BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستان-تۇركيا ينۆەستيسيالىق فورۋمدا كوممەرسيالىق قۇجاتقا قول قويىلدى

انكارادا قازاقستان رەسپۋبليكاسى پرەزيدەنتى ن.نازاربايەۆتىڭ تۇرىك رەسپۋبليكاسىنا رەسمي ساپارى قارساڭىندا قازاقستان-تۇركيا ينۆەستيسيالىق فورۋمى ٴوتتى. تۇرىك ەلىندەگى قازاقستان ەلشىلىگىنىڭ قولداۋىمەن «kazakh invest» ۇق» اق ۇيىمداستىرعان باسقوسۋدا ساۋدا-ەكونوميكالىق ىنتىماقتاستىق تۋرالى جالپى قۇنى $1،7 ملرد استام 22 ەكىجاقتى قۇجاتقا قول قويىلدى، دەپ xابارلايدى baq.kz اقپارات اگەنتتىگى.

شاراعا قر پرەمەر-مينيسترىنىڭ ٴبىرىنشى ورىنباسارى اسقار مامين، تۇرىك رەسپۋبليكاسىنىڭ ەنەرگەتيكا جانە تابيعي رەسۋرستار ٴمينيسترى فاتيx دونمەز، «سامۇرىق-قازىنا» ٴۇاق» اق باسقارما ٴتوراعاسى احمەتجان ەسىموۆ، «اتامەكەن» قر ۇلتتىق كاسىپكەرلەر پالاتاسىنىڭ باسقارما ٴتوراعاسى ابىلاي مىرزاحمەتوۆ، «kazakh invest» ۇق» اق باسقارما ٴتوراعاسى ساپاربەك تۇياقبايەۆ پەن 200-دەن اسا قازاقستاندىق جانە تۇرىك كومپانيالارىنىڭ وكىلى قاتىستى.

قازاقستان ۇكىمەتى اتىنان ٴسوز العان پرەمەر-مينيستردىڭ ٴبىرىنشى ورىنباسارى اسقار مامين قازاقستان مەن تۇركيا اراسىنداعى قارىم-قاتىناستىڭ وتە جەمىستى ٴارى قارقىندى ەكەنىن ايتا كەلە، تۇركيا رەسپۋبليكاسىنىڭ ەلىمىز تاۋەلسىزدىك العان 1991 جىلدان بەرى سىرتقى ساياساتتا دا، ەكونوميكالىق دامۋدا دا قولداپ كەلە جاتقان سەنىمدى سەرىكتەسى ەكەنىن جەتكىزدى. ا. مامين وسىندا وتىرعان ىسكەر ورتا وكىلدەرى ٴۇشىن بۇگىنگى فورۋم سەرىكتەستىكتىڭ جاڭا مۇمكىندىكتەرى مەن بولاشاعىنا جول اشاتىنىن اتاپ ٴوتتى.

ال، «kazakh invest» ۇق» اق باسقارما ٴتوراعاسى ساپاربەك تۇياقبايەۆ تۇرىك بيزنەسمەندەرىنە ەلىمىزدە ينۆەستيسيالىق احۋالدى جاقسارتۋ ٴۇشىن حالىقارالىق تاجىريبە مەن ەكونوميكالىق ىنتىماقتاستىق جانە دامۋ ۇيىمدارىنىڭ ۇسىنىستارى ەسكەرىلگەن زاڭ جوباسىن رەفورمالاۋ ٴۇشىن قابىلدانىپ جاتقان شارالار جونىندە ايتىپ بەردى. سونداي-اق، «نۇرلى جەر»، «نۇرلى جول» جانە يندۋستريالدى-يننوۆاسيالىق دامۋ باعدارلاماسى، «استانا» حالىقارالىق قارجى ورتالىعى، قر پرەزيدەنتى جانىنداعى شەتەلدىك ينۆەستورلار كەڭەسى مەن ەلىمىزدىڭ جالپى كولىكتىك الەۋەتى تۋرالى دا ٴسوز قوزعادى.

ساپاربەك تۇياقبايەۆ بيىلعى جىلدىڭ باسىنان بەرى قازاقستانعا 70 جاڭا جوبا بويىنشا $6،1 ملرد قارجىعا ينۆەستورلار تارتىلعانىن، ال قۇنى $15،8 ملرد بولاتىن 46 جوبا بويىنشا ينۆەستورلار وڭ شەشىم قابىلداپ، ٴقازىر قۇجاتتارىن دايىنداپ جاتقانىن جەتكىزدى. ولاردىڭ ىشىندە yildirim holding، yildizlar sss holding، dal holding سىندى ٴىرى تۇرىك كومپانيالارى بار.

فورۋم بارىسىندا ەكى تاراپ سەرىكتەستىكتى ٴارى قاراي نىعايتىپ، ەكى ەلدىڭ بيزنەس احۋالىن جاقسارتۋدى، قازاقستانداعى جۇمىس تاجىريبەسىن تالقىلادى.
تالقىلاپ قانا قويماي جالپى قۇنى $1،7 ملرد اسقان 22 ەكىجاقتى قۇجاتقا قول قويدى. ونىڭ ۇشىندە:

• 350 جۇمىس ورنىن اشاتىن قۇنى $270 ملن-عا باعالانعان مەتاللۋرگيا، شىنى جانە حيميا وندىرىسىندە قولدانۋ ٴۇشىن كالسيي قوسىلعان سودا وندىرەتىن زاۋىت قۇرىلىسىن جۇزەگە اسىرۋ تۋرالى كەلىسىم بار. جەر قويناۋىن پايدالانۋ تۋرالى كەلىسىمشارت جاسالدى. «سوركول» جانە «سارىوبا» اكتاس كەنىن ٴوندىرۋ جۇمىسىنىڭ دايىندىعى باستالدى;
• جالپى قۇنى $300 ملن قۇراعان «kazakh invest» ۇق» اق مەن «eksen group» اراسىندا الماتى قالاسىندا «downtown almaty»اتتى جاڭا قارجىلىق، الەۋمەتتىك بيزنەس ورتالىعى قۇرىلىسىن الىپ ٴجۇرۋ تۋرالى مەموراندۋمعا قول قويىلدى. 35 مىڭ شارشى مەتردى الاتىن جوبا ىشىندە بيزنەس ورتالىقتارى مەن ليۋكس ساناتتى jw marriot ٴقوناقۇيى قۇرىلىسى 200 مىڭ شارشى مەتردى قۇرايدى دەپ جوسپارلانىپ وتىر.
• قاراعاندى، پاۆلودار جانە شىعىس قازاقستان وبلىستارىنداعى قۇنى $20 ملن بولاتىن قاتتى پايدالى قازبالاردى گەوبارلاۋ تۋرالى كەلىسىمگە «قازگەولوگيا» اق مەن «yildirim holding» قول قويدى.
• 700 جۇمىس ورنىن قۇرۋمەن $200 ملن تۇراتىن، تۇركىستان وبلىسىنىڭ اكىمدىگى مەن dal holding اراسىنداعى جىلىجاي كەشەنىن سالۋ جوباسىن جۇزەگە اسىرۋ تۋرالى كەلىسىم;
• yda holding-پەن الەۋمەتتىك نىسانداردى سالۋ جانە باسقارۋ جوبالارىن ىسكە اسىرۋ جونىندەگى ٴوزارا تۇسىنىستىك تۋرالى مەموراندۋم. (ەسك.: حولدينگ ٴمجا تەتىگى بويىنشا جوبالاردى ىسكە اسىرۋعا قىزىعۋشىلىق تانىتتى);
• 80 جۇمىس ورنىن قۇرۋمەن $20 ملن تۇراتىن، kazakh invest پەن betek boya kimya اراسىنداعى لاك جانە بوياۋ ونىمدەرىن ٴوندىرۋ جوباسىن سۇيەمەلدەۋ تۋرالى مەموراندۋم.

ايتا كەتۋ كەرەك، تۇرىك كاپيتالىنىڭ قاتىسۋىمەن ىسكە اسىرىلىپ جاتقان جوبالار قازاقستان ەكونوميكاسىنىڭ ٴتۇرلى سالالارىن قامتيدى. بۇل كەلىسىمدەردى جۇزەگە اسىرۋ ەل ەكونوميكاسىنىڭ شيكىزاتتىق ەمەس سەكتورىن دامىتۋعا ىقپال ەتەدى جانە مۋلتيپليكاتيۆتى وڭ ناتيجە بەرەدى. ماسەلەن، 3000-نان استام جۇمىس ورنى اشىلادى، جامبىل، قىزىلوردا، الماتى جانە قوستاناي وبلىستارىندا تاۋ-كەن مەتاللۋرگيا، قۇرىلىس ماتەريالدارى ٴوندىرىسى، اۋىل شارۋاشىلىعى، اگروحيميا جانە وڭدەۋ ونەركاسىبى سالالارىندا جاڭا زاۋىتتار پايدا بولادى.
ينۆەستورلار قازاقستان تۇرىك كومپانيالارى ٴۇشىن ٴوز وندىرىستەرىن كەڭەيتەتىن جانە ەۋرازيالىق ەكونوميكالىق وداقتىڭ، ورتالىق ازيا جانە باتىس قىتايدىڭ نارىعىنا شىعۋدىڭ پەرسپەكتيۆالىق الاڭى ەكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي