BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قازاقستان مەن تاجىكستان اراسىنداعى قاتىناستار دوستىق پەن ستراتەگيالىق ارىپتەستىك نەگىزىندە دامىپ كەلەدى

فوتو: akorda.kz

قازاقستان رەسپۋبليكاسى مەن تاجىكستان رەسپۋبليكاسى اراسىنداعى قاتىناستار دوستىق پەن ستراتەگيالىق ارىپتەستىك نەگىزىندە دامىپ كەلەدى. ەكى ەل تاۋەلسىزدىك العاننان كەيىن، العاش رەت 1993 جىلعى 7 قاڭتاردا قازاقستان رەسپۋبليكاسى مەن تاجىكستان رەسپۋبليكاسى اراسىندا ديپلوماتيالىق قاتىناستار ورناتىلدى، دەپ حابارلايدى baq.kz اقپارات اگەنتتىگى.

قازاقستان-تاجىكستان قارىم-قاتىناستارى قازاقستان رەسپۋبليكاسىنىڭ پرەزيدەنتى ن.ٴا.نازاربايەۆتىڭ 2015 جىلى تاجىكستانعا جاساعان رەسمي ساپارى بارىسىندا قول قويىلعان ستراتەگيالىق ارىپتەستىك تۋرالى شارتقا سايكەس دامۋدا.

ەكىجاقتى ىنتىماقتاستىقتىڭ شارتتىق-قۇقىقتىق نەگىزى ٴىس جۇزىندە بايلانىستاردىڭ بارلىق سالاسىن قامتيتىن 80-نەن استام قۇجاتتان تۇرادى.

2015 جىلعى 14 قىركۇيەكتە دۋشانبەگە قر پرەزيدەنتى ن.ٴا.نازاربايەۆتىڭ رەسمي ساپارى جاسالدى.

2015 جىلعى 15-16 قازاندا تاجىكستان پرەزيدەنتى ە.راحمون تمد-عا مۇشە مەملەكەتتەر باسشىلارى كەڭەسىنە قاتىسۋ شەڭبەرىندە جۇمىستىق ساپارمەن قازاقستاندا بولدى.

سونىمەن قاتار، ەكونوميكالىق سالاداعى ەكىجاقتى قاتىناستاردىڭ تەرەڭدەۋىنە 2015 جىلعى 19-20 ناۋرىزدا دۋشانبەدە ٴ12-شى وتىرىسى وتكىزىلگەن ەكونوميكالىق ىنتىماقتاستىق جونىندەگى قازاقستان-تاجىكستان ۇكىمەتارالىق كوميسسياسىنىڭ قىزمەتى جاردەم ەتۋدە.

2015 جىلى 19-20 ناۋرىزدا دۋشانبەدە كوميسسيانىڭ 12-وتىرىسى ٴوتتى.

2016 جىلعى 25 تامىزدا استانا قالاسىندا قازاقستان-تاجىكستان سىرتقى ىستەر مينيسترلىكتەرى ەكى ەل سىرتقى ىستەر مينيسترلەرىنىڭ ورىنباسارلارى دەڭگەيىندە كونسۋلتاسيا بولدى.

2016 جىلدىڭ قاڭتار-قىركۇيەك ايلارى بويىنشا قازاقستان مەن تاجىكستان اراسىنداعى تاۋار اينالىمى 457،7 ملن اقش دوللارىن قۇرادى، وتكەن جىلدىڭ وسى كەزەڭىمەن سالىستىرعاندا 9،6% تومەندەگەن.

قازاقستاننىڭ تاجىكستانعا شىعاراتىن نەگىزگى ونىمدەرى استىق، ۇن، كۇنباعىس مايى، قۇرىلىس جانە لاكتىق بوياۋ ماتەريالدارى، مۇناي گازى جانە گاز تەكتەس كومىرسۋتەگى، مۇناي مەن مۇناي ونىمدەرى.

قازاقستانعا شىعاراتىن تاجىكستان تاۋارلارىن كوكونىستەر، جەمىستەر، رۋدا جانە قورعاسىن، مىرىش، مىس كونسەنتراتتارى قۇرايدى.

تاجىكستاندا جىل سايىن «ەكسپورت جانە ينۆەستيسيالار جونىندەگى «kaznex invest» ۇلتتىق اگەنتتىگى» جۇيەسىندە بيزنەس-فورۋمدار مەن ساۋدالىق ميسسيالار وتكىزىلىپ تۇرادى.

«لوكوموتيۆ قۇراستىرۋ زاۋىتى» اكسيونەرلىك قوعامى مەن «تاجىكستان تەمىر جولى» مەملەكەتتىك ۋنيتارلىق كاسىپورنى اراسىندا ىنتىماقتاستىق دامۋدا. ەكى ەلدىڭ ٴبىلىم سالاسىنداعى ىنتىماقتاستىعى جىل سايىن نىعايۋدا. ٴار جىلدا قر ازاماتتارى ٴۇشىن تاجىكستانداعى جانە تر ازاماتتارى ٴۇشىن قازاقستانداعى جوعارى وقۋ ورىندارىندا وقۋعا مەملەكەتتىك ٴبىلىم گرانتتارى ٴبولىنىپ وتىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي