BAQ.kz - Қазақстан жаңалықтары USD 326.17 BAQ.kz - Қазақстан жаңалықтары EUR 401.25 BAQ.kz - Қазақстан жаңалықтары RUB 5.31
استانا:

قازاقستان مەن وڭتۇستىك كورەيا سىرتقى ىستەر مينيسترلەرى ەكونوميكالىق ىنتىماقتاستىقتى تالقىلادى

فوتو: автор

قازاقستان رەسپۋبليكاسىنىڭ سىرتقى ىستەر ٴمينيسترى قايرات ٴابدىراحمانوۆ قازاقستانعا رەسمي ساپارمەن كەلگەن كورەيا رەسپۋبليكاسىنىڭ سىرتقى ىستەر ٴمينيسترى كان گەن حۆامەن كەزدەستى، دەپ حابارلايدى baq.kz ٴتىلشىسى.

«كەزدەسۋ بارىسىندا ٴبىز ەكى جاقتى ىنتىماقتاستىق پەن وزەكتى ماسەلەلەردى تالقىلادىق. ونىڭ ىشىندە كورەي تۇبەگىندەگى احۋالدى، سونداي-اق ساياسي-ەكونوميكالىق، الەۋمەتتىك جانە باسقا دا ٴوزارا قاتىناستاردىڭ پەرسپەكتيۆالارى تۋرالى اڭگىمەلەستىك. قازاقستان - كورەيا رەسپۋبليكاسىنىڭ شىعىس ازيادا نەگىزگى ستراتەگيالىق ارىپتەسى»، - دەپ اتاپ ٴوتتى.

سونىمەن قاتار، 2016 جىلدىڭ قاراشا ايىندا قر پرەزيدەنتى نۇرسۇلتان نازاربايەۆتىڭ سەۋلعا جاساعان مەملەكەتتىك ساپارى ىنتىماقتاستىقتىڭ جاڭا بەلەسى بولعاندىعى ايتىلدى. وعان قوسا، قايرات ٴابدىراحمانوۆ ەكى ەل ۇستانىمدارىنىڭ ۇقساس ەكەنىن جەتكىزدى.

«قازىرگى تاڭدا استانا مەن سەۋل اراسىندا حالىقارالىق وزەكتى ماسەلەلەرگە قاتىستى ۇستانىمدارىمىزدىڭ ۇقساس ەكەنى بايقالىپ وتىر. ونى ەرەكشە اتاپ وتكىم كەلەدى. حالىقارالىق ۇيىمدار مەن كوپجاقتى فورۋمدار اياسىندا ٴوزارا جاعىمدى ٴىس-قيمىلدار دامىپ كەلەدى. بۇگىنگى كەلىسسوزدەر ورتاق ماقساتتاردىڭ بار ەكەنىن تاعى دا ٴبىر دالەلدەدى جانە ەلدەرىمىزدىڭ كوپتەگەن سالاداعى ىنتىماقتاستىعىن تەرەڭدەتۋگە ٴوزارا قىزىعۋشىلىقتى دا راستادى. قازاقستان مەن كورەيا رەسپۋبليكاسى دوستىق پەن ٴوزارا قارىم-قاتىناس رۋحىنا نەگىزدەلگەن. وڭ جانە بەرىك قاتىناستاردى دامىتۋدى جالعاستىرۋعا بەل بۋىپ، ونى جان-جاقتى دامىتىپ، ٴبىزدىڭ حالىقتارىمىزدىڭ يگىلىگى ٴۇشىن ساقتاپ قالۋعا بارلىق كۇش-جىگەرىمىزدى جۇمسايمىز»، - دەدى مينيستر.

سونىمەن قاتار، ەكى ەل اراسىنداعى «ٴتورتىنشى ونەركاسىپتىك رەۆوليۋسياداعى» اقپاراتتىق- كوممۋنيكاسيالىق، سيفرلاندىرۋ باعىتتارى تۋرالى ايتىلدى. ساۋدا-ەكونوميكالىق قاتىناستار، وعان قوسا كولىك-لوگيستيكا جاعدايلارى تالقىلاندى. ال، ساياسي باعىتتا كەلىسە وتىرىپ شەشۋدى تالاپ ەتەتىن ٴبىرقاتار ماسەلە، ونىڭ ىشىندە كونسۋلدىق جانە قازاقستاندىق ينيسياتيۆانى جەتىلدىرۋ، سونداي-اق حالىقارالىق بىرلەستىكتەردىڭ كانديداتۋرالارى تۋرالى ٴسوز قوزعالدى.

سونىمەن قاتار، مينيستر قازاقستاننىڭ كورەيا رەسپۋبليكاسى مەن كحدر-دىڭ كەلىسىمگە كەلۋىن قولدايتىنىن ايتتى.

«قازاقستان كورەيارالىق ديالوگتىڭ قالپىنا كەلۋىن جانە كورەيا رەسپۋبليكاسىمەن كحدر-دىڭ بىرىگىپ، سامميت وتكىزۋىن قولدايدى. استانا الدا وتەتىن كورەيارالىق ساميتتەن ۇلكەن ٴۇمىت كۇتەدى»، -دەدى ۆەدومستۆو باسشىسى.

ال، كورەيا رەسپۋبليكاسىنىڭ سىرتقى ىستەر ٴمينيسترى كان گەن حۆا بۇگىنگى كەزدەسۋ ول ٴۇشىن ۇلكەن قۇرمەت ەكەنىن اتاپ ٴوتتى. سونداي-اق، استانانىڭ 20 جىلدىعىنداعى تاڭعالارلىق وزگەرىسىنە ٴتانتى بولعانىن ايتتى.

«ٴقازىر ەكى ەلدىڭ تاۋار اينالىمى 1992 جىلدان بەرى 150 ەسە ۇلعايدى. كازاقستان مەن كورەيا رەسپۋبليكاسى 2009 جىلدان باستاپ ستراتەگيالىق ارىپتەس بولدى. پرەزيدەنت نۇرسۇلتان نازاربايەۆتىڭ 2016 جىلدىڭ كاراشاسىندا ٴبىزدىڭ ەلگە جاساعان ساپارى ەكى ەلدىڭ قاتىناسىن ودان ٴارى جانداندىرا تۇسكەندەي. ول كەزدەسۋدە كوپتەگەن كەلىسىمگە قول قويىلدى. ەنەرگەتيكا، تابيعي رەسۋرستارداعى سەرىكتەستىك ودان سايىن ارتۋى ٴتيىس. ٴبىز «ٴتورتىنشى ونەركاسىپتىك رەۆوليۋسيا» اياسىندا قازاقستانمەن ارىپتەس رەتىندە جۇمىس ىستەپ جاتقانىمىزعا قۋانىشتىمىز»، - دەدى كەزدەسۋ باراسىندا مينيستر كان گەن حۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي