BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستان ەقىۇ-نىڭ استانادا بولۋىنىڭ جاڭا فورماتىن ۇسىندى

استانا، baq.kz. ەقىۇ مۇشە-ەلدەردىڭ سىرتقى ىستەر مينيسترلەرى كەڭەسىنىڭ (سىمك) ميلانداعى كەزدەسۋى اياسىندا «ەقىۇ كەڭىستىگىندە ەكونوميكالىق ٴوزارا بايلانىستىلىقتى ىلگەرىلەتۋ» اتتى تاقىرىپتىق وتىرىس ٴوتتى.

ەقىۇ ەكونوميكالىق جانە ەكولوگيالىق كوميتەتىنىڭ ٴتوراعاسى قازاقستان ۇيىم حاتشىلىعىنىڭ ەكونوميكالىق جانە ەكولوگيالىق قىزمەت ۇيلەستىرۋشىسىنىڭ كەڭسەسىمەن بىرلەسىپ اتالعان ٴىس-شارانى ۇيىمداستىردى.

«ٴوزارا بايلانىستىلىق كولىكتىك بايلانىستار، ەكونوميكالىق جانە ەنەرگەتيكالىق جەلىلەر، ساندىق جانە ادامدىق ٴوزارا ارەكەتتەردەن تۇراتىن كوپتەگەن ولشەمدەرگە يە. ول قولدانىستاعى بايلانىستاردىڭ تيىمدىلىگىن كۇشەيتە جانە جاڭا بايلانىستاردى قۇرا الادى. ەقىۇ ٴوزارا بايلانىستى ىلگەرىلەتۋدە ماڭىزدى ٴرول اتقارا الار ەدى»، - دەدى ٴوز سوزىندە قازاقستاننىڭ سىرتقى ىستەر ٴمينيسترى قايرات ٴابدىراحمانوۆ.

قازاقستان ۆانكۋۆەردەن ۆلاديۆوستوكقا دەيىنگى كەڭىستىكتە سوزىلعان قاۋىپسىزدىك قوعامداستىعى تۋرالى 2010 جىلعى استانا دەكلاراسياسىن ەنگىزۋدى جۇزەگە اسىرۋ ٴۇشىن وسى باعىتتا ۇلكەن سەرپىن بەرۋ ماڭىزدى دەپ ەسەپتەيدى. سونداي-اق، مينيستر 1994 جىلى پرەزيدەنت نۇرسۇلتان نازاربايەۆ ۇسىنعان ەۋرازيالىق ىقپالداستىق يدەياسى ەۋرازيالىق ەكونوميكالىق وداققا ٴساتتى ەنگىزىلگەندىگىن ەسكە سالدى. بۇگىنگى كۇنى ەۋرازياداعى ٴتۇرلى ينتەگراسيالىق جوبالار اراسىنداعى ٴوزارا ارەكەتتەستىكتى قامتاماسىز ەتۋ ماسەلەسى وزەكتى.

ٴوزارا بايلانىستىلىق تۇرعىسىندا قازاقستان ەقىۇ-نىڭ استاناداعى قاتىسۋىن ودان ٴارى باعدارلاما كەڭسەسىنەن تاقىرىپتىق ورتالىعىنا ترانسفورماسيالاۋ بويىنشا ٴوز كوزقاراسىن ۇسىندى. مينيستر دالالىق ميسسيانىڭ ەۆوليۋسياسى ٴارقاشان ەلدىڭ دامۋىمەن قاتار ٴجۇرىپ جاتقاندىعىن جانە «قازاقستاننىڭ ەكونوميكالىق جانە ساياسي دامۋداعى قازىرگى جەتىستىكتەرى جاڭا تاسىلدەردى قاجەت ەتەتىنىن» مالىمدەدى.

«جاڭا قۇرىلىم تاجىريبە، اناليتيكالىق جانە زەرتتەۋ جۇمىستارىمەن الماسۋعا جاردەمدەسۋ ارقىلى تۇراقتى ٴوزارا بايلانىستىلىق پەن «جاسىل» ەكونوميكاعا كوشۋ ماسەلەلەرىنە باعىتتالۋى كەرەك. مىسالى ٴتيىستى باسقارۋ، جاسىل ەكونوميكانى دامىتۋ، اپاتتاردىڭ الدىن الۋ، ەنەرگەتيكالىق قاۋىپسىزدىكتى قامتاماسىز ەتۋ، ەقىۇ كەڭىستىگىندە ساۋدا مەن كولىك سالالارىن ىلگەرىلەتۋ سالاسىنداعى جوبالاردى جۇزەگە اسىرۋ مۇمكىن»، - دەپ اتاپ وتىلگەن حابارلامادا.

قازاقستان ەقىۇ-نىڭ استاناداعى جاڭا بۋىنى ەقىۇ، اوسشك، شىۇ، اسەان جانە باسقا دا ۇيىمدار اراسىنداعى ٴوزارا ٴتيىمدى سەرىكتەستىك ٴۇشىن جاڭا مۇمكىندىكتەر اشادى دەپ ەسەپتەيدى.

ەقىۇ-داعى يتالياندىق ٴتوراعالىقتىڭ وكىلى، يتاليانىڭ سىرتقى ىستەر ٴمينيسترىنىڭ ورىنباسارى گيلەرمو پيككي ەقىۇ كەڭىستىگىندەگى قاقتىعىس الەۋەتىنىڭ ارتۋى جاعدايىندا ەكونوميكالىق جانە ەكولوگيالىق ولشەمنىڭ ٴرولىن اتاپ ٴوتتى.

بەلارۋس رەسپۋبليكاسىنىڭ سىرتقى ىستەر ٴمينيسترى ۆلاديمير ماكەي ەقىۇ-نىڭ ەكونوميكالىق ٴوزارا بايلانىستىلىق پلاتفورماسى رەتىندەگى ٴرولىن اتاپ ٴوتتى.

ٴازىربايجان سىرتقى ىستەر ٴمينيسترى ەلمار مامەدياروۆ كولىك دالىزدەرىن جانە ەقىۇ اياسىندا ٴتيىستى باسقارۋدى دامىتۋعا شاقىردى.

بيرمينگەم ۋنيۆەرسيتەتىنىڭ پروفەسسورى ستەفان ۆولف ەقىۇ-داعى ەكونوميكالىق ديپلوماتيانىڭ ۇلكەن الەۋەتىن اتاپ ٴوتتى.

ٴىس-شارا دامۋ جانە قاۋىپسىزدىك ماسەلەلەرى اراسىنداعى اجىراماس بايلانىس قاعيداتى نەگىزىندە قازاقستان قولداۋ كورسەتەتىن ەقىۇ-نىڭ ەكونوميكالىق جانە ەكولوگيالىق ولشەمىنىڭ الەۋەتىن تاعى ٴبىر رەت كورسەتۋگە مۇمكىندىك بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي