BAQ.kz - Қазақстан жаңалықтары USD 338.78 BAQ.kz - Қазақстан жаңалықтары EUR 392.82 BAQ.kz - Қазақстан жаңалықтары RUB 5.35
استانا:

قازاقستان-قىتاي كەلىسىمدەرى ەكى تاراپ ٴۇشىن دە ٴتيىمدى – ەكونوميست

فوتو: Sputnik Казахстан

كەشە بەيجىڭدە وتكەن قازاقستان-قىتاي ىسكەرلىك كەڭەسى بارىسىندا ەكونوميكالىق سيپاتتاعى، جالپى قۇنى 13 ملرد دوللار بولاتىن 40 قۇجاتقا قول قويىلدى. ولاردىڭ ٴ15-ى «kazakh invest» كومپانياسىنىڭ قاتىسۋىمەن. وسى كەلىسىمدەرگە سايكەس، قازاقستان تەرريتورياسىندا كولىك قۇراستىرۋ، بيوتەحنولوگيا جانە ت.ب. سالالارىندا جوعارى تەحنولوگيالىق ٴوندىرىستى دامىتۋ كوزدەلىپ وتىر. وسىعان وراي ەكونوميست يساتاي قامباروۆ پىكىر ٴبىلدىرىپ، كەلىسىمدەردىڭ ەكى تاراپ ٴۇشىن دە ٴتيىمدى ەكەنىن اتاپ ٴوتتى، دەپ حابارلايدى baq.kz ٴتىلشىسى.

«ازىرگە مۇنىڭ بارلىعى كەلىسىمشارت تۇرىندە عانا جاسالعانىمەن، ۇكىمەت ٴوز الدىنا قابىلدانعان شارالاردىڭ قالاي ورىندالاتىنىن ٴجىتى باقىلايتىن بولادى. وسىدان كەيىن بارىپ قانا كەلىسىمشارتتىڭ ٴبىز ٴۇشىن قانشالىقتى ٴتيىمدى بولعانىن ايتا الامىز. دەسە دە، بۇل اقشا ٴوزىن اقتايدى دەگەن پىكىردەمىن. بۇل ٴبىر شەتىنەن ىسكەرلىك قارىم-قاتىناستى جاقسارتسا، ەكىنشى جاعىنان ەكونوميكامىز ٴۇشىن ٴتيىمدى بولىپ تۇر»، - دەيدى مامان.

يساتاي قامبار ۇلىنىڭ ايتۋىنشا، 40 كەلىسىم ارقىلى قازاقستانعا بەرىلەتىن 13 ملرد دوللار قىتاي ٴۇشىن كوپ اقشا ەمەس. سەبەبى، اسپان استى ەلى تەك ورتالىق ازياعا عانا ەمەس، الەمدەگى باسقا مەملەكەتتەرگە دە بۇدان دا كوپ مولشەردە ينۆەستيسيا قۇيىپ وتىر.

«وسىدان ەكى جىل بۇرىن قازاقستانداعى قىتاي ەلشىسىمەن اڭگىمەلەسكەن ەدىم. ول قىتايدىڭ تەك مۇناي ەمەس، باسقا سالالارعا دا ينۆەستيسيا قۇيۋعا دايىن ەكەنىن جەتكىزدى. ال ول ۋاقىتتا قىتاي تەك مۇناي-گاز سالاسىنا ينۆەستيسيا سالاتىن ەدى. ٴقازىر سول ٴسوزىنىڭ جانى بار ەكەنىنە كوزىم جەتىپ وتىر»، - دەيدى ول.

وسى كۇنگە قىتاي اۋىل شارۋاشىلىعى ونىمدەرىن يمپورتتاۋدا قازاقستانعا تاۋەلدى بولمادى. رەسەي مەن برازيليادان قاجەتىنشە الدى. سوڭعى جىلدارى بىزدەگى مۇمكىندىكتەرگە، ٴونىمنىڭ ەشبىر قوسپاسىز، تازا ەكەنىنە كوزى جەتىپ وتىر. ويتكەنى كەز كەلگەن ەل شەتەلگە شىققاندا، ەڭ الدىمەن، ولاردىڭ پوتەنسيالىن ەسكەرەدى. سول تۇرعىدان العاندا قازاقستان ٴقازىر كوپتەگەن مەملەكەتتەن الدا كەلەدى.

«قىتايدىڭ قازاقستانعا ينۆەستيسيا قۇيۋعا قىزىعۋشىلىق تانىتىپ وتىرعانى ورىندى. ويتكەنى ولار ينۆەستيسيانىڭ تولىقتاي اقتالاتىنىنا سەنىمدى»، - دەيدى مامان.

ەستەرىڭىزگە سالا كەتسەك، «قازاقستاندا اۆتوموبيل ٴوندىرىسى سالاسىن دامىتۋ» جوباسى اياسىندا «الليۋر كومپانيا توپتارى»، «china national machinery import and export co.» كومپانياسى جانە «بايتەرەك» حولدينگىمەن جول كارتاسى جاسالدى. اتالعان جوبا قوستاناي وبلىسىندا ىسكە اسىرىلماق. سونداي-اق، وسى جوبا اياسىندا 1،1 ملرد اقش دوللارى كولەمىندە ينۆەستيسيامەن تولىققاندى اۆتوموبيل كلاستەرىن (اۆتوبۋستار، جۇك كولىكتەرى جانە ەلەكتروموبيلدەر) جاساۋ كوزدەلىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي