BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستان مەن رەسەيدىڭ ٴوڭىرارالىق ىنتىماقتاستىق فورۋمى باستالدى

فوتو: автор

سولتۇستىك قازاقستان، baq.kz ٴتىلشىسى. پەتروپاۆلدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن ەكى مەملەكەت اراسىنداعى ىنتىماقتاستىق فورۋمى باستالدى.

كوپشىلىك نازارى ەلىمىزدىڭ سولتۇستىگىندە ورنالاسقان كونە شاھار – پەتروپاۆلعا اۋدى. اپتانىڭ باسىنان قاسيەتتى قىزىلجار توپىراعى قازاقستان مەن رەسەيدىڭ تۇكپىر-تۇكپىرىنەن كەلىپ جاتقان مەيماندار لەگىن قارسى الۋدا. القالى جيىن جاڭادان اشىلعان تەننيس ورتالىعىندا ۇيىمداستىرىلعان كورمەدەن باستالدى.

«بۇگىن شىن مانىندە ماڭىزدى جاڭالىقتىڭ كۋاسى بولىپ وتىرمىز. بۇل شارا - قازاقستان مەن رەسەي اراسىنداعى كورشىلىك، دوستىق قارىم-قاتىناستىڭ ايقىن كورىنىسى. بۇكىل الەمگە قازاقستان مەن رەسەي – ەكونوميكا، گەوساياسات تاعى باسقا سالالاردا ىنتىماقتاستىق قارىم-قاتىناستىڭ بىرەگەي مىسالىن كورسەتىپ وتىر. فورۋمعا قاتىسۋشىلاردىڭ بارلىعىنا العىسىم شەكسىز»، - دەدى جيىندى اشقان قر مادەنيەت جانە سپورت ٴمينيسترى ارىستانبەك مۇحامەدي ۇلى.

فوتو: اۆتور

دۇنيەجۇزىلىك تۋريستىك قاۋىمداستىقتىڭ مالىمەتى بويىنشا، 2017 جىلى قازاقستان تۋريزمنەن 1،929 ملرد، ال رەسەي 8،945 ملرد اقش دوللارى كولەمىندە پايدا كورىپتى. بۇل سالانىڭ دامۋ كوكجيەگى كەڭ. سوندىقتان ىنتىماقتاستىق فورۋمىندا قازاقستان مەن رەسەي اراسىنداعى تۋريستىك سالاداعى ٴوزارا ارىپتەستىكتى نىعايتۋعا، ونىڭ ىشىندە، ەكى ەلدىڭ ىسكەر توپتارى مەن مەملەكەتتىك قۇرىلىمدارى اراسىنداعى كووپەراسيالىق بايلانىستاردى تەرەڭدەتۋ ارقىلى ٴتۋريزمدى دامىتۋ جانە العا جىلجىتۋدىڭ وزىق تاجىريبەسىمەن الماسۋعا، تۋريستىك يندۋسترياعا ينۆەستيسيالاردىڭ كەلۋىن ىنتالاندىرۋعا باسا نازار اۋدارىلماق.

«قۇرمەتتى دوستار، قازاقستان مەن رەسەي ىنتىماقتاستىعىنىڭ ٴحۇ فورۋمىنىڭ اشىلۋىمەن قۇتتىقتايمىن. سىزدەردىڭ قوناقجايلىلىقتارىڭىزعا العىسىم شەكسىز. بۇل فورۋمدا ٴبىز ەكى ەلدى بايلانىستىرىپ وتىرعان تۋريزم تۋرالى ايتامىز. ونىڭ بىرەگەيلىگى دە وسى. ٴبىزدىڭ قارىم-قاتىناسىمىز – ستراتەگيالاق سيپاتقا يە. ەكونوميكالىق، دوستىق قارىم-قاتىناستى دامىتۋدا تۋريزمگە ەرەكشە ٴمان بەرىلىپ وتىرعانى قۋانتادى. تۋريزم – حالىق شارۋاشىلىعىنىڭ 53 باعىتىنىڭ دامۋىنا ىقپال ەتەدى. جىل سايىن 3،5 ميلليون قازاقستاندىق رەسەيگە كەلەدى ەكەن. 3 ميلليوننان استام رەسەي ازاماتى قازاقستانعا ساياحات جاسايدى. بۇل كورسەتكىشتەر ۇدايى ٴوسۋى كەرەك. سەبەبى بىزدە ٴتۋريزمدى دامىتۋدىڭ بارلىق مۇمكىندىكتى بار»، - دەدى رف مادەنيەت مينيسترلىگىنىڭ «روستۋريزم» تۋريزم جونىندەگى اگەنتتىگىنىڭ باسشىسى ولەگ سافونوۆ.

فوتو: اۆتور

ەكى مەملەكەت كورمەگە 40 ەكسپونەنت قويدى. شاراعا قازاقستاننىڭ بارلىق ٴوڭىرى مەن رەسەيدىڭ 10 وبلىسىنىڭ وكىلدەرى قاتىسۋدا.

«ٴبىزدىڭ وبلىس ٴۇشىن قازاقستان مەن رەسەيدىڭ ٴوڭىرارالىق ىنتىماقتاستىق فورۋمىن وتكىزۋ – زور مارتەبە. وڭىردە تالايدى تاڭ قالدىراتىن نىساندار بار. ماسەلەن، شالقار-يمانتاۋ كۋرورتتىق ايماعى. بىزدە ەمدىك قاسيەتى جوعارى ەكى كول بار. شالقار كولى سىۋىنىڭ قۇرامى – تەڭىز سۋىنىڭ قۇرامىنا وتە ۇقساس. ەكىنشىسى – مەڭكەسەر كولى. ونى يزرايلدەگى ٴولى تەڭىز سۋىمەن سالىستىرۋعا بولادى. ٴبىز سولتۇستىككە كەلەتىن تۋريستەردىڭ سانىن، اسىرەسە رەسەي تۋريستەرىن ارتتىرۋ باعىتىندا جۇمىس ىستەپ جاتىرمىز. ٴبىزدى ورتاق تاريح، ورتاق قۇندىلىقتار بىرىكتىرەدى»، - دەدى جيىندا ٴسوز العان سولتۇستىك قازاقستان وبلىسىنىڭ اكىمى قۇمار اقساقالوۆ.

قوس مەملەكەت ٴۇشىن تابىستى سالا سانالاتىن ٴتۋريزمدى دامىتۋدىڭ ناقتى شارالارى جايلى 9 قاراشا كۇنى وقۋشىلار سارايىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن رەسەي فەدەراسياسىنىڭ پرەزيدەنتى ۆلاديمير ٴپۋتيننىڭ قاتىسۋىمەن وتەتىن پلەنارلىق وتىرىستا ايتىلماق. ەكى مىڭعا جۋىق دەلەگات قاتىساتىن فورۋمدا ۇكىمەتارالىق، ٴوڭىرارالىق جانە كوممەرسيالىق باعىتتاعى 30 قۇجاتقا قول قويۋ جوسپارلانعان.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي