BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

قازاقستان مەن رەسەي ٴوڭىرارالىق فورۋمى اياسىندا 75 مەموراندۋم جاسالادى

فوتو: Автор

سولتۇستىك قازاقستان، baq.kz ٴتىلشىسى. قر پرەزيدەنتى نۇرسۇلتان نازاربايەۆ قازاقستان مەن رەسەي ٴوڭىرارالىق ىنتىماقتاستىعىنىڭ xv فورۋمىنا قاتىسۋ ماقساتىندا قىزىلجارعا كەلدى. ەكى مەملەكەت باسشىلارى كەزدەسەتىن القالى جيىندا تۋريزم سالاسىن دامىتۋدىڭ تەتىكتەرى تالقىلانباق.

جوسپارعا ساي، ەلباسى پەتروپاۆلداعى كيروۆ اتىنداعى زاۋىتتىڭ جۇمىسىمەن جانە جاڭادان سالىنعان وقۋشىلار سارايىمەن تانىسادى. رەسەي پرەزيدەنتى ۆلاديمير پۋتين مەن قازاقستان پرەزيدەنتى نۇرسۇلتان نازاربايەۆ ٴوڭىرارالىق فورۋم اياسىندا اشىلعان "قازاقستان مەن رەسەي ٴتۋريزمىن دامىتۋدىڭ جاڭا جولدارى مەن ۇردىستەرى" كورمەسىن تاماشالايدى. كورمەگە 40 ەكسپونەنت قاتىستىرىلعان. قازاقستاننىڭ بارلىق وڭىرلەرى مەن رەسەيدىڭ 10 وبلىسى ٴوز جوبالارىن كوپشىلىك نازارىنا ۇسىندى.

ودان كەيىن ەكى ەلدىڭ وكىلدەرى پلەنارلىق وتىرىستا باس قوسادى. نۇرسۇلتان نازاربايەۆ پەن ۆلاديمير پۋتين ەكىجاقتى كەلىسىم جونىندەگى قۇجاتتارعا قول قويماق. قازاقستان مەن رەسەي مەملەكەتتىك ورگاندارى، ۇيىمدارى مەن بيزنەس سۋبەكتىلەرى اراسىندا ٴتۋريزمدى دامىتۋ جانە ىنتىماقتاستىق بويىنشا 75 ەكىجاقتى قۇجات پەن مەموراندۋمعا قول قويۋ جوسپارلانعان. ەكى تاراپ قازاقستان مەن رەسەي شەكارالىق وڭىرلەرىندە 100-دەن استام تۋريستىك باعىتتى بىرلەسىپ جۇزەگە اسىرۋعا كەلىسىم جاساماق.

فورۋمنىڭ رەسمي سايتىندا 2 مىڭعا جۋىق دەلەگات تىركەلگەن. قازاقستان مەن رەسەيدەن 200-گە جۋىق جۋرناليست جۇمىس ىستەيدى. باق وكىلدەرىنە ارنالعان ارنايى مەديا ورتالىق اشىلدى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي