BAQ.kz - Қазақстан жаңалықтары USD 360.71 BAQ.kz - Қазақстан жаңалықтары EUR 411.53 BAQ.kz - Қазақстан жаңалықтары RUB 5.38
استانا:

قازاقستان مەن ازەربايجان ٴبىر وتباسى مۇشەسىندەي — يلحام اليەۆ

ازەربايجان رەسپۋبليكاسىنىڭ پرەزيدەنتى يلحام اليەۆ قر پرەزيدەنتىنىڭ تەلەراديوكەشەنىنە سۇحبات بەردى، دەپ حابارلايدى baq.kz اقپارات اگەنتتىگى.

قر پرەزيدەنتىنىڭ تەلەراديوكەشەنى حابارلاعانداي، جاقىندا تمد ەلدەرى باسشىلارىنىڭ قاتىسۋىمەن دەرەكتى فيلم جارىققا شىقپاقشى.

«تمد ەلدەرىنىڭ ەل باسشىلارىنىڭ قاتىسۋىمەن دەرەكتى فيلم دايىندىعىنىڭ ۇستىندەمىز. قاتىسۋعا ىنتاسىن بىلدىرگەندەردىڭ الدىڭعى قاتارىندا - ازەربايجان پرەزيدەنتى يلحام اليەۆ بولدى. وسى ٴساتتى پايدالانا وتىرىپ، وقىرماندارىمىزبەن سۋ جاڭا، ٴالى ەشكىم تاماشالاماعان ۆيدەومىزبەن بولىسپەكشىمىز»، - دەپ جازىلعان حابارلامادا.

وسى ورايدا ازەربايجان رەسپۋبليكاسىنىڭ پرەزيدەنتى يلحام اليەۆ قر پرەزيدەنتىنىڭ تەلەراديوكەشەنىنە سۇحبات بەردى.

«ماعان نۇرسۇلتان ابىش ۇلىمەن اڭگىمەلەسكەن وتە ۇنايدى. مەن ٴوزىم ونى قاتتى سىيلايمىن. ول - ٴبىزدىڭ اقساقالىمىز. ونىڭ اكەم گەيدار اليەۆپەن وتكىزگەن اڭگىمەلەسۋلەرى، كەزدەسۋلەرى مەنىڭ ەسىمدە. ولاردى دوستىق قارىم-قاتىناس بايلانىستىردى. سول ٴداستۇر جالعاسىپ كەلە جاتقانىنا قۋانىشتىمىن. سونداي-اق، قاراپايىم ادام رەتىندە نۇرسۇلتان ابىش ۇلىمەن تىلدەسكەن وتە اسەرلى. باكۋدە وتكەن سوڭعى كەزدەسۋ دە، رەسمي شارالاردا دا، بەيرەسمي جيىندا دا ٴبىز ٴبىر وتباسىنىڭ مۇشەسى سياقتى وتىرىپ اڭگىمەلەستىك»، - دەيدى يلحام اليەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي