USD 335.71 EUR 357.36 RUB 5.23
استانا:

قازاقستان ۆەنگريامەن بىرلەسكەن جوبالاردى ىسكە اسىرۋعا مۇددەلى

فوتو: Азамат ӘЛИЕВ

استانادا ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ 5-وتىرىس ٴوتتى. وعان قر ۇلتتىق ەكونوميكا ٴمينيسترى قۋاندىق بيشىمبايەۆ، قر دەنساۋلىق ساقتاۋ جانە الەۋمەتتىك قورعاۋ ٴمينيسترى تامارا دۇيسەنوۆا جانە ۆەنگريانىڭ ۇلتتىق ەكونوميكا ٴمينيسترى ميحاي ۆارگا قاتىستى، دەپ حابارلايدى baq.kz ٴتىلشىسى.

وتىرىس بارىسىندا قۋاندىق بيشىمبايەۆ ەلىمىزدە ۆەنگريانىڭ جەتەكشى كومپانيالارى تابىستى جۇمىس ىستەپ جاتقاندىعىن اتاپ ٴوتتى. بۇگىنگى تاڭدا رەسپۋبليكادا 50-گە جۋىق بىرلەسكەن كاسىپورىن تىركەلگەن. الداعى ۋاقىتتا ولاردىڭ سانى ارتۋى مۇمكىن.

مينيستر قازاقستان مەن ۆەنگريا اراسىنداعى ەكونوميكالىق بيلانىستىڭ الەۋەتى زور ەكەنىن ايتتى. سونداي-اق ول ەكىجاقتى ساۋدا-ەكونوميكالىق ىنتىماقتاستىقتى جانداندىرۋعا ىقپال ەتەتىن ۋاعدالاستىقتار تابىستى ىسكە اسىرىلىپ جاتقاندىعىن تىلگە تيەك ەتتى.

«2015 جىلى قازاقستان مەن ۆەنگريا بىرلەسكەن ينۆەستيسيالىق قور قۇرعان بولاتىن. ونىڭ قۇرامىنا «قازاگرو ۇلتتىق حولدينگى» اق كىرەدى. قوردىڭ ەڭ باستى ماقساتى – ەكى مەملەكەتتىڭ اۋىل شارۋاشىلىعى ونىمدەرىن وندىرۋگە قاتىستى جوبالاردى قارجىلاندىرۋ. بۇگىنگى مالىمەت بويىنشا قور ٴوز مىندەتىن ٴتيىس دەڭگەيدە اتقارۋدا. ٴبىرتالاي جوبا تالقىلاندى. الداعا ۋاقىتتا بىرنەشە جوبانى ىسكە قوسعا دايىندىق جۇمىستارى جۇرگىزىلۋدە. قورداعى قارجىنىڭ كولەمى – 20 ملن دوللار. سونداي-اق، 10 جىلعا تارتىلعان ينۆەستيسيالار بار. جوبالار دايىن بولسا، قورداعى اقشانىڭ كولەمى ۇلعايا تۇسەدى»، - دەدى ول.

ەكىجاقتى كەلىسسوز بارىسىندا قر دەنساۋلىق ساقتاۋ جانە الەۋمەتتىك دامۋ مينيسترلىگى مەن ۆەنگريانىڭ ۇلتتىق ەكونوميكا مينيسترلىگى اراسىندا حالىقتى جۇمىسپەن قامتاماسىز ەتۋ سالاسىندا ٴوزارا تۇسىنىكتىك تۋرالى مەموراندۋمعا قول قويىلدى. سونداي-اق قر قارجى مينيسترلىگى قازىناشىلىق كوميتەتى مەن ۆەگريانىڭ مەملەكەتتىك قازىناشىلىعى ىنتىماقتاستىق تۋرالى مەموراندۋم جاسادى.

قازاقستان-ۆەنگريا ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ كەلەسى 6-وتىرىسى بۋداپەشتە قالاسىندا وتەدى. باسقوسۋدىڭ قاي ۋاقىتتا وتەتىندىگى الداعى ۋاقىتتا كەلىسىلەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي