BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

قازاقستان مەن قىتاي ساۋدا-ساتتىق سالاسىندا ۇلتتىق ۆاليۋتا قولدانۋعا كەلىستى

فوتو: Qamshy.kz

قازاقستان مەن قىتاي قارجى سالاسىندا سەرىكتەستىكتى نىعايتىپ، ينۆەستيسيا، ساۋدا-ساتتىق سالاسىندا ۇلتتىق ۆاليۋتانى كەڭىنەن قولدانۋعا كەلىسىمدەر جاساستى. بۇل تۋرالى 2018 جىلى 7 ماۋسىمدا نۇرسۇلتان نازاربايەۆ پەن سي سزينپين بىرىككەن مالىمدەمەسىندە ايتىلدى، دەپ حابارلايدى baq.kz اقپارات اگەنتتىگى.

قوس مەملەكەت قازاقستان مەن قىتايداعى ۇلتتىق بانكتەر اراسىنداعى «تەڭگە-يۋان» ايىرباستى جۇزەگە اسىرۋدى جالعاستىرىپ، قارجىلاندىرۋ سالاسىنا يننوۆاسيالىق ادىستەر ەنگىزبەك.

سونداي-اق، قوس تاراپ ەلەكتروندى ترانسشەكارالىق ساۋدا-ساتتىق سالاسىندا سەرىكتەستىكتى نىعايتۋعا كەلىستى. «سيفرلىق ەكونوميكا» باعىتىندا ۇلتتىق باعدارلامالاردى بىرىگىپ جۇزەگە اسىرۋ، جاڭا سەرىكتەستىك مودەلى مەن پلاتفورماسىن قۇرۋ كوزدەلۋدە.

مەملەكەتتەر احقو، جىبەك جولى جانە قىتاي-ەۋرازيا قورلارى اراسىندا ستراتەگيالىق، ەكونوميكالىق قارىم-قاتىناستى نىعايتۋعا كەلىستى. سونداي-اق، جىبەك جولى قورىن احقو بيرجا اكسيونەرلەرى قۇرامىنا قوسۋعا قولداۋ كورسەتىلدى. قۇجاتتا احقو-نىڭ ازيا بانكىمەن ينفراسترۋكتۋرالىق ينۆەستيسيالاردى دامىتۋ كوزدەلگەنى تۋرالى جازىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي