USD 334.31 EUR 355.17 RUB 5.31
استانا:

قازاقستاننىڭ جالپىۇلتتىق كۇشى تمد-دا ەكىنشى ورىندا – قىتاي ساراپشىسى

قازاقستاننىڭ جالپىۇلتتىق كۇشى تمد وڭىرىندە قۋاتى بويىنشا ەكىنشى ورىنعا كوتەرىلىپ وتىر. قحر سىرتقى ىستەر مينيسترلىگى جانىنداعى قىتاي حالىقارالىق زەرتتەۋلەر ينستيتۋتى ٴتوراعاسىنىڭ ورىنباسارى سيۋ سزيان وسىنداي پىكىر ٴبىلدىردى، دەپ حابارلايدى baq.kz ٴتىلشىسى.

«قازاقستان ورتالىق ازيادا تۇراقتىلىق وزەگىنە اينالىپ وتىر. سوڭعى 25 جىلدا قازاقستان قارقىندى تۇردە دامىپ كەلەدى. ىشكى جالپى ٴونىم 23 ەسە ارتتى. حالىقتىڭ تۇرمىس دەڭگەيى وتە جاقساردى. حالىق باسىنا شاققانداعى ىشكى جالپى ٴونىم بۇگىندە 14 مىڭ اقش دوللارىنا جەتىپ وتىر»، - دەدى قحر سىرتقى ىستەر مينيسترلىگى جانىنداعى قىتاي حالىقارالىق زەرتتەۋلەر ينستيتۋتى ٴتوراعاسىنىڭ ورىنباسارى سيۋ سزيان.

ونىڭ ايتۋىنشا، قازاقستاننىڭ جالپىۇلتتىق كۇشى تمد وڭىرىندە قۋاتى بويىنشا ەكىنشى ورىنعا كوتەرىلىپ وتىر.

«ٴبىرىنشى كەزەكتە، بۇل ەل باسشىلىعىنىڭ مىقتى جۇيەسىنىڭ ارقاسىندا مۇمكىن بولدى. بۇل جۇيە الەۋمەتتىك تۇراقتىلىق پەن تۇراقتى ەكونوميكالىق دامۋدى قامتاماسىز ەتىپ وتىر. نۇرسۇلتان نازاربايەۆتىڭ مىقتى پرەزيدەنتتىك جۇيەسى تۇراقتى، الەمدىك قاۋىمداستىققا سىيلى مەملەكەتتى قالىپتاستىردى»، - دەيدى سيۋ سزيان.

شەتەلدىك ساراپشىنىڭ ايتۋىنشا، تاۋەلسىزدىكتىڭ العاشقى جىلدارى ەكونوميكالىق قارىم-قاتىناستاعى بەلگىلى ٴبىر كەدەرگىلەرگە، سونداي-اق جۇيەنى ترانسفورماسيالاۋعا بايلانىستى قازاقستان ۇلكەن ەكونوميكالىق داعدارىسقا ۇشىرادى. ٴبىراق پرەزيدەنت نۇرسۇلتان نازاربايەۆتىڭ جەتەكشىلىگىنىڭ ارقاسىندا قازاقستان كوماندالىق ەكونوميكا جۇيەسىن جويىپ، بىرتىندەپ نارىقتىق ەكونوميكاعا، جەكەشەلەندىرۋگە كوشىرگەن رەفورمالاردى ىسكە اسىردى.

«پرەزيدەنت جاڭا «قازاقستان-2050» ستراتەگيالىق باعدارلاماسىن، جاڭا ەكونوميكالىق ساياسات جاريالاپ وتىر. وسىلايشا قازاقستان 2050 جىلعا قاراي دامىعان 30 ەلدىڭ قاتارىنا ەنۋدى ماقسات ەتىپ وتىر»، - دەيدى ول.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي