BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قازاقستاننىڭ يسپانياداعى ەلشىسى كورولگە سەنىم گراموتالارىن تاپسىردى

فوتو: ҚР СІМ баспасөз қызметі

قازاقستاننىڭ يسپانياداعى ەلشىسى كونستانتين جيگالوۆ كورول vi فەليپەگە سەنىم گراموتالارىن تاپسىردى، دەپ حابارلايدى ۆaq.kz اقپارات اگەنتتىگى.

قازاقستان ەلشىسى پرەزيدەنت نۇرسۇلتان نازاربايەۆتىڭ سالەمىن يسپاندىق مونارح پەن ونىڭ اكەسى كورول i حۋان كارلوسقا جولداپ، ەلباسىنىڭ تۋعان كۇنى مەن استانانىڭ 20 جىلدىعىنا وراي جىلى قۇتتىقتاۋى ٴۇشىن مەملەكەت باسشىسى اتىنان كورول vi فەليپەگە تاعى دا العىس ٴبىلدىردى.

ٴوز كەزەگىندە كورول ٴوزىنىڭ قازاقستانعا ساپارى مەن «ەكسپو-2017» حالىقارالىق مامانداندىرىلعان كورمەنىڭ اشىلۋ سالتاناتىنا قاتىسۋىن جىلى لەبىزدەرمەن ەسكە الاتىنىن حابارلادى.

كەزدەسۋ بارىسىندا وعان سىرتقى ىستەر، ەۋروپالىق وداق جانە ىنتىماقتاستىق ٴمينيسترى جوزەپ بورەلل دە قاتىستى. تاراپتار ٴبىرقاتار ەكىجاقتى ىنتىماقتاستىق پەن حالىقارالىق پروبلەمالاردىڭ وزەكتى ماسەلەلەرىن تالقىلاپ، 2009 جىلى قول قويىلعان ستراتەگيالىق ارىپتەستىك جونىندەگى كەلىسىمنىڭ نەگىزىندە قالىپتاسقان دوستىق جانە سەرپىندى دامىپ كەلە جاتقان قازاقستان-يسپاندىق قاتىناستاردىڭ سيپاتىن اتاپ ٴوتتى.

ساۋدا-ەكونوميكالىق بايلانىستاردىڭ دامۋىنا ەرەكشە كوڭىل ٴبولىنىپ، اعىمداعى جىلعى 27 قىركۇيەكتە كەزەكتى وتىرىستارى استانادا وتەتىن ەكونوميكا جانە ونەركاسىپ سالاسىنداعى ۇكىمەتارالىق كوميسسيا مەن ىسكەرلىك كەڭەس سياقتى قۇرىلىمداردىڭ ماڭىزدىلىعى باسا ايتىلدى.

كورول vi فەليپە ٴبىزدىڭ ەلىمىزدىڭ حالىقارالىق ديپلوماتيا سالاسىنداعى جەمىستى جۇمىستارىن جوعارى باعالاپ، قازاقستاننىڭ بۇۇ قاۋىپسىزدىك كەڭەسىندەگى قىزمەتى مەن ٴدىنارالىق ديالوگتى نىعايتۋ بويىنشا كۇش-جۇگەرىن ايرىقشا اتاپ ٴوتتى. وسى رەتتە، مونارح قازاقستانعا الەمدىك جانە ٴداستۇرلى دىندەر كوشباسشىلارىنىڭ vi سەزىن استانادا تابىستى وتكىزۋىنە تىلەكتەستىگىن ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي