BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قىتايدىڭ تەكستيل كومپانيالارىنىڭ جەتەكشىلەرى استاناعا كەلدى

قىتايدىڭ توقىما ونەركاسىبى وداعىنىڭ قۇرامىنا كىرەتىن، 30 دان استام تەكستيل كومپانيالارىنىڭ جەتەكشىلەرى قازاقستاننىڭ ينۆەستيسيالىق الەۋەتىمەن تانىسۋ ٴۇشىن العاش رەت استاناعا كەلدى. اتالمىش كەزدەسۋ «kazakh invest» ۇلتتىق كومپانياسىنىڭ قولداۋىمەن ۇيىمداستىرىلدى، دەپ حابارلايدى ۆaq.kz اقپارات اگەنتتىگى.

كەزدەسۋ بارىسىندا «kazakh invest» باسقارما ٴتوراعاسى ساپاربەك تۇياقبايەۆ قازاقستان مەن قىتاي بيوتەحنولوگيا سالاسىنداعى ٴىرى تەحنولوگيالىق جوبالاردىڭ اۆتوموبيل كلاستەرى، جاڭارتىلعان ەنەرگيا كوزدەرى جانە تاعى دا باسقا بىرلەسكەن ينۆەستيسيالىق باعدارلاما بويىنشا جۇزەگە اسىرىلىپ جاتقانىن اتاپ ٴوتتى. بۇل جوبالار مەملەكەت باسشىسى نۇرسۇلتان نازاربايەۆتىڭ بيىلعى ماۋسىمداعى قىتايعا ساپارى بارىسىندا قول جەتكىزىلدى.

«تەكستيل ونەركاسىبى ىنتىماقتاستىقتى ارتتىراتىن، كەلەشەگى بار باعىت. مىسالى، قازاقستاندا جىل سايىن 250 مىڭ توننا ماقتا جينالادى. وسى كولەمنىڭ ۇشتەن ٴبىر بولىگى وڭدەلەدى، ال قالعان بولىگى ەكسپورتقا ارنالعان شيكىزات بولىپ تابىلادى. سونىمەن قاتار بىزدە وزبەكستان شەكاراسىنان جانىندا ورنالاسقان «وڭتۇستىك» ارنايى ەكونوميكالىق ايماعى بار. حالىقارالىق رەيتينگتەرگە سايكەس قازاقستانداعى ينۆەستيسيالىق كليمات ورتالىق ازيا ايماعىنداعى ەڭ جاقسى بولىپ تابىلاتىندىعىن ەسكەرسەك، قازاقستانداعى بيزنەستى دوڭگەلەتىپ، ەكسپورتتى ودان ٴارى دامىتۋعا ابدەن بولاتىنىن»، - دەپ باسا ايتتى تۇياقبايەۆ.

«وڭتۇستىك» اەا نىڭ باسشىسى مەدەۋ دىلدابايەۆ قىتايلىق ارىپتەستەرگە ارنايى ەكونوميكالىق ايماق قاتىسۋشىلارىنا قاراستىرىلعان جەڭىلدىكتەر تۋرالى ەگجەي-تەگجەيلى ايتىپ بەردى.

كەزدەسۋ بارىسىندا توقىما ونەركاسىبى دەلەگاسياسىنىڭ مۇشەلەرى ماقتا ٴوندىرۋ، شيكىزاتتى قايتا وڭدەۋ، كيىم ٴوندىرىسى جانە لوگيستيكا سالاسىنداعى ىنتىماقتاستىق تۋرالى كەلىسسوزدەر جۇرگىزە باستادى.

«بۇل ٴبىزدىڭ قازاقستانعا العاشقى ساپارىمىز جانە ٴبىزدىڭ دەلەگاسيا مۇشەلەرىنىڭ كوپشىلىگى ٴسىزدىڭ ەلمەن ىنتىماقتاستىقتى دامىتۋعا مۇددەلى. ٴبىز «قازاقستان ينۆەست» كومپانياسىنىڭ شاقىرۋىمەن كەلدىك. مەنىڭشە، بىزدە وتە تابىستى كەزدەسۋ بولدى، ٴبىز قازاقستاننىڭ ينۆەستيسيالىق الەۋەتى تۋرالى بىلدىك. قازاقستان مەن قىتاي - ورتاق تاۋلار مەن وزەندەر ارقىلى بايلانىستىرىلعان، ورتاق شەكاراسى بار ەل، سوندىقتان دا وسى سالا بويىنشا ەكى ەل اراسىندا ۇلكەن مۇمكىندىكتەر بارىنا سەنەمىن»، - دەدى قىتاي دەلەگاسياسىنىڭ باسشىسى، قىتاي توقىما ونەركاسىبى وداعىنىڭ ٴتوراعاسى سۋن جۋيچجە.

قازاقستانداعى قىتاي حالىقارالىق ساۋدا پالاتاسى وكىلدىگىنىڭ باس ديرەكتورىنىڭ ورىنباسارى گاو سي «بۇگىنگى كەزدەسۋ قىتاي مەن قازاقستان اراسىنداعى توقىما ونەركاسىبى ىنتىماقتاستىعى ٴۇشىن جاقسى باستاما. ۇكىمەت ينۆەستورلار ٴۇشىن وتە جاقسى جاعداي جاسايدى. سوندىقتان بۇگىنگى كەلىسسوزدەر مەن تالقىلاۋلاردان كەيىن مەنىڭشە، جاقسى ناتيجە بولادى دەپ ويلايمىن» دەپ اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي