BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قىتايدا فوتو ٴتۇسىرىپ، جەڭىمپاز بولعاندار ماراپاتتالدى

فوتو: Гүлжан Раманкулова

بۇگىن استاناداعى «بەيجىڭ سارايى» قوناقۇيىندە «قىتاي قازاقستاندىقتاردىڭ كوزىمەن» فوتوكونكۋرسىنىڭ جەڭىمپازدارىن ەلىمىزدەگى قحر-دىڭ توتەنشى جانە وكىلەتتى ەلشىسى چجان سياو ماراپاتتادى، دەپ حابارلايدى ۆaq.kz ٴتىلشىسى.

700-دەن استام فوتونىڭ ىشىنەن ۇزدىكتەردى انىقتاۋ وڭاي بولماعان.

«مەن قازاقستان ەلشىسى رەتىندە جاۋاپتى مىندەتكە كىرىسكەندە سىزدەرمەن كەزدەسكەنىمە قۋانىشتىمىن. قازاقستاننىڭ تۇكپىر-تۇكپىرىنەن كەلگەن قاتىسۋشىلارعا العىس ايتامىن. قىتاي رەفورمالار مەن اشىقتىق ساياساتىنا 40 جىل تولىپ قانا قويماي، وسى ۋاقىت ىشىندە ٴتۇرلى وزگەرىس بولدى. سىزدەر جىبەرگەن فوتولار ەكى ەل اراسىنداعى قاتىناستىڭ تىعىز، دوستىق نەگىزدە ٴجۇرىپ جاتقانىنىڭ دالەلى. كونكۋرسقا اقپاراتتىق قولداۋ بىلدىرگەن «كازاحستانسكايا پراۆدا» گازەتىنە العىس بىلدىرەمىن. 700-گە جۋىق جۇمىس كەلىپ ٴتۇستى. اراسىنان ىرىكتەپ شىعۋ وڭاي بولمادى. دەگەنمەن جەڭىمپازدار بار، ولاردى قۇتتىقتايمىن»، - دەدى ەلشى.

چجان سياو ەكى ەل قاتىناسى ودان ٴارى دە قارقىندى دامي بەرەتىنىن اتاپ ٴوتتى.

«ٴقازىر قازاقستان مەن قىتاي ورتاق تاريحىنداعى ەكى بەرىك ٴارى دوستىق قارىم-قاتىناستىڭ وتە تىعىز، جوعارى دەڭگەيىن كورسەتىپ جاتقانىن بىلەمىز. تاريحي ٴسات. وسىدان 5 جىل بۇرىن قىتاي ٴتوراعاسى سي سزينپين 2013 جىلى «ٴبىر جول، ٴبىر بەلدەۋ» ەكونوميكالىق بەلدەۋىنىڭ يدەياسىن ايتقاندا قازاقستان تاراپى بىردەن قولداۋ ٴبىلدىردى. سوندىقتان ەكى ەلدىڭ قارىم-قاتىناسى ودان ٴارى دە بەرىك بولاتىنىنا كۇمانىم جوق. وسى ورايدا قازاقستاننىڭ دانا، ستراتەگ كوشباسشىسى نۇرسۇلتان نازاربايەۆتىڭ دا ەڭبەگىن اتاپ ٴوتۋىم كەرەك»، - دەپ قوستى ديپلومات.

ال، الماتىلىق زەينەتكەر قۋانىش سەيتەنوۆا كونكۋرسقا قالاي قاتىسقانى تۋرالى ايتىپ بەردى.

«ٴبىز ۇيلەنگەننەن بەرى «كازاحستانسكايا پراۆدانى الامىز. 35-36 جىل بولىپ قالدى. نەگىزىندە ورىس مەكتەبىندە وقىعانبىز. جولداسىم وسىنداي كونكۋرس بولىپ جاتىر، قاتىسايىق دەپ فوتوكونكۋرس تۋرالى ايتتى. وسىدان 5 جىل بۇرىن قىزىممەن قىتايدى ارالاعانبىز. سول ەستەلىكتەرمەن بولىسەيىك، كونكۋرسقا قاتىسايىق دەپ شەشتىك. ال، ساپار كەزىندە بىرنەشە جەرگە باردىق. قىتاي قورعانىنا، 40 جىلدان بەرى قازبا جۇمىسى ٴجۇرىپ جاتقان تەرراكوتيا ارمياسىنىڭ مۋزەيىن ارالادىق، تەلەمۇنارانى كوردىك. ٴبىز بارعاندا ٴساۋىر ايى بولعان ەدى. سول كەزدە گۇلدەر كورمەسى ٴوتىپ جاتىر ەكەن. ساكۋرالاردى كورىپ، سەرگىپ قايتتىق. وسى قىزىقتى ساتتەردى گازەتتىڭ كونكۋرسىنا جىبەردىك. بەلسەندى قاتىسۋشى رەتىندە ماراپات الدىق. قۋانىشتىمىز»، - دەدى الماتىدان ماراپاتتاۋ كەشىنە ارنايى كەلگەن زەينەتكەر قۋانىش سەيتەنوۆا.

ايتا كەتسەك، اتالعان فوتوكونكۋرستى قازاقستانداعى قىتاي ەلشىلىگى «كازاحستانسكايا پراۆدا» گازەتىمەن بىرلەسە وتىرىپ ۇيىمداستىرعان.

ٴى ورىندى اقتوبە قالاسىنىڭ تۇرعىنى جۇبانىش بايگۋرينوۆ السا، ەكىنشى ورىندا ٴۇش ادام: گالينا يبراگيموۆا (الماتى)، انەل قاسىموۆا (استانا)، ايگۇل قۇرعانبايەۆا (الماتى) انىقتالدى. ال ٴىىى ورىنعا لايىق بەس قازاقستاندىق بار: ىدىرىسوۆ قانات، پريلەپسكايا اناستاسيا، سايا بولاتحان، ارمان قالمەن، پودگاينوۆا.

فوتو گۇلجان رامانكۋلوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي