BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قازاقستان ەلشىسى تاجىكستانمەن ىنتىماقتاستىقتى دامىتۋدىڭ نەگىزگى باعىتتارى تۋرالى ايتتى

تاجىكستان رەسپۋبليكاسىنىڭ پرەزيدەنتى ەمومالي راحموننىڭ رەسمي ساپارى قارساڭىندا قازاقستاننىڭ تاجىكستانداعى ەلشىسى نۇرلان سەيتىموۆ ەكى ەل ىنتىماقتاستىعى دامۋىنىڭ نەگىزگى باعىتتارى، سونداي-اق الداعى جوعارى دەڭگەيدەگى كەلىسسوزدەر تۋرالى ايتتى، دەپ حابارلايدى baq.kz اقپارات اگەنتتىگى.

«مەملەكەت باسشىلارىنىڭ كەزدەسۋى تار شەڭبەردەگى جانە كەڭەيتىلگەن فورماتتاعى كەلىسسوزدەردى كوزدەيدى. ونىڭ بارىسىندا وڭىرلىك كۇن تارتىبىندەگى جانە حالىقارالىق وزەكتى ماسەلەلەر تالقىلانادى. سونداي-اق، ساۋدا-ەكونوميكالىق قاتىناستاردى ودان ٴارى دامىتۋدا ساپالى جاڭا دەڭگەيگە جەتۋگە اسا نازار اۋدارىلاتىن بولادى»، - دەدى ەلشى.

سەيتىموۆ بيىل قازاقستان مەن تاجىكستان اراسىنداعى ديپلوماتيالىق قاتىناستار ورناعانىنا 25 جىل تولعانىن اتاپ ٴوتتى. بۇگىندە بۇل قاتىناستار ستراتەگيالىق ارىپتەستىك نەگىزىندە دامىپ كەلەدى.

«قازاقستان مەن تاجىكستان سىرتقى ساياسي باستامالارعا ٴوزارا قولداۋ كورسەتەدى. مىسالى، تاجىكستان «ەكسپو-2017» كورمەسىن وتكىزۋدەگى قازاقستاننىڭ ٴوتىنىمىن جانە استانادا يسلام ۇيىمىن قۇرۋ باستاماسىن، دۇنيەجۇزىلىك ساۋدا ۇيىمداعى ەلىمىزدىڭ مۇشەلىگىن، سونداي-اق، بۇۇ قاۋىپسىزدىك كەڭەسىنىڭ تۇراقتى ەمەس مۇشەسىن سايلاۋدا قازاقستاننىڭ كانديداتۋراسىن قولدادى»، - دەدى سەيتىموۆ.

سونداي-اق، ەلشىنىڭ ايتۋىنشا ساۋدا-ەكونوميكالىق ىنتىماقتاستىقتا قازاقستان تاجىكستاننىڭ نەگىزگى سىرتقى ساۋدا سەرىكتەستەرى اراسىندا ەكىنشى ورىنعا يە. 2017 جىلدىڭ قورىتىندىسى بويىنشا ەكى ەل اراسىنداعى ساۋدا كولەمى 776 ملن دوللاردى قۇرادى، بۇل 2016 جىلعا قاراعاندا 31،5% ارتىق.

«قازاقستاننىڭ تاجىكستانعا ەكسپورتتايتىن ٴوتىمدى تاۋارلار قاتارىندا مۇناي، اۆتوكولىكتەر، كوممۋنالدىق تەحنيكالار، قالالىق اۆتوبۋستار مەن تەمىرجول سالاسىنا ارنالعان ونىمدەر بار. قازاقستاندا جينالعان evolution ۇلىگىسىندەگى 4 لوكوموتيۆ ٴقازىردىڭ وزىندە تاجىكستانعا جەتكىزىلىپ ۇلگەردى. سونىمەن قاتار، تاعى ەكى لوكوموتيۆتى جەتكىزۋگە كەلىسىمشارت جاسالدى»، - دەدى ن. سەيتىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي