BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

قازاقستان-وزبەكستان: ساۋدا-ەكونوميكالىق ىنتىماقتاستىقتىڭ جوعارى سەرپىنى

بۇگىن استانادا قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ ٴ17-شى وتىرىسى ٴوتتى. شاراعا كوميسسيانىڭ تەڭ ٴتوراعالارى — قر پرەمەر-مينيستردىڭ ٴبىرىنشى ورىنباسارى اسقار مامين جانە ٴور پرەمەر-مينيسترىنىڭ ٴبىرىنشى ورىنباسارى اچيلباي راماتوۆ قاتىستى، دەپ حابارلايدى baq.kz اقپارات اگەنتتىگى.

ۇكىمەت باسشىسىنىڭ ٴباسپاسوز قىزمەتى ٴمالىم ەتكەندەي، وتىرىس بارىسىندا وتكەن جىلدىڭ ەكىجاقتى ٴوزارا ٴىس-قيمىل ٴۇشىن تابىستى بولعانى جانە وعان قازاقستان مەن وزبەكستاننىڭ مەملەكەت باسشىلارىنىڭ ىقپالى زور ەكەنى اتالىپ ٴوتتى.

ەكى ەل پرەزيدەنتتەرى قازاقستان مەن وزبەكستان ۇكىمەتتەرىنە ساۋدا-ەكونوميكالىق ىنتىماقتاستىقتى جانداندىرۋ جونىندە شارالار قابىلداۋ تۋرالى تاپسىرمالار بەرگەن ەدى.

تاراپتار ٴوزارا ساۋدانىڭ جوعارى قارقىنىن اتاپ ٴوتتى. قر مەن ٴور اراسىنداعى تاۋار اينالىمى 2017 جىلى $2 ملرد قۇرادى، بۇل 2016 جىلعا قاراعاندا 31،2%-عا جوعارى كورسەتكىش. قازاقستاننان وزبەكستانعا ەكسپورتتاۋ كولەمى 2017 جىلى 35%-عا ٴوسىپ، $1،3 ملرد جەتتى، ال قازاقستاننان وزبەكستانعا يمپورت 25،1%-عا ٴوسىپ، $735،2 ملرد قۇرادى.

«ٴبىز ٴوزارا ساۋدانىڭ تۇراقتى وڭ ديناميكاسىن قولدايمىز. تاۋار اينالىمىنىڭ كولەمىن ٴارى قاراي ۇلعايتۋ جانە نومەنكلاتۋرانى كەڭەيتۋ ٴوزارا ساۋدا كولەمىن ارتتىرۋعا جول اشادى. بۇعان قوسا، بىزگە 2017 جىلى قول قويىلعان ساۋدا-ساتتىق جونىندەگى كەلىسىمشارتتار مەن كەلىسىمدەردى ۋاقىتىلى ىسكە اسىرۋ قاجەت»، — دەدى ا. راماتوۆ.

تاراپتار ساۋدا-ەكونوميكالىق ىنتىماقتاستىقتىڭ دامۋ قارقىنىن ەسكەرە وتىرىپ، تاۋار اينالىمىنىڭ 2018 جىلى $3 ملرد دەيىن ٴوسۋى جانە 2020 جىلعا قاراي $5 ملرد دەيىن جەتكىزۋ ماقساتىندا كەلىسىلگەن شارالاردى قابىلداۋعا كەلىستى.

ەكىجاقتى ىنتىماقتاستىقتا ىسكەر توپتاردىڭ جانە ينۆەستيسيالاردىڭ ٴوزارا ارەكەتتەسۋى ماڭىزدى رولگە يە. وتكەن جىلى ەكى ٴىرى بيزنەس-فورۋم وتكىزىلدى، $1 ملرد اساتىن سوماعا كوممەرسيالىق كەلىسىمدەرگە قول قويىلدى. ازىق-تۇلىك ونىمدەرىن جەتكىزۋ، مۇناي حيمياسى جانە حيميا سالالارىندا بىرلەسكەن كاسىپورىندار (ٴتورت ساۋدا ٴۇيى) جۇمىس ىستەيدى. فارماسەۆتيكا ونەركاسىبىنىڭ ساۋدا ٴۇيى بويىنشا قۇرىلتاي قۇجاتتارى بەكىتىلدى.

«ٴوزاۆتوسانوات» اك جانە «سارىارقااۆتوونەركاسىپ» جشس اراسىنداعى ۇزاقمەرزىمدى ىنتىماقتاستىق تۋرالى كەلىسىم اياسىندا ەكسپورتتىق ونىمدەردى سىرتقى نارىقتارعا، سونىڭ ىشىندە eaەو نارىعىنا شىعارۋ بويىنشا بىرلەسكەن جوبا جۇزەگە اسىرىلۋدا. ۇلگى اۋقىمى دامىپ، ٴوندىرىستىڭ لوكاليزاسياسى تەرەڭدەي تۇسۋدە. «سارىارقااۆتوونەركاسىپ» جشس-نە «ٴوزاۆتوسانوات» اك كاپيتالىن ەنگىزۋ مۇمكىندىگى قاراستىرىلۋدا.

ايماقتىق بايلانىستار بەلسەندى دامىپ كەلەدى. وزبەك تاراپى ٴوڭىرارالىق ىنتىماقتاستىق فورۋمىن تۇراقتى نەگىزدە وتكىزۋ تۋرالى قازاقستان باستاماسىن قولدادى.

قازاقستانداعى وزبەكستان جىلىن وتكىزۋگە ەرەكشە كوڭىل ٴبولىندى. ەكونوميكا، تۋريزم، مادەني–گۋمانيتارلىق سالالاردا 200-دەن استام ٴىس-شارا وتكىزۋ جوسپارلانىپ وتىر.

«ٴبىزدىڭ مەملەكەتتەر باسشىلارىنىڭ 2018 جىلى قازاقستاندا وزبەكستان جىلىن جانە 2019 جىلى وزبەكستاندا قازاقستان جىلىن وتكىزۋ تۋرالى شەشىمى – ەكى ەل اراسىنداعى سەنىم مەن سەرىكتەستىك قارىم-قاتىناستارىنىڭ تەڭدەسسىز جوعارى دەڭگەيىنىڭ ايقىن دالەلى»، — دەپ اتاپ ٴوتتى ا. مامين.

قازاقستان مەن وزبەكستان اراسىنداعى ەكىجاقتى ىنتىماقتاستىق جونىندەگى بىرلەسكەن ۇكىمەتارالىق كوميسسيانىڭ ٴ17-شى وتىرىسى بارىسىندا كوميسسيانىڭ 16-وتىرىسى حاتتاماسىنىڭ شەشىمدەرىن جۇزەگە اسىرۋ بارىسى، سونداي-اق ەكىجاقتى ساۋدا-ەكونوميكالىق ىنتىماقتاستىقتى كەڭەيتۋدىڭ قازىرگى جاعدايى مەن پەرسپەكتيۆالارى تالقىلاندى.

تاراپتار قازاقستان مەن وزبەكستاننىڭ شەكارالاس اۋداندارىندا حالىقارالىق شەكارا ماڭى ىنتىماقتاستىعى ورتالىعىن، كولىكتىك-لوگيستيكالىق ورتالىقتى (قۇرعاق پورت) قۇرۋ مۇمكىندىكتەرىن قاراستىرۋعا كەلىستى.

2017 جىلدىڭ قورىتىندىسى بويىنشا تەمىر جول كولىگىمەن تاسىمالداۋدىڭ ٴوزارا كولەمىنىڭ 20،5 ملن توننانى قۇراپ، 8%-عا ٴوسۋى بايقالعان. 2018 جىلدىڭ ەكى ايىندا تاسىمالداۋ كولەمى 2017 جىلدىڭ سايكەس كەزەڭىمەن سالىستىرعاندا 44%-عا ارتقان.

ەكى تاراپ وسى جىلدىڭ ٴساۋىر ايىنان باستاپ «سامارقان — استانا» باعىتى بويىنشا تۇراقتى تەمىرجول جولاۋشىلار پويىزدارىنىڭ جۇمىس جاسايتىنى تۋرالى ۋاعدالاستى.

سۋ سالاسىنداعى ىنتىماقتاستىق ماسەلەلەرى تالقىلاندى. قر جانە ٴور ۋاكىلەتتى ورگاندارىنا قازاقستان مەن وزبەكستان اراسىنداعى سۋ قاتىناستارى سالاسىنداعى ىنتىماقتاستىق ماسەلەلەرى جونىندەگى جول كارتاسىنىڭ شارالارىن ورىنداۋ بويىنشا جۇمىستاردى جالعاستىرۋ تاپسىرىلدى.

سونىمەن قاتار ورتالىق ازياداعى ترانسشەكارالىق سۋ رەسۋرستارىن پايدالانۋدىڭ قۇقىقتىق تەتىگىن ازىرلەۋ قاجەتتىگى اتاپ ٴوتىلدى، ول ايماقتىڭ بارلىق مەملەكەتتەرىنىڭ مۇددەلەرىن ەسكەرە وتىرىپ، سىندارلى ديالوگ قالىپتاستىرۋعا ىقپال ەتەدى.

وتىرىس بارىسىندا تاراپتار گاز سالاسىنداعى ىنتىماقتاستىقتى ودان ٴارى دامىتۋعا ٴوزارا قىزىعۋشىلىقتارىن راستادى. قازاقستاننىڭ وڭتۇستىگىنە وزبەكستان اۋماعى ارقىلى قازاقستاندىق گازدى ترانزيتتىك تاسىمالداۋعا تەحنيكالىق مۇمكىندىك جاساۋ بويىنشا بىرلەسكەن جۇمىستى جالعاستىرۋ تۋرالى كەلىسىمگە قول جەتكىزىلدى. 2018 جىلدىڭ 1-قىركۇيەگىنە دەيىن قول جەتكىزىلگەن كەلىسىمدەردى جۇزەگە اسىرۋ ماقساتىندا ٴتيىستى كەلىسىمگە قول قويۋ كوزدەلگەن.

تاراپتار، سونداي-اق، سۆوپ-وپەراسيالارى اياسىندا وزبەك گازىن جەتكىزۋ جونىندەگى ٴوز مىندەتتەمەلەرىن ورىنداۋعا نيەت ٴبىلدىردى.

وتىرىس قورىتىندىسى بويىنشا قازاقستاندا وزبەكستان جىلىن وتكىزۋ بويىنشا حاتتاما مەن ٴىس-شارالار جوسپارىنا، سونداي-اق ٴبىرقاتار ساۋدا-ەكونوميكالىق كەلىسىمدەرگە قول قويىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي