BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

ساراپشى: استانادا قازاقستان-قىتاي كومپيۋتەرلىك ورتالىعىن سالۋ – ۇلكەن جەتىستىك

فوتو: BNews.kz

قازاقستان پرەزيدەنتى نۇرسۇلتان نازاربايەۆ قىتايعا ساپارى بارىسىندا رەسپۋبليكا ٴتوراعاسى سي سزينپينمەن، شانحاي ىنتىماقتاستىق ۇيىمىنا مۇشە مەملەكەتتەر باسشىلارىمەن، قىتاي حالىق رەسپۋبليكاسى بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ ٴتوراعاسى لي چجانشۋمەن، cnpc كورپوراسياسى ديرەكتورلار كەڭەسىنىڭ ٴتوراعاسى ۆان يلينمەن جانە ىسكەر توپتار وكىلدەرىمەن كەزدەستى. وسى كەزدەسۋلەر بارىسىندا ٴبىرقاتار ەكونوميكالىق سيپاتتاعى قۇجاتقا قول قويىلدى. بۇل كەلىسىمدەردىڭ ەكى تاراپ ٴۇشىن قانشالىقتى ٴتيىمدى ەكەنىن پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى گەورگيي فەدور ۇلى دۋبوۆسەۆ ايتىپ بەردى، دەپ حابارلايدى baq.kz ٴتىلشىسى.

«بۇل قۇجاتتاردىڭ قازاقستان ٴۇشىن ەكونوميكالىق ماڭىزى زور. بىرىنشىدەن، قىتايدىڭ الدىڭعى قاتارداعى كومپانيالارىنىڭ ٴبىرى قازاقستاندا سوكولوۆ-سارىباي كومبيناتىن دامىتۋ ٴۇشىن 1،5 ملرد اقش دوللارى كولەمىندە جانە وسى كومبيناتتا حروم ٴوندىرىسىن ارتتىرۋ ٴۇشىن 400 ملن دوللار كولەمىندە ينۆەستيسيا قۇيىپ وتىر. ٴوز كەزەگىندە «قازاقمىس» اباي جانە بولشاكوۆ كەن ورىندارىن دامىتىپ، كونسەنتراتتار جاساپ شىعارۋ ٴۇشىن اقشا الادى. سونداي-اق، وسى كونسەنتراتتاردى قىتايعا تاسىمالداۋ ماسەلەسى دە قارالىپ وتىر»، - دەيدى ساراپشى.

گەورگيي فەدور ۇلىنىڭ ايتۋىنشا، بۇل كەلىسىمدەردىڭ ەكىنشى پايدالى تۇسى – ٴىرى يادرولىق جوبالاردىڭ قولعا الىنۋى. ساپار بارىسىندا ۋران شيكىزاتىن بىرىگىپ ٴوندىرۋ، يادرولىق وتىندى قىتايعا تاسىمالداۋ ماسەلەلەرى شەشىلدى. پرەزيدەنت نۇرسۇلتان نازاربايەۆ ساپارىن قورىتىندىلاۋ كەزىندە قازاقستاننان قىتايعا باعىتتاعان ۋراننىڭ اسپان استى ەلىنىڭ قاجەتتىلىگىن 40% جاباتىنىن ايتىپ ٴوتتى.

«قازاقستان قىتايعا ۋران ەكسپورتتاۋ ارقىلى 10 ملرد دوللار سوماعا قول جەتكىزەدى. ال بۇل مۇناي جانە گاز ەكسپورتىمەن پارا-پار. ۇشىنشىدەن، ەكونوميكانىڭ شيكىزات ەمەس سەكتورىنداعى سەرىكتەستىكتەر كوپتەگەن سالانىڭ قارقىندى تۇردە دامۋىنا يمپۋلس بەرەدى. اسىرەسە، ٴبىزدىڭ مەملەكەتتىڭ. بۇدان وزگە ەكى تاراپ كولەمى 1 ملرد دوللار بولاتىن ورتاق قور قۇرۋدى جوسپارلاپ وتىر»، - دەيدى گەورگيي دۋبوۆسەۆ.

وسى كەلىسىم نەگىزىندە قازاقستاننىڭ كومەگىمەن قىتاي جوعارى جىلدامدىقتاعى ماگيسترال سالۋدى كوزدەپ وتىر. بۇل تۋرالى نۇرسۇلتان نازاربايەۆ جۋرناليستەرگە ارنالعان پرەسس-كونفەرەنسيا بارىسىندا ايتىپ ٴوتتى.

تورتىنشىدەن، ساۋدا-ەكونوميكالىق قارىم-قاتىناستى نىعايتۋعا باعىتتالعان شارالار جۇزەگە اسىرىلادى. قازاقستان تمد اۋماعىندا قىتايدىڭ رەسەيدەن كەيىنگى ەكىنشى ساۋدا-ەكونوميكالىق سەرىكتەسى.

«مەنىڭشە، ەكى مەملەكەت اراسىنداعى تاۋار اينالىمى بۇدان دا جوعارى قارقىنمەن وسەدى. سەبەبى، قىتاي تاراپى قازاقستان ٴونىمى ٴۇشىن ٴوزىنىڭ نارىعىن اشىق دەپ جاريالايدى. سونداي-اق، استانا قالاسىندا قازاقستان-قىتاي كومپيۋتەرلىك ورتالىعىن سالۋ دا ماڭىزدى جەتىستىكتەردىڭ ٴبىرى. قازاق-قىتاي ۋنيۆەرسيتەتىن اشۋ قىتايلىق يننوۆاسيالاردى ۇيرەنۋگە باعىتتالعان. كوپتەن بەرى كۇن تارتىبىندە تۇرعان ترانسشەكارالىق ماسەلەلەر دە قارالدى. ولاردىڭ نەگىزىندە وزەندەردەگى سۋ ساپاسى قاداعالاناتىن بولادى. مەنىڭشە، پرەزيدەنتىمىزدىڭ بۇل ساپارى بەلگىلى ٴبىر دارەجەدە قازاقستان ەكونوميكاسىن دامىتۋدا ماڭىزدى رول اتقارادى. ينۆەستيسيالاردىڭ بارلىعى دا كوپتەن بەرى كوكەيدە جۇرگەن جوبالاردى جۇزەگە اسىرۋعا كومەكتەسەدى. كاسىپورىندار عانا ەمەس، ترانسپورت، لوگيستيكا سالالارى دا ەرەكشە قارقىنمەن داميدى»، - دەيدى ساراپشى.

سونداي-اق، مامان بۇل كەلىسىمدەر مەن ينۆەستيسيالاردىڭ قىتاي ٴۇشىن قانشالىقتى ماڭىزدى ەكەنىنە دە توقتالدى. پرەزيدەنتتىڭ وسى ساپارى بارىسىندا 40 قۇجاتقا قول قويىلىپ، ولاردىڭ نەگىزىندە قىتاي قازاقستانعا 13 ملرد دوللار كولەمىندە ينۆەستيسيا سالۋعا كەلىستى. دەسە دە، گەورگيي دۋبوۆسەۆتىڭ ايتۋىنشا، بۇل سوما قىتاي ەكونوميكاسى ٴۇشىن ايتارلىقتاي شىعىن ەمەس.

«قىتايدىڭ ەكونوميكالىق جاعدايىن ەسكەرسەك، بۇدان دا كوپ قارجى سالۋعا بولاتىن ەدى. ولار ٴۇشىن بۇل كوپ قاراجات ەمەس. ال كەرىسىنشە بۇل كەلىسىمدەردىڭ قىتايعا قانداي پايداسى بار دەگەن ساۋالعا كەلەر بولساق، قىتاي شانحاي ىنتىماقتاستىق ۇيىمىنا مۇشە مەملەكەتتەرمەن، جانىنداعى كورشىلەرىمەن بەيبىت قارىم-قاتىناس ورناتۋ پوزيسياسىن ۇستانادى. ونىڭ ۇستىنە الدا كەلە جاتقان جىبەك جولى سامميتىندە قىتاي كورشى ەلدەردە ترانسپورت ماگيسترالدارىن دامىتۋ، وزدەرىنىڭ تاۋارلارىن تاسىمالداۋ ماسەلەلەرىن قاراستىرادى. ٴارى ولار قانداي دا ٴبىر جاڭا ٴونىم جاساپ شىعارۋعا قىزىعۋشىلىق تانىتىپ وتىر. ياعني بىزدە بار ونىمدەر ولاردا جوق. مۇنىمەن قاتار، ولار بۇل ينۆەستيسيالاردىڭ مىندەتتى تۇردە اقتالاتىنىنا سەنىمدى. قىتاي ادەتتە ەكونوميكالىق قىزىعۋشىلىقتارىن وسىنداي جولدارمەن قاناعاتتاندىرىپ وتىرادى»، - دەيدى مامان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي