BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستان ارقىلى قىتايدان ەۋروپاعا بيىل 508 پويىز جونەلتىلدى

استانا، baq.kz. شانحايدا قازاقستان اۋماعى ارقىلى قحر – ەو – قحر باعىتى بويىنشا كونتەينەرلىك تاسىمالدى دامىتۋ تالقىلاندى. بۇل تۋرالى «قازاقستان تەمىر جولى» ۇك» اق ٴباسپاسوز قىزمەتى حابارلادى.

2018 جىلدىڭ 5-6 قاراشاسىندا شانحايدا «قازاقستان تەمىر جولى» ۇك» اق باسقارما ٴتوراعاسى قانات الپىسبايەۆ قحر ٴىرى كولىكتىك-لوگيستيكالىق كومپانيالارى مەن ٴبىرقاتار پروۆينسيا جەتەكشىلەرىمەن كەزدەستى.

cosco shipping corporation limited باس ديرەكتورىنىڭ ورىنباسارى سۋي سزيۋنەممەن جانە ليانيۋگان پورتىنىڭ پرەزيدەنتى چجۋ سيانيانمەن بولعان كەلىسسوزدەر بارىسىندا حالىقارالىق لوگيستيكالىق جەلىسىنە قازاقستاندىق ترانزيتتىك ٴدالىزدى ينتەگراسيالاۋ جانە جاھاندىق لوگيستيكالىق قىزمەت كورسەتۋ ارحيتەكتۋراسىنىڭ بولىگىنە اينالعان، «قورعاس – شىعىس قاقپاسى» اەا قۇرعاق پورتىن دامىتۋ جونىندەگى ىڭتىماقتاستىقتىڭ ناتيجەلىلىگى اتاپ ٴوتىلدى.

2018 جىلدىڭ باسىنان قۇرعاق پورت ارقىلى 102،2 مىڭ جفە ارتىلسا، بۇل 2017 جىلدىڭ سايكەس مەرزىمىمەن سالىستىرعاندا 36% ارتىق.

«قتج» ۇك» اق باسشىسى قازاقستان اۋماعى ارقىلى قىتاي – رەسەي – قىتاي; قىتاي – ورتالىق ازيا ەلدەرى – قىتاي; ترانسكاسپيي باعىتى بويىنشا ولاردى ارى قاراي بىرلەسە پايدالانۋ ٴۇشىن كونتەينەرلىك اكتيۆتەرگە ينۆەستيسيالاۋ مەن كونتەينەرلىك وپەراتورلاردى قۇرۋ ماسەلەلەرىن قاراستىرۋدى ۇسىندى.

«ٴبىزدىڭ ارىپتەستىگىمىز تۇركيا، كاۆكاز، وزبەكستان جانە تۇرىكمەنستان باعىتتارىنا تاسىمال گەوگرافياسىن كەڭەيتۋ جانە تاريفتەرگە ىقپال جاساۋ مەن گەوگرافيالىق قاتىسۋ تۇتقاسى ەسەبىنەن ترانسقۇرىلىقتىق ترانزيتتىك تاسىمالدارعا باقىلاۋدى قامتاماسىز ەتۋگە مۇمكىندىك بەرەدى»، - دەپ اتاپ كەتتى الپىسبايەۆ.

قازاقستان اۋماعى ارقىلى قىتاي – ەۋروپا – قىتاي باعىتى بويىنشا كونتەينەرلىك تاسىمالداردى دامىتۋ ىڭتىماقتاستىعىنىڭ پەرسپەكتۆالارى جانە قازىرگى جاعدايى تۋرالى سيان قالاسى لوگيستيكالىق پلاتفورماسىنىڭ باسشىسى سۋن يمەنمەن، سيان قالاسى قالالىق كوميتەتىنىڭ حاتشىسىنىڭ ورىنباسارى گاو گاومەن، حۋنان (چانشا ق.) پروۆينسياسى گۋبەرناتورىنىڭ ورىنباسارى حە باوسيانمەن جانە چەندۋ قالاسىنىڭ مەرى ليۋ سياوليۋمەن بولعان كەزدەسۋلەردە كەڭىنەن تالقىلاندى.

تاراپتار قحر كونتەينەرلىك تاسىمالداردىڭ ەو ەلدەرىنە جانە كەرىسىنشە باعىتتا ارتىپ وتىرعاندىعىنىڭ وڭدى ديناميكاسىن اتاپ ٴوتتى. 2018 جىلدىڭ 10 ايىندا اتالعان باعىت بويىنشا 508 پويىز (20 862 جفە) جونەلتىلسە، بۇل 2017 جىلدىڭ سايكەس كەزەڭىمەن سالىستىرعاندا 4 ەسەگە كوپ.

شانحايدا بولعان كەزدەسۋلەردە سونداي-اق قازاقستاننىڭ كولىك-لوگيستيكالىق مۇمكىندىكتەرىن پايدالانۋ ارقىلى جاڭا الەۋەتى زور باعىتتاردى دامىتۋ ماسەلەلەرىنە ەكپىن بەرىلدى.

قازاقستان ارقىلى قۇرعاق باعىتتاردى، سونىڭ ىشىندە ارالاس تاسىمالداردى پايدالانۋداعى جاڭا كولىكتىك ونىمدەردى ازىرلەۋ «east asia «nippon express» (china) توبىنىڭ باس مەنەدجەرى سۋگيا تاسۋومەن بولعان كەزدەسۋدە ٴسوز ەتىلدى. سوڭعى ەكى جىل ىشىندە ىڭتىماقتاستىق تۋرالى مەموراندۋمعا قول قويىلدى، ال جاپوندىق جۇكجونەلتۋشىلەر ٴۇشىن تانىستىرىلىم سەنمينارلارى وتكىزىلدى.

كەزدەسۋ قورىتىندىسى بويىنشا اگەنتتىك كەلىسىم-شارتقا قول قويىلدى. قۇجات قازاقستان اۋماعى ارقىلى جاپونيا مەن ەو، وا، تمد ەلدەرى اراسىنداعى جۇكتەردى كونتەينەرلەرمەن جەتكىزۋ مەن تاسىمال كولەمىن ارتتىرۋ جانە ىڭتىماقتاستىقتى نىعايتۋعا باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي