BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

قىتاي ازاماتتارى قازاقستانعا ۆيزاسىز كىرەدى دەگەن جالعان - قر ٴسىم

بۇل تۋرالى قازاقستان رەسپۋبليكاسى سىرتقى ىستەر مينيسترلىگىنىڭ فەيسبۋك الەۋمەتتىك جەلىسىندەگى پاراقشاسى جاريالادى، دەپ حابارلايدى baq.kz اقپارات اگەنتتىگى.

«قازاقستان قىتايمەن ۆيزاسىز رەجىم ەنگىزۋ تۋرالى كەلىسسوزدەر جۇرگىزىپ جاتقان جوق. مەسسەندجەرلەر ارقىلى تاراتىلعان «قىتاي ازاماتتارى ٴۇشىن ۆيزالىق رەجىم جويىلادى» دەگەن اقپارات جالعان، ٴارى ارانداتۋشىلىق مانىندە تاراتىلىپ وتىر» - دەلىنگەن حابارلامادا.

سونىمەن قاتار، ول جەردە قازاقستان-قىتاي اراسىنداعى ۆيزاسىز قاتىناستىڭ قانداي بولاتىنىن دا ناقتى تۇسىندىرگەن.

«قازاقستان تاراپى قىتايدىڭ حالىقارالىق اۋەجايلارى ارقىلى ترانزيتپەن وتەتىن قازاقستان ازاماتتارى ٴۇشىن ۆيزاسىز بولۋ مەرزىمىن 24 ساعاتتان 72 ساعاتقا ۇزارتۋ، سونداي-اق قىتايعا بارۋعا نيەتتى قازاقستاندىقتارعا دەربەس ۆيزا راسىمدەۋدى قايتا باستاۋ بويىنشا قىتاي تاراپىمەن بەلسەندى جۇمىس جۇرگىزىپ وتىرعانىن ەستەرىڭىزگە سالامىز. وسى باعىتتاعى جۇمىس ەكى ەل اراسىندا قالىپتاسقان جان-جاقتى ٴوزارا ارىپتەستىك، تاراپتاردىڭ مۇددەلەرىنە ٴوزارا قۇرمەت نەگىزىندە جالعاسۋدا» - دەلىنگەن قر ٴسىم فەيسبۋكتەگى رەسمي پاراقشاسىنداعى حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي