BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستان مەن تاجىكستان ٴدىن سالاسىنداعى ىنتىماقتاستىق بويىنشا مەموراندۋمعا قول قويدى

بۇگىن استانادا تاجىكستان رەسپۋبليكاسىنىڭ پرەزيدەنتى ەمومالي راحموننىڭ قازاقستان رەسپۋبليكاسىنا رەسمي ساپارى اياسىندا قازاقستان رەسپۋبليكاسى ٴدىن ىستەرى جانە ازاماتتىق قوعام مينيسترلىگى مەن تاجىكستان رەسپۋبليكاسىنىڭ ۇكىمەتى جانىنداعى ٴدىن ىستەرى، ۇلتتىق داستۇرلەر، مەرەكەلەر مەن سالت-جورالاردى رەتتەۋ كوميتەتى اراسىندا ىنتىماقتاستىق تۋرالى مەموراندۋمعا قول قويىلدى، دەپ حابارلايدى baq.kz اقپارات اگەنتتىگى.

قۇجاتقا قازاقستان رەسپۋبليكاسىنىڭ ٴدىن ىستەرى جانە ازاماتتىق قوعام ٴمينيسترى نۇرلان ەرمەكبايەۆ پەن تاجىكستان رەسپۋبليكاسىنىڭ ۇكىمەتى جانىنداعى ٴدىن ىستەرى، ۇلتتىق داستۇرلەر، مەرەكەلەر مەن سالت-جورالاردى رەتتەۋ كوميتەتىنىڭ ٴتوراعاسى داۆلوتزادا سۋلايمون قول قويدى.

مەموراندۋم اياسىندا ٴدىن سالاسىنداعى مەملەكەتتىك ساياساتتى جۇرگىزۋ سالاسىندا، ونىڭ ىشىندە ٴدىني ەكسترەميزمنىڭ الدىن الۋ ماسەلەلەرى بويىنشا تاجىريبە الماسۋ قاراستىرىلعان.

تاراپتار ٴوزارا قىزىعۋشىلىق تۋدىرعان ماسەلەلەر بويىنشا كەزدەسۋلەر مەن ٴىس-شارالار ۇيىمداستىرىپ، ناقتىراق ايتقاندا دەسترۋكتيۆتى ٴدىني يدەولوگيانىڭ جانە ٴدىني ەكسترەميزم كورىنىستەرىنىڭ تارالۋىن بولدىرماۋ ماقساتىندا ٴتۇسىندىرۋ جۇمىستارىن جۇرگىزۋدى جوسپارلاۋدا.

بۇدان بولەك، تاراپتار بىرلەسكەن زەرتتەۋلەر جۇرگىزۋ ٴۇشىن عىلىمي-زەرتتەۋلەرمەن اينالىساتىن ۇيىمدار اراسىنداعى ىنتىماقتاستىقتى دامىتۋعا نيەت بىلدىرۋدە.

قۇجاتتا تاراپتار بىرلەسە ٴوز مەملەكەتتەرىنىڭ ۇلتتىق زاڭنامالارى شەڭبەرىندە ٴدىن سالاسىنداعى ىنتىماقتاستىقتى جۇزەگە اسىراتىندىعى كورسەتىلگەن.

سونداي-اق، قازاقستاندىق جانە تاجىكستاندىق ۆەدومستۆا باسشىلارى ەكىجاقتى ىنتىماقتاستىق ماسەلەلەرىن دە تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي