BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الەۋەتى قازاقستاننان ون ەسە ۇلكەن رەسەي دە قىتايدان ينۆەستيسيا تارتۋدى كوزدەيدى - ساراپشى

فوتو: ашық дереккөзден

ساياساتتانۋشى قىتايدان قورقۋ كەرەك دەگەن پىكىردىڭ ورىنسىز ەكەنىن، قازاقستاننان ون ەسە الەۋەتى ۇلكەن رەسەيدىڭ ٴوزى قىتايدان نەسيە تارتۋدى ماقسات ەتىپ وتىرعانىن ايتادى، دەپ حابارلايدى baq.kz اقپارات اگەنتتىگى.

قازاقستان-قىتاي اراسىنداعى ەكونوميكالىق بايلانىستار شيرەك عاسىر بۇرىن دوربالاپ تاسىعان كيىم-كەشەكتەن باستالىپ بۇگىندەرى 40 ملرد دوللاردان استام مەجەدەن اسىپ كەلەدى. وسى كەزگە دەيىن بىزدە "قىتايدان قورقۋ كەرەك" دەگەن پىكىر قالىپتاسقانىنا قاراماستان /وعان رەسەيدىڭ اقپارات كەڭىستىگىنىڭ كولەڭكەسىندە قالىپ كەلە جاتقانىمىز دا ٴبىر سەبەپ/ قىتايلىق بيزنەستىڭ ٴوز ينۆەستيسيالىق مىندەتتەرىن بارىنشا تازا ورىنداپ كەلە جاتقاندارىنا كوز جەتكىزىپ كەلەمىز. وعان مىسالدار دا جەتكىلىكتى.

سوندىقتان دا، مىنا كەلىسىم-شارتار اياسىندا اتالىپ وتىرعان ەكونوميكالىق كورسەتكىشتەر بارىنشا قولجەتىمدى، رەالدى، ناقتى ساندار ەكەندىگىنە كۇمان جوق. تەك ساياسي-ىسكەرلىك شەشىم كەرەك. ول قابىلداندى. ەندى جۇزەگە اسىرۋ عانا قالدى. وعان دايىندىعىمىز دا جوق ەمەس. "كاسىپكەرلىك تۋرالى" زاڭعا ەنگىزىلگەن 1000-نان استام تۇزەتۋلەر وتاندىق بيزنەس پەن ينۆەستورلارعا ۇلكەن مۇمكىندىكتەر ۇسىنىپ وتىر.

ەلباسىنىڭ وسى تابىستى ساپارىنىڭ نەگىزىندە ۇتىمدى كەلىسسوزدەر عانا ەمەس، ەلىمىزدىڭ وسى سالادىعى قىرۋار ەڭبەگى دە جاتىر.

نەگىزىندە، ٴبىز رەسەيلىك باق ىزىمەن "قازىرگى الەمدىك ەكونوميكالىق داعدارىس جاعدايىندا" دەپ سويلەۋدى ادەت قىلىپ العانىمىزبەن، الەمدىك ەكونوميكادا ەشقانداي داعدارىس جوق، ٴوز رەتىمەن، ٴبىر كالىپتى، جىلىنا 3 پايىز شاماسىندا اقىرىنداپ ٴوسىپ كەلەدى. "السىرەپ كەلەدى" دەگەن قىتاي ەكونوميكاسى 6،5 پايىزدان استام ٴوسىم كورسەتۋدە. بىزگە قارقىندى دامىپ كەلە جاتقان ەكونوميكالار كوشىنە ىلەسۋ ٴتيىمدى.

مىسالى الەۋەتى بىزدەن 10 ەسە ۇلكەن رەسەي ەكونوميكاسى دا ٴسىبىر كۇشى گاز قۇبىرىن تارتۋدا قىتايلىق ينۆەستيسيالارعا جۇگىنىپ وتىر. ەلىمىزدىڭ دە ٴتورتىنشى ٴموز سالۋدا ولارمەن ارىپتەستىكتەن ۇتىلماسىمىز انىق. قازىرگى الەمدەگى "ەكونوميكالىق ەگويزم" ترەندىندە بىردەن 13 ملرد دوللارلىق ينۆەستيسيا جيىنتىعىن تارتا ٴبىلۋ ۇلكەن جەتىستىك. ال ونى يگەرۋ ٴبىزدىڭ قولىمىزدان كەلەدى.

بەرىك تۇرعانبەك ۇلى،

ساياساتتانۋ ماگيسترى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي