BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

قازاقستان رەسپۋبليكاسى ەلتاڭباسىنىڭ جازۋى وزگەرەدى

فوتو: Kapital.kz

مەملەكەتتىك ەلتاڭبانىڭ جاڭارعان نۇسقاسىندا qazaqstan دەگەن ٴسوز جازىلاتىن بولادى، دەپ حابارلايدى baq.kz اقپارات اگەنتتىگى قر ينۆەستيسيالار جانە دامۋ مينيسترلىگى تەحنيكالىق peتتەۋ جانە مەترولوگيا كوميتەتىنىڭ ٴباسپاسوز قىزمەتىنە سىلتەمە جاساپ.

بۇگىن تەحنيكالىق رەتتەۋ جانە مەترولوگيا كوميتەتىنىڭ ٴتوراعاسى ارمان شاققاليەۆ ٴتوراعالىق ەتكەن عىلىمي-تەحنيكالىق كوميسسيانىڭ وتىرىسى بولدى. وتىرىسقا مەملەكەتتىك ەلتاڭبانىڭ اۆتورى جانداربەك مالىبەك پەن «قازاقستان ستاندارتتاۋ جانە سەرتيفيكاتتاۋ ينستيتۋتى» رمك-نىڭ باسشىلارى قاتىستى.

وتىرىسقا قاتىسۋشىلار №1 قر ست 989-2014 «قازاقستان رەسپۋبليكاسىنىڭ مەملەكەتتiك ەلتاڭباسى. تەحنيكالىق تالابى» وزگەرىستەرىن قابىلداۋ تۋرالى شەشىمگە كەلدى.

«وسىلايشا ۇلتتىق ستاندارتقا «قازاقستان» جازۋىن «qazaqstan» دەپ لاتىن گرافيكاسىندا جازۋ تۋرالى وزگەرىس ەنگىزىلدى»، - دەيدى ٴباسپاسوز حاتشىسى.

سونداي-اق، بۇدان باسقا، قازاقستان رەسپۋبليكاسىنىڭ مەملەكەتتىك ەلتاڭباسىنىڭ اۆتورى جاندارببەك مالىبەك ازىرلەگەن مەملەكەتتىك ەلتاڭبانىڭ ەلەمەنتتەرى مەن تاريحىن جانە كونسترۋكتورلىق قۇجاتتاماسىن سيپاتتايتىن ادىستەمەلىك نۇسقاۋلىققا سىلتەمە قوسىلدى. وزگەرىستەردى دايىنداۋ ٴۇشىن ٴوندىرۋشى مەن قازاقستان رەسپۋبليكاسى مەملەكەتتىك ەلتاڭباسىنىڭ قاتىسۋىمەن ٴبىرقاتار وتىرىس وتكەن بولاتىن.

ەسكە سالا كەتسەك، پارلامەنت سەناتى كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي