BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

قازاقستاندىق زاڭگەرلەر العاش رەت حتو تورەشىلەر مەن مەدياتورلار كوللەگياسىنا قوسىلدى

«استانا» حالىقارالىق قارجى ورتالىعىنىڭ حالىقارالىق تورەلىك ورتالىعى ٴوزىنىڭ تورەشىلەر مەن مەدياتورلار كوللەگياسىن كەڭەيتۋدى جالعاستىرۋدا. ەۋروپا، الماتى جانە استاناداعى dentons باسقارۋشى سەرىكتەسى، قازاقستان زاڭگەرلەر قاۋىمداستىعى باسقارما كەڭەسىنىڭ ٴتوراعاسى، ايگۇل كەنجەبايەۆا حتو قۇرامىنا ٴتوراعاسى باربارا دوماننىڭ ۇسىنۋىمەن تاعايىندالدى، دەپ حابارلايدى baq.kz اقپارات اگەنتتىگى.

كەنجەبايەۆا حانىمنىڭ زاڭگەر ٴارى تورەشى رەتىندە تاجىريبەسى 35 جىلدان اسادى. ول تورەلىك جانە داۋلاردى شەشۋ، كورپوراتيۆتىك قۇقىق، ەنەرگەتيكا جانە تابيعي رەسۋرستار، ٴمجا جانە ينفراقۇرىلىمدىق جوبالار، زياتكەرلىك مەنشىك جانە مونوپولياعا قارسى زاڭناما سالاسىندا ماماندانعان. ول ۇنەمى سhambers global جانە legal 500 انىقتامالىقتارىندا قازاقستاندىق زاڭ ساراپشىسى رەتىندە تانىلادى.

“حتو قازاقستانداعى زاڭ قۇقىعىنىڭ ۇستەمدىگىن ورناتۋداعى ماڭىزدى قۇرىلىس بولىگى بولىپ تابىلادى. حتو تورەشىلەر مەن مەدياتورلار كوللەگياسىنا شاقىرۋى مەن قازاقستان زاڭگەرى جانە تورەشىسى رەتىندە ٴوز تاجىريبەمدى جەتەكشى تورەلىك ينستيتۋتتار ٴۇشىن ىسكە اسىرۋ مەن ٴۇشىن ۇلكەن قۇرمەت” - دەيدى ايگۇل كەنجەبايەۆا.

حتو تورەشىسى حتو تورەشىلەر جانە مەدياتورلار كوللەگياسىنا قازاقستان رەسپۋبليكاسىنداعى baker & mckenzie - cis limited كەڭەسشىسى الەكساندر كوروبەينيكوۆتى تاعايىندادى. كوروبەينيكوۆ مىرزانىڭ قازاقستان جانە ەۋروپا وڭىرىندە حالىقارالىق تورەلىك جانە كوممەرسيالىق سوت ٴىسىن جۇرگىزۋدە تاجىريبەسى زور.

“شەتەل ينۆەستورلارى ەلباسى نۇرسۇلتان نازاربايەۆتىڭ «استانا» حالىقارالىق قارجى ورتالىعىن قۇرۋ باستاماسىن قولدايدى. وسى ينۆەستورلار احقو ۇسىناتىن مۇمكىندىكتەرگە، سونىڭ ىشىندە داۋلاردى احقو سوتىندا جانە حتو-دا حالىقارالىق ستاندارتتارعا سايكەس شەشۋ ٴۇشىن جاڭا نۇسقالارعا دەگەن ۇلكەن ٴۇمىت ارتادى. حتو تاراپتارعا جايلى تورەلىك ەرەجەلەرىن قابىلدادى، سونداي-اق ونىڭ ٴتوراعاسى دومان حانىم حتو تورەشىلەر جانە مەدياتورلار كوللەگياسىنا تاجىريبەلى ٴارى ابىرويلى تورەشى مامانداردى تاعايىندادى. مەن ٴۇشىن وسىنداي تورەشى ماماندار اراسىندا بولۋ ۇلكەن قۇرمەت جانە مەن حتو قىزمەتتەرىن قولداناتىن تاراپتار ٴۇشىن جوعارى ساپالى قىزمەت كورسەتۋ ٴۇشىن بار كۇشىمدى سالىپ جۇمىس ىستەۋگە ۋادە بەرەمىن." - دەپ اتاپ ٴوتتى الەكساندر كوروبەينيكوۆ.

قازىرگى ۋاقىتتا حتو تىزىمىنە قازاقستاندى قوسا العاندا، ٴتۇرلى يۋريسديكسيالاردان 28 تاۋەلسىز، بىلىكتى جانە بەدەلدى حالىقارالىق تورەشىلەر مەن مەدياتورلار كىرەدى.

"مەن كەنجەبايەۆا حانىم مەن كوروبەينيكوۆ مىرزاعا وسى تورەشىلەر جانە مەدياتورلار كوللەگياسىنا حوش كەلدىڭىزدەر دەپ ايتۋعا قۋانىشتىمىن. بۇل قازاقستان زاڭگەرلەر قاۋىمداستىعىنىڭ استانا قالاسىندا كوممەرسيالىق داۋلاردى شەشۋ ٴۇشىن ۇزدىك حالىقارالىق تورەلىك جانە مەدياسيالىق قىزمەتتەر كورسەتۋ ماقساتىندا جاڭا حالىقارالىق تورەلىك ورتالىعىن قۇرۋ نيەتىنىڭ ايقىن بەلگىسى. ٴبىزدىڭ جاڭا ەكى تورەشىمىز حتو دامىتۋ جولىندا وزدەرىنىڭ قۇندى تاجىريبەسىن اكەلەدى." – دەدى حتو ٴتوراعاسى باربارا دومان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي