BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان تەرروريزمگە قارسى ٴىس-قيمىلدا بۇۇ-نىڭ جەتەكشى ٴرولىن قولدايدى

استانا، baq.kz. الماتىدا بۇۇ دامۋ باعدارلاماسى «زورلىق-زومبىلىق ەكسترەميزمنىڭ الدىن الۋ جانە جاستاردىڭ وعان تارتىلۋى – ٴوزارا بايلانىستىڭ ٴاناليزى» تاقىرىبىندا وڭىرلىك ديالوگ ٴوتتى.

ٴسىم ٴباسپاسوز قىزمەتىنىڭ مالىمەتىنشە، ٴىس-شارانىڭ اشىلۋ سالتاناتىندا بۇۇ تۇراقتى ۇيلەستىرۋشىسى - بۇۇ دامۋ باعدارلاماسىنىڭ قازاقستانداعى تۇراقتى وكىلى نوريماسا شيمومۋرا، قوعامدىق دامۋ ۆيسە-مينيسترى سەرگەي كونوۆالوۆ جانە سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ستانيسلاۆ ۆاسيلەنكو ٴسوز سويلەدى.

ٴوز سوزىندە س. ۆاسيلەنكو قازاقستان تەرروريمزگە قارسى ٴىس-قيمىلدا ٴوزىنىڭ جەكە جانە شەتەلدىك تاجىريبە مەن پراكتيكا نەگىزىندە بۇۇ-نىڭ جەتەكشى ٴرولىن بەلسەندى تۇردە قولدايتىنىن اتاپ ٴوتتى. قازاقستاندىق ديپلومات وڭىرلىك جانە جاھاندىق قاۋىپسىزدىك جۇيەلەرىنە ەلىمىزدىڭ بەلسەندى قاتىساتىنىن جانە ۇلتتىق قاۋىپسىزدىكتى قامتاماسىز ەتۋ تۇرعىسىنان سىن-تەگەۋرىندەر مەن قاۋىپ-قاتەرلەردى بولدىرماۋ بويىنشا مەملەكەتتىك دەڭگەيدە ىسكە اسىرىلىپ جاتقان اۋقىمدى شارالارى تۋرالى، سونداي-اق تەرروريستىك جانە ەكسترەميستىك كورىنىستەردىڭ الدىن الۋدىڭ جالپىمەملەكەتتىك جۇيەسىن جەتىلدىرۋ جونىندە اڭگىمەلەدى.

ديسكۋسسيالار بارىسىندا ٴبىرقاتار ماڭىزدى پروبلەمالار تالقىلانىپ، كۇن تارتىپتەگى وزەكتى ماسەلەلەر، اتاپ ايتقاندا اۋعان قوعامىندا جاستاردىڭ راديكاليزاسيالانۋىنىڭ تۇپكىلىكتى سەبەپتەرىن انىقتاۋ ماقساتىندا اۋعانستاندا زەرتتەۋ ەكسپەريمەنتتەرىن وتكىزۋ جانە قاقتىعىس ايماقتارىنداعى جاۋىنگەرلەردىڭ جۇبايلارى مەن بالالارىنىڭ ورالۋىنىڭ «كەيىنگى اسەرى» پروبلەماسى بويىنشا ساراپشىلىق پىكىر الماستى.

قازاقستانداعى بۇۇ دامۋ باعدارلاماسى ورتالىق ازيادا تەرروريزمگە اكەلەتىن زورلىق-زومبىلىق ەكسترەميزمنىڭ الدىن الۋىنا باعىتتالعان بۇۇ دب وڭىرلىك جوباسى شەڭبەرىندە بەس وڭىرلىك ديالوگتىڭ ەكىنشىسىن وتكىزۋدە. ٴبىرىنشى وڭىرلىك ديالوگ 2018 جىلى قىركۇيەكتە بىشكەكتە ٴوتتى.

بيۋدجەتى 6،4 ملن دوللار قۇرايتىن جوبانى جاپونيا ۇكىمەتى قارجىلاندىرادى جانە بۇۇ دب ىستانبۇل وڭىرلىك حابىنىڭ ستراتەگيالىق قولداۋىمەن بۇۇ دب-نىڭ قازاقستانداعى، قىرعىزستانداعى، تاجىكستانداعى، تۇرىكمەنستانداعى وفيستەرى جۇزەگە اسىرادى. جوبا شەڭبەرىندە مۇددەلى تاراپتاردى بىرىكتىرۋ جانە زورلىق-زومبىلىق ەكسترەميزمدى ٴتۇسىنۋ جانە وعان دەن قويۋ شارالارىن كەڭەيتۋ ماقساتىندا ديالوگتى دامىتۋ بويىنشا وڭىرلىك ٴىس-شارالار سەرياسى قاراستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي