BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

قازاقستان مەن پولشا ۆيزالىق ماسەلەلەردى تالقىلادى

2018 جىلعى 13 ناۋرىزدا استانادا قازاقستان مەن پولشانىڭ سىرتقى ساياسي ۆەدومستۆولارى اراسىنداعى كونسۋلدىق ماسەلەلەر بويىنشا كونسۋلتاسيالار ٴوتتى. قازاقستان دەلەگاسياسىن سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ ديرەكتورى ارداق ماديەۆ، پولياك تاراپىن پولشانىڭ ٴسىم كونسۋلدىق دەپارتامەنتى ديرەكتورىنىڭ ورىنباسارى بەاتا بجىۆچي حانىم باسقاردى، دەپ حابارلايدى baq.kz اقپارات اگەنتتىگى.

پولياك تاراپى قازاقستان مەن ەۋروپالىق وداق اراسىنداعى ۆيزالىق رەجيمدى جەڭىلدەتۋ جونىندەگى استانانىڭ باستاماسىن قايتا قولداپ، سونداي-اق وسى ماسەلە بويىنشا ودان ٴارى قولعابىس كورسەتەتىنى تۋرالى نيەت ٴبىلدىردى.

كونسۋلتاسيالار شەڭبەرىندە، قازاقستان قىزمەتتىك پاسپورتتار يەلەرىن ۆيزالىق تالاپتاردان بوساتۋ مۇمكىندىگى، قازاقستاندىق ستۋدەنتتەرگە پولياك ۆيزالارىن الۋ ٴراسىمىن جەڭىلدەتۋ جانە پولياك ورگاندارىمەن قازاقستان ازاماتتارىنىڭ ٴبىلىمى تۋرالى اتتەستاتتارى مەن ديپلومدارىن تانۋ (نوستريفيكاسيا)، قۇجاتتاردى زاڭداستىرۋ، ەكى ەلدىڭ ازاماتتارىن كونسۋلدىق-قۇقىقتىق قورعاۋمەن قامتاماسىز ەتۋ تۋرالى سۇراقتار، سونداي-اق ادامداردىڭ رەادميسسياسى تۋرالى ەكىجاقتى كەلىسىمدى جۇزەگە اسىرۋدىڭ تاجىريبەلىك ماسەلەلەرى تالقىلاندى.

وتكەن كەلىسسوزدەر ەكى ەلدىڭ ازاماتتارى مەملەكەتتىك ورگاندارعا جۇگىنگەن كەزدە زاڭدىق راسىمدەردى جەڭىلدەتۋىنە باعىتتالعان كونسۋلدىق سالاداعى ەكىجاقتى بايلانىستاردى دامىتۋعا ٴوزارا قىزىعۋشىلىقتى راستادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي