BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

ەۋروپاعا كەتەتىن قىتاي تاۋارلارىنىڭ 30%-ى قازاقستان ارقىلى وتەدى

فوتو: Baq.kz мұрағатынан

قىتاي حالىق رەسپۋبليكاسى – ەلىمىزدىڭ نەگىزگى ىنتىماقتاس، شەكارالاس ەكى ۇلى دەرجاۆانىڭ جانە الەمدىك ەكونوميكالىق ورتالىقتاردىڭ ٴبىرى. قازاقستان مەن قىتاي اراسىنداعى ٴوزارا ارەكەت وسى تۇرعىدا قۇرىلعان، سونداي-اق ەكى مەملەكەتتىڭ قىزىعۋشىلىعى مۇددەلەستىكتەن جوعارى. كەزدەسۋلەردىڭ قارقىندىلىعى جوعارى دەڭگەيدە ارتىپ كەلەدى – جىلىنا كەم دەگەندە ەكى رەت; جۇمىس توپتارى اياسىندا دا كەزدەسۋلەردىڭ قارقىنى ٴوستى، ياعني جىلىنا 20-دان استام كەزدەسۋ، دەپ حابارلايدى ۆaq.kz اقپارات اگەنتتىگى strategy2050.kz باسىلىمىنا سىلتەمە جاساپ.

بۇعان كەزەكتى دالەل – قىتاي تاراپىنىڭ قازىرگى كەزدەسۋدى جوعارى باعالاۋى: قحر ٴتوراعاسى سي سزينپين قىتاي كوشباسشىسى قازاقستانمەن سەرىكتەس بولۋعا ەرەكشە نازار اۋداراتىنىن ەسكەرىپ، رەسمي ساپار شەگۋ مارتەبەسىن مەملەكەتتىك ساپار شەگۋ مارتەبەسىنە وزگەرتتى.

ەكسپورت-يمپورت باعالاردىڭ تۇراقسىزدىعىنا قاراماستان، قىتاي قازاقستاننىڭ ىشكى ساۋدا اينالىمىندا كوشباسشى ورىندا. قر ۇلتتىق بانكىنىڭ مالىمەتىنشە، 2017 جىلى ەكىجاقتى ساۋدا كولەمى 10،5 ميلليارد اقش دوللارىنا جەتىپ، وتكەن كەزەڭمەن سالىستىرعاندا 32،6 پايىزعا ارتتى. قىتاي – قازىرگى ۋاقىتقا، بۇرىنعىسىنشا، قازاقستاننىڭ ەكىنشى ەڭ ٴىرى ساۋدا سەرىكتەسى، ەكسپورتتى نارىق ماڭىزدىلىعى بويىنشا ەكىنشى جانە قازاقستاندىق تاۋارلاردى ٴىرى كولەمدە يمپورتتاۋشى بولىپ سانالادى، سونداي-اق نەگىزگى ينۆەستورلاردىڭ ٴبىرى.

2017 جىلى قىتايدىڭ قازاقستانعا جالپى ينۆەستيسيا قۇيۋى 998،7 ملن دوللارعا جەتكەن.

ٴبىزدىڭ ەل - «ٴبىر بەلدەۋ، ٴبىر جول» باستاماسىنىڭ ورتالىق ازيا وپەراتورى جانە ونىڭ استانادا جاريالانعانى كەزدەيسوق ەمەس. كۇن تارتىبىندە ەكى كوشباسشىنىڭ كەزدەسۋى ەڭ الدىمەن «ٴبىر بەلدەۋ، ٴبىر جول» باستاماسى مەن «نۇرلى جول» جاڭا ەكونوميكالىق ساياساتى جانە ەۋرازيا ەكونوميكالىق وداعىنىڭ ىقپالداستىعى اياسىندا تىعىز قارىم-قاتىناستى تەرەڭدەتەدى. قازاقستان رەسپۋبليكاسىنىڭ ترانزيتتىك الەۋەتىن ىسكە اسىرۋ جىلدام قارقىنمەن ٴجۇرىپ جاتىر: بۇگىنگى تاڭدا قحر جۇگىنىڭ 30 پايىزى ەۋروپاعا ٴبىزدىڭ ەل اۋماعى ارقىلى تاسىمالدانادى. حالىقارالىق كونسالتينگتىك pricewaterhousecoopers كومپانياسىنىڭ بولجامىنشا، 2020 جىلى تاۋاردى قازاقستان اۋماعى ارقىلى تاسىمالداۋ جىلىنا 1،7 ميلليون كونتەينەرگە ۇلعايادى.

ينۆەستيسيا جانە دامۋ - ەكىجاقتى قارىم-قاتىناستىڭ ماڭىزدى بولىگى. قر سىرتقى ىستەر مينيسترلىگىنىڭ مالىمەتىنشە، بۇگىنگى تاڭدا ٴبىزدىڭ مەملەكەت قىتايمەن بىرلەسىپ قازاقستاننىڭ وندىرىستىك قۋاتتارىن دامىتۋعا ارنالعان 6،9 ملرد اقش دوللارىن قۇرايتىن 11 جوبانى جۇزەگە اسىرۋدا. جالپى العاندا 27،7 ملرد اقش دوللارىن قۇرايتىن 51 جوبانى ىسكە اسىرۋ كوزدەلۋدە. ول ٴۇشىن ەكى جاق تا تەحنيكالىق مامانداردى دايىنداۋ جانە بىلىكتىلىگىن ارتتىرۋ، سونداي-اق جوعارى قۇن قوسىلعان بىرىككەن ٴونىم ٴوندىرۋدى جولعا قويۋ سياقتى مىندەتتەردى ورىنداۋى كەرەك.

كەزدەسۋ ناتيجەسىندە ەكى كوشباسشى ٴبىرقاتار قۇجاتقا، سونىڭ ىشىندە قازاقستان رەسپۋبليكاسى قارجى مينيسترلىگى، ينۆەستيسيالار جانە دامۋ مينيسترلىگى، قازاقستان رەسپۋبليكاسى ۇلتتىق ەكونوميكا مينيسترلىگى مەن قىتاي حالىق رەسپۋبليكاسىنىڭ ٴتيىستى ۆەدومستۆولارى اراسىندا يندۋستريالدى-يننوۆاسيالىق ىنتىماقتاستىق، ەلەكتروندىق كوممەرسيانى دامىتۋ سالاسىنداعى تىعىز ىنتىماقتاستىق ٴۇشىن ٴوزارا تۇسىنىستىك پەن ىنتىماقتاستىق تۋرالى مەموراندۋمدارعا قول قويدى.

قىتاي ۇكىمەتى ٴۇشىن قازاقستانمەن شەكتەسەتىن ايماقتاردى قازاقستان رەسپۋبليكاسىنىڭ اۋىلشارۋاشىلىق ونىمدەرىمەن قامتاماسىز ەتۋ وتە ماڭىزدى. كەزدەسۋ بارىسىندا وسى باعىت بويىنشا جۇيەلى كەلىسىمدەرگە قول جەتكىزىلدى: قحر-دىڭ قازاقستاندىق سيىر ەتى مەن جوڭىشقا شوبىنە قاتىستى سانيتارلىق قىزمەت تالاپتارى كەلىسىلدى.

بيزنەس-قاۋىمداستىعى وكىلدەرىنىڭ كەزدەسۋى – مەملەكەتتىك ساپاردىڭ ٴداستۇرلى ماڭىزدى بولىگى.

8 ماۋسىم كۇنى قازاقستان-قحر ىسكەرلىك كەڭەسى ٴوتتى. ونى قازاقستاندىق تاراپتان «سامۇرىق-قازىنا» ۇلتتىق ٴال-اۋقات قورى مەن قىتايلىق citic كورپوراسياسى ۇيىمداستىردى.

بيزنەسمەندەر قۇنى 13 ملرد دوللار بولاتىن 40-قا جۋىق كوممەرسيالىق قۇجاتتارعا قول قويدى. بۇدان باسقا يندۋستريالاندىرۋ جانە ينۆەستيسيالاۋ سالاسىنداعى ىنتىماقتاستىق اياسىندا قۇنى 28 ملرد دوللارعا جۋىق بولاتىن 51 جوبانىڭ ٴتىزىمى جاسالدى.

قر پرەزيدەنتى قحر «بيزنەس كاپيتانى» - قىتايداعى الدىڭعى قاتارداعى وزىق كومپانيالاردىڭ وكىلدەرىمەن جەكە سويلەستى. قىتايلىق بيزنەسمەندەردىڭ ەكسپو-2017 بازاسىنداعى «استانا» حالىقارالىق قارجى ورتالىعى جانە «حالىقارالىق it-ستارتاپ تەحنوپاركىنە» قاتىسۋى جايلى ماسەلەلەر تالقىلاندى.

نۇرسۇلتان نازاربايەۆ ٴوزارا ارەكەت ەتۋدەگى پەرسپەكتيۆاسى جوعارى سالالارعا اگروونەركاسىپ كەشەنىن، سيارلاندىرۋ مەن ٴتۋريزمدى جاتقىزدى. cnpc كورپوراسياسى ديرەكتورلار كەڭەسىنىڭ ٴتوراعاسى ۆان يلينمەن كەزدەسۋدىڭ ماڭىزى زور بولدى. وندا قر پرەزيدەنتى بۇل كومپانيامەن ىنتىماقتاستىقتى جالعاستىرۋدى، اتاپ ايتقاندا كەڭگياق-اتىراۋ مۇناي قۇبىرىن پايدالانۋعا نيەتتى ەكەنىن جەتكىزدى. وسى ورايدا، قازاقستان قىتايعا مۇناي جەتكىزۋ كولەمىن ارتتىرىپ، ىشكى جەتكىزۋدى دە ۇلعايتاتىنى بەلگىلى بولدى.

ن. نازاربايەۆ ساپار بارىسىندا قحر مەملەكەتتىك كەڭەسىنىڭ پرەمەرى لي كەسيانمەن ەنەرگەتيكا، ترانسپورت جانە اۋىل شارۋاشىلىعى سالاسىن، حالىق وكىلىنىڭ جالپىقىتايلىق جيىنى كوميتەتىنىڭ تۇراقتى ٴتوراعاسى لي چجانشۋمەن ەكى ەلدىڭ پارلامەنتارالىق ٴوزارا قارىم-قاتىناسىن تالقىلادى.

سونىمەن قاتار قر پرەزيدەنتى تيانانمەن الاڭىنداعى حالىق قاھارماندارى ەسكەرتكىشىنە گۇل قويدى.

«قىتايدا قازاقستاننىڭ تانىمالدىعى ارتىپ كەلەدى. بۇعان بىرلەسكەن ينۆەستيسيالىق جوبالار عانا ەمەس، عالىمدار، ساراپشىلار جانە ونەر قايراتكەرلەرى اراسىنداعى تىعىز قارىم-قاتىناستار دا اسەر ەتۋدە»، - دەيدى قازاقستاندىق تانىمال سينولوگ رۋسلان يزيموۆ.

مادەني-گۋمانيتارلى سيپاتتاعى بايلانىستىڭ نىعايۋى قىتايلىق جاستار اراسىندا تانىمال انشىگە اينالعان ديماش قۇدايبەرگەنوۆ فەنومەنىندە عانا ەمەس، كينەماتوگرافيادا دا بايقالادى. ش.ايمانوۆ اتىنداعى «قازاقفيلم» كينوستۋدياسى «shinework pictures» جانە «china film coproduction corporation»-مەن بىرلەسە تۇسىرگەن، سي سينحايا مەن باقىتجان بايقاداموۆتىڭ دوستىعىن بەينەلەيتىن «كومپوزيتور» ٴفيلمى بىرلەسكەن شىعارماشىلىقتىڭ ماڭىزدى العىشارتىنا اينالدى.

پەكيندە ن.نازاربايەۆ پەن سي سزينپين ٴتۇسىرىلىم جۇمىستارىنا قاتىسقان قازاقستاندىق جانە قىتايلىق اكتەرلارمەن كەزدەسىپ، ٴفيلمنىڭ ترەيلەرىن تاماشالادى. وسىلايشا، قازاقستان ينۆەستيسيالىق تارتىمدىلىقتى ارتتىرۋ جانە بيزنەس-ورتانى جاقسارتۋ بويىنشا شارالار قابىلداپ جاتىر. ٴبىزدىڭ ەل كاسىپكەرلىك سالاداعى زاڭناماعا، شەتەلدىك ينۆەستورلار كەڭەسىن، «قازاق ينۆەست» جانە «قازاق ەكسپورت» ۇلتتىق كومپانيالارىن قۇرۋعا، شەتەلدىك جۇمىس كۇشىن تارتۋ مەن ليسەنزيا الۋ جانە جەر قويناۋىن پايدالانۋ تۋرالى كەلىسىمشارتتاردى بەكىتۋگە، سونداي-اق 11 ارنايى ەكونوميكالىق جانە 24 يندۋستريالىق ايماقتىڭ قاتىسۋشىلارىنا ارنالعان سالىق جەڭىلدىگى مەن ولارعا بەرىلەتىن ارتىقشىلىقتارعا باسا نازار اۋدارادى.

قازاقستاننىڭ گەوگرافيالىق تۇرعىدا ٴتيىمدى ورنالاسۋى كوپتەگەن ٴىرى قىتاي كومپانيانى تارتا وتىرىپ، بيزنەس جۇرگىزۋگە زور مۇمكىندىك بەرەدى. نۇرسۇلتان نازاربايەۆتىڭ مەملەكەتتىك ساپارى بارىسىندا جەتەكشى قىتاي كومپانيالارىنىڭ وكىلدەرى قازاقستاندىق ارىپتەستەرمەن بيزنەس-قارىم-قاتىناس ورناتۋعا دەگەن قىزىعۋشىلىقتارى زور ەكەنىن ايتتى.

سونىمەن قاتار، قىتاي تاراپى قازاقستاندىق ەكولوگيالىق تۇرعىدا تازا اۋىلشارۋاشىلىق ونىمدەرىن ٴوز نارىقتارىنا كىرگىزۋگە، ەنەرگەتيكا سالاسىندا ەكىجاقتى ارىپتەستىكتى نىعايتۋعا، مۇناي-گاز كەشەنى جانە جاڭا تەحنولوگيالار مەن سيفرلاندىرۋعا، سونداي-اق مادەني-گۋمانيتارلى بايلانىسقا قىزىعۋشىلىق تانىتتى. مۇنىڭ ٴوزى ەكى ەلدىڭ كورشىلىك قارىم-قاتىناسى ۇزىلمەيتىنىن دالەلدەيدى.

اناستاسيا رەشەتنياك

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي