BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستاندىق دەلەگاسيا تۇركيادا وتكەن «تۇركi كەڭەسi» وتىرىسىنا قاتىستى

استانا، baq.kz. تۇركيا رەسپۋبليكاسىنا بىرلەسكەن جۇمىس ساپارى اياسىندا قوعامدىق دامۋ ٴمينيسترى دارحان كالەتايەۆ پەن «وتانداستار» قورىنىڭ پرەزيدەنتى نۇرتاي ابىقايەۆ دياسپورا ماسەلەلەرىنە جەتەكشى ەتەتىن ۆەدومستۆولار باسشىلارىنىڭ ٴۇشىنشى كەزدەسۋىنە قاتىستى.

دارحان كالەتايەۆ ٴوز سوزىندە تۇركى تىلدەس مەملەكەتتەر ٴۇشىن بۇگىنگى وتىرىستىڭ ەرەكشە ماڭىزدىلىعىن اتاپ ٴوتتى. ونىڭ ايتۋىنشا، قازاقستان رەسپۋبليكاسى شەت ەلدەردە ٴومىر ٴسۇرىپ وتىرعان قاڭداستارىمىزدىڭ مادەني-گۋمانيتارلىق سالاداعى سۇرانىستارىن قاناعاتتاندىرۋعا مۇددەلى. سول سەبەپتى، ەلىمىز شەت ەلدەردەگى قازاقستاردىڭ ٴوز انا ٴتىلىن، ٴداستۇرى مەن مادەنيەتىن دامىتۋعا مۇمكىندىكتەرى بولۋى ٴۇشىن قازاق دياسپورالارى ٴومىر سۇرەتىن مەملەكەتتەرمەن ىنتىماقتاسۋعا بارىنشا مۇددەلى ەكەنىن ايتتى.

ٴوز كەزەگىندە، «وتانداستار» قورىنىڭ پرەزيدەنتى نۇرتاي ابىقايەۆ تۇركى تاراپىنا ٴىس-شارانى جوعارى دەڭگەيدە وتكىزگەندەرى ٴۇشىن العىسىن ٴبىلدىرىپ، بۇل كەزدەسۋ ولاردىڭ بىرلەسكەن تىعىز جۇمىسىنىڭ باستاماسى بولاتىنىن اتاپ ٴوتتى. سونداي-اق، قوردىڭ باسشىسى تۇركيانىڭ باۋىرلاس ەلدەر اراسىندا ەرەكشە ورىن الاتىندىعىن اتاپ ٴوتتى.

ٴىس-شارانىڭ قورىتىندىسى بويىنشا «تۇركi كەڭەسi تۇركiتiلدەس دياسپوراسىنىڭ ورتاق ارەكەت ستراتەگياسىن» وزگەرتۋ تۋرالى شەشىمىن جانە وسى ستراتەگيانى جۇزەگە اسىرۋ بويىنشا بىرلەسكەن ٴىس-قيمىل جوسپارىن قابىلدادى.

ٴىسساپار اياسىندا قازاقستاندىق تاراپتىڭ تۇركيا ۆيسە-پرەزيدەنتى فۋات وكتايمەن كەزدەسۋى ٴوتتى. تاراپتار دياسپورالاردىڭ ستراتەگيالىق، ەكونوميكالىق، مادەني دامۋىنداعى ەكىجاقتى جانە كوپجاقتى سەرىكتەستىكتىڭ نەگىزگى ماسەلەلەرىن تالقىلادى.

سونىمەن قاتار، «وتانداستار» قورىمەن يۋنۋس ەمرە قورى اراسىندا ىنتىماقتاستىق پەن ٴوزارا تۇسىنىستىك تۋرالى مەموراندۋمعا قول قويىلدى. مەموراندۋمدار اياسىندا تاراپتار ورتاق مادەني، الەۋمەتتىك جانە ەكونوميكالىق جوبالاردى جۇزەگە اسىرۋعا، سونداي-اق تاجىريبە مەن اقپارات الماسۋعا، ٴوزارا قىزىعۋشىلىق تۋدىراتىن سالالاردا ٴىس-شارالاردى وتكىزۋگە كەلىستى.

اعىمداعى جىلدىڭ 9 قاراشاسىندا ستامبۇلدا دارحان كالەتايەۆ پەن نۇرتاي ابىقايەۆ تۇركيا جانە ەۋروپادا تۇراتىن قازاق دياسپورالارى باسشىلارىمەن كەزدەسۋ وتكىزەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي