BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

قازاقستان مەن تۇركيا ساۋدا اينالىمى 10 ملرد دوللارعا جەتكىزبەك – باس كونسۋل

استانا، baq.kz. تۇركيا مەملەكەتىنىڭ قۇرىلعان كۇنىنە وراي، تۇركىتىلدەس جۋرناليستەر قورىنىڭ ۇيىمداستىرۋىمەن، تۇركيانىڭ قازاقستانداعى باس كونسۋلى رىزا قاعان يىلماز مىرزا قازاق جۋرناليستەرمەن كەزدەستى. بۇل تۋرالى قوردىڭ ٴباسپاسوز قىزمەتى حابارلادى.

باس كونسۋل كەزدەسۋ بارىسىندا باق وكىلدەرىنە قازاقستان مەن تۇركيا اراسىنداعى ساياسي-ەكونوميكالىق، ديپلوماتيالىق، تاريحي جانە رۋحاني ماسەلەلەر جايلى ماعلۇمات بەردى. ونىڭ ايتۋىنشا، قازاقستان پرەزيدەنتى نۇرسۇلتان نازاربايەۆ پەن تۇركيا پرەزيدەنتى رەدجەپ تايىپ ەردوعاننىڭ باستاماسىمەن، ەكى ەل اراسىنداعى ساۋدا اينالىمىن جۋىق ارادا 10 ميلليارد دوللارعا جەتكىزۋ ماقسات ەتىلگەن.

"ەجەلگى جىبەك جولىن جاڭعىرتۋ ماقساتىندا قولعا الىنعان "زاماناۋي جىبەك جولى" جوباسى مەن جۋىردا عانا ىسكە قوسىلعان باكۋ-تبيليسي-كارس تەمىرجول تورابى باۋىرلاس ەلدەر اراسىنداعى ەكونوميكالىق بايلانىستاردى نىعايتا تۇسەرى انىق. بۇگىندە قازاق جانە تۇرىك ينۆەستورلارى مۇناي، مال شارۋاشىلىعى، ازىق-تۇلىك، فارماسەۆتيكا مەن ەكونوميكانىڭ باسقا دا سالالارىندا وتە بەلسەندى. ٴتۇبى ٴبىر تۇركى ەلدەرى ساياسي، مəدەني، رۋحاني باعىتتاعى بايلانىستارىن تۇركى كەڭەسى، تۇركسوي، تۇركى اكادەمياسى حالىقارالىق ۇيىمدار شەڭبەرىندە دامىتىپ كەلەدى. يراك، سيريا سياقتى سوعىس ٴورتى ورشىگەن ايماقتاردا بەيبىتشىلىك پەن تۇراقتىلىقتى قامتاماسىز ەتۋدە دە قازاقستان مەن تۇركيانىڭ مۇددەسى ورتاق"، - دەدى ول.

مəسەلەن، تۇرىكتەر جەر شارىنداعى كومەككە مۇقتاج ايماقتارىنا 8 ميلليارد دوللارعا جۋىق قاراجات بولگەن، سوعىس بولىپ جاتقان ەلدەردىڭ ازاماتتارىن شەكارادان كەدەرگىسىز وتكىزىپ، ازىق-تۇلىك، باسپانامەن قامتاماسىز ەتكەن. وسىنىڭ ناتيجەسىندە، تۇركيادا جۇرگەن سيريالىقتاردىڭ ٴوزى 4 ميلليوننان اسقان. تۇركيانىڭ ادام قۇقىقتارىن قورعاۋ مەن گۋمانيتارلىق كومەك كورسەتۋ جوبالارى جايلى قازاق جۋرناليستەرگە كەڭىنەن اڭگىمەلەپ بەرگەن باس كونسۋل قايىرىمدىلىق شارالارىندا، مەملەكەتتەردەگى ساياسي تۇراقتىلىقتى ورناتۋدا دا قازاقستان مەن تۇركيانىڭ مۇددەسى ورتاق ەكەنىن ايتتى.

"سيرياداعى قانتوگىستى توقتاتۋدا تۇركيا مەن قازاقستان تىزە قوسا əرەكەت ەتىپ كەلەدى. سونداي-اق، 2016 جىلدىڭ 15 شىلدەسىندە تۇركيادا əسكەري توڭكەرىس جاساۋعا تىرىسقان فەتۋللاحشىلاردىڭ قىلمىسىنان كەيىن تۇركياعا ەڭ ٴبىرىنشى رەسمي ساپارمەن قازاقستان پرەزيدەنتى نۇرسۇلتان نازاربايەۆتىڭ كەلۋى - كەزدەيسوق ەمەس. باۋىرلاس ەل - تۇركياعا دەگەن رۋحاني قولداۋى دەپ بىلەمىز"، - دەپ تۇيىندەدى كونسۋل.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي