كەلە، كورشى ەلمەن الىس-بەرىستى كۇشەيتۋ باعىتىندا ٴبىرقاتار ۇسىنىس پىكىرلەرىن جەتكىزدى.

«مەنىڭشە، بۇل كەزدەسۋ ەكى تاراپ ٴۇشىن دە ٴتيىمدى بولادى، سەبەبى ٴبىزدىڭ وڭىردە كاسىپكەرلىكپەن اينالىسۋ ٴۇشىن ىڭعايلى جاعداي جاسالعان. ول قىتايلىق كاسىپكەرلەردى قىزىقتىرادى دەپ ويلايمىن. بۇعان دەيىن دە ەكى ەل اراسىندا بايلانىس جاقسى بولىپ كەلدى. ەلىمىزدەگى قىتايلىق كومپانيالارمەن بىرلەسىپ جۇزەگە اسىرىلعان 50-دەن استام جوبامەن، قوس تاراپ اراسىنداعى تاۋار اينالىمنىڭ 10،4 ملرد-قا اقش دوللارىنا جەتكەنى وسىنىڭ دالەلى. الداعى ۋاقىتتا ارىپتەستىك قارىم-قاتىناستى تۋريزم جانە ينۆاسيالىق دامۋ باعىتىندا دا نىعايتا تۇسەمىز دەگەن سەنىمدەمىن»، – دەدى جانسەيىت قانسەيىت ۇلى.

وڭتۇستىك ٴوڭىرى جايلى اقپاراتقا قانىققان قوناقتار دا بىرلەسىپ جۇمىس ىستەۋگە مۇددەلى ەكەندىكتەرىن جەتكىزدى. ولار قىتايدا ٴبىلىم سالاسىنا قاتىستى جاڭا باستاما ىسكە اسىرىلعالى جاتقانىن ايتا كەلە، قازاقستاندىقتاردى ٴوز ەلدەرىنە وقۋعا شاقىردى.

«نەگىزىندە قوس تاراپ اراسىندا قاتىناستى نىعايتۋ ەكى ەلگە دە وتە ٴتيىمدى. وسى رەتتە ٴبىز عىلىم مەن ٴبىلىمدى دامىتۋعا كۇش سالىپ كەلەمىز. اتالعان سالانى دامىتا وتىرىپ، كورشى ەلدەرمەن قاتىناستى نىعايتۋدى كوزدەپ وتىرمىز. ماسەلەن، وسى جوبا اياسىندا قازاقستاندىق مەكتەپ بىتىرۋشىلەردى وقۋعا شاقىرامىز. سونداي-اق، وقۋ اياقتالعان سوڭ ولاردى جۇمىسقا ورنالاستىرۋ ماسەلەسىن دە شەشىپ بەرۋگە اتسالىسامىز»، – دەدى قحر ينۆەستيسيا جانە دامۋ كوميتەتىنىڭ دەپارتامەنت باسشىسى چين يۋيساي.

ايتا كەتەيىك، قىتاي ەلىندە ٴقازىردىڭ وزىندە 15 مىڭعا تارتا قازاقستاندىق جاس ٴبىلىمىن جەتىلدىرىپ ٴجۇر. ەكى ەل اراسىنداعى جوبالار وڭ شەشىمىن تاپسا، بۇل كورسەتكىش ەسەلەپ ارتۋى مۇمكىن. ويتكەنى، قىتايلىق وقۋ ورىندار بيىل تاعى گرانت ٴبولىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي