BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان-ماكەدون ٴوزارا ٴىس-قيمىلىنىڭ جاڭا پەرسپەكتيۆالارى ايقىندالدى

فوتو: СІМ баспасөз қызметі

استانا، baq.kz. ەلوردادا سىرتقى ساياسي ۆەدومستۆولار باسشىلارى ورىنباسارلارىنىڭ دەڭگەيىندە قازاقستان-ماكەدون ساياسي كونسۋلتاسيالارى ٴوتتى. بۇل تۋرالى قر ٴسىم ٴباسپاسوز قىزمەتى حابارلادى.

قازاقستان رەسپۋبليكاسى سىرتقى ىستەر ٴمينيسترىنىڭ ورىنباسارى رومان ۆاسيلەنكو جانە ونىڭ ماكەدونيالىق ارىپتەسى اندرەي جەرنوۆسكيي ەكونوميكالىق ديپلوماتيا مەن حالىقارالىق ارەناداعى ٴوزارا ٴىس-قيمىلعا باسىمدىق بەرە وتىرىپ كوپجاقتى ىنتىماقتاستىقتى تەرەڭدەتۋ جانە ساياسي سالاداعى ارىپتەستىكتىڭ وزەكتى ماسەلەلەرىن تالقىلادى.

كەزدەسۋ بارىسىندا تاراپتار بۇۇ قاۋىپسىزدىك كەڭەسىندەگى تۇراقتى ەمەس مۇشەسى رەتىندەگى قازاقستان قىزمەتىنىڭ وزەكتى ماسەلەلەرى، ماگاتە الاڭىنداعى ٴوزارا ٴىس-قيمىل، سيرياداعى احۋالدى رەتتەۋ جونىندەگى استانا پروسەسى، ورتالىق ازيا مەن بالكان ٴوڭىرى اراسىنداعى پەرسپەكتيۆالىق ٴوزارا ٴىس-قيمىلدار بويىنشا پىكىر الماستى.

تاراپتار الماتىدا ماكەدونيا قۇرمەتتى كونسۋلدىعىنىڭ اشىلۋىن جوعارى باعالادى.

«ٴبىزدىڭ مەملەكەتتەرىمىز اراسىندا قانداي دا ٴبىر ساياسي جانە وزگە دە سيپاتتاعى كەلىسپەۋشىلىك جوق. بۇل ٴوز كەزەگىندە ەكىجاقتى ساۋدا-ەكونوميكالىق جانە ينۆەستيسيالىق ىنتىماقتاستىقتى جانداندىرۋ مەن كەڭەيتۋگە قولايلى العىشارتتار قالىپتاستىرادى»، دەدى ر. ۆاسيلەنكو.

وسىعان وراي، ۇكىمەتارالىق كوميسسيانىڭ الداعى وتىرىسىنا ىنتىماقتاستىقتىڭ پەرسپەكتيۆالىق سالالارى رەتىندە تۋريزم، اۋىل شارۋاشىلىعى، كولىك، جوعارى وقۋ ورىندار مەن مادەنيەتارالىق الماسۋ سالالارى انىقتالدى.

سونىمەن قاتار، كەلىسسوزدەردە ەكىجاقتى شارتتىق بازانىڭ جاي-كۇيى مەن ونى كەڭەيتۋ مۇمكىندىكتەرىنە ەرەكشە كوڭىل ٴبولىندى.

ا. جەرنوۆسكيي قازاقستان پرەزيدەنتى نۇرسۇلتان نازاربايەۆتىڭ سىندارلى ٴارى كورەگەن ساياساتىن ايرىقشا باعالادى.

«پرەزيدەنتتەرىڭىز وتە بەدەلدى ساياساتكەر، وزەكتى حالىقارالىق، وڭىرلىك پروبلەمالاردى شەشۋگە ٴاردايىم بەلسەندى ۇلەسىن قوسادى»، - دەپ مالىمدەدى ديپلومات.

سونىمەن قاتار ر. ۆاسيلەنكو ماكەدون تاراپىن قازاقستان ەكونوميكاسىنا ينۆەستيسيا سالۋ مۇمكىندىگى مەن قازاقستانداعى شەتەلدىك ينۆەستورلار ٴۇشىن پرەفەرەنسيالار جونىندە حاباردار ەتتى.

كەيىن قازاقستاننىڭ سىرتقى ىستەر ٴمينيسترى قايرات ٴابدىراحمانوۆ ا. جەرنوۆسكيي قابىلدادى.

كەلىسسوزدەر قورىتىندىسى ەكىجاقتى ساياسي، ەكونوميكالىق جانە مادەني-گۋمانيتارلىق ىنتىماقتاستىقتىڭ الداعى ناقتى باعىتتارىن انىقتاۋعا مۇمكىندىك بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي