BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

كاسپيي تەڭىزىنىڭ قۇقىقتىق مارتەبەسى تۋرالى كونۆەنسيانى راتيفيكاسيالاۋ ماسەلەسى تالقىلاندى

اقتاۋ، baq.kz. اقتاۋ قالاسىندا قازاقستان رەسپۋبليكاسىنىڭ پارلامەنتى سەناتى مەن رەسەي فەدەراسياسى فەدەرالدىق جينالىسى فەدەراسيا كەڭەسىنىڭ ىنتىماقتاستىق جونىندەگى كوميسسياسىنىڭ ٴ13-شى وتىرىسى بولدى. وتىرىسقا يران دەلەگاسياسى دا قاتىستى.

سەنات ٴتوراعاسىنىڭ ورىنباسارى سەرگەي گروموۆ شارانى اشا كەلىپ، كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويىلعان كاسپيي ماڭى مەملەكەتتەرى باسشىلارىنىڭ اقتاۋ ٴسامميتىنىڭ قورىتىندىلارىن استانا جوعارى باعالايتىنىن اتاپ ٴوتتى.

«قازاقستان پرەزيدەنتى نۇرسۇلتان نازاربايەۆ اتاپ وتكەندەي، كونۆەنسيا تەڭىزدىڭ سۋىن، ٴتۇبىن، قويناۋىن، تابيعي رەسۋرستارى مەن اۋە كەڭىستىگىن قوسا العاندا وسى سۋ ايدىنىنا قاتىستى تاراپتاردىڭ بارلىق قۇقىقتارى مەن مىندەتتەمەلەرى ايقىندالعان جانە رەتتەلگەن «كاسپيي تەڭىزىنىڭ كونستيتۋسياسى». بۇل قۇجات تەڭىزدەگى قۇقىقتار مەن ەگەمەندىكتىڭ اراجىگىن اجىراتۋعا، قويناۋىن پايدالانۋ، ترانزيت پەن تاسىمالداۋ قۇقىقتارىن جۇزەگە اسىرۋعا، سۋ استى قۇبىرلارى مەن جەلىلەردى جۇرگىزۋگە، تاريعي ورتا مەن بيولوگيالىق رەسۋرستاردى قورعاۋعا بايلانىستى اۋقىمدى ماسەلەلەردى قامتيدى» - دەدى گروموۆ.

سەنات ٴتوراعاسىنىڭ ورىنباسارى وسىناۋ ەرەكشە قۇجاتقا قول قويۋ جونىندەگى كەلىسىمگە كەلۋدەگى رەسەي مەن يراننىڭ ۇلەسىن جوعارى باعالادى.

«بۇل ٴبارىمىز ٴۇشىن زور جەتىستىك دەپ سانايمىن. بۇگىنگى وتىرىس ٴبىزدىڭ ەلدەرىمىز باسشىلارىنىڭ تىلەگىن ومىرگە ەنگىزۋ»، - دەدى س.گروموۆ.

ول كونۆەنسياعا قول قويىلۋى وسىناۋ ەرەكشە سۋ ايدىنىنا ەكىجاقتى دەڭگەيدە دە، كوپتاراپتى سيپاتتا دا بەيبىتشىلىك پەن ٴوزارا ٴتيىمدى ىنتىماقتاستىق ايماعى مارتەبەسىن بەكىتۋگە مۇمكىندىك بەرەتىنىن اتاپ ٴوتتى.

«ەندى كونۆەنسيانى ۇزاققا سوزباي، ٴبىزدىڭ پارلامەنتتەرىمىزدىڭ راتيفيكاسيالاعانى ماڭىزدى بولىپ وتىر. بيىلعى 6 قاراشادا كونۆەنسيانى راتيفيكاسيالاۋ جونىندەگى قۇجاتتار توپتاماسى قازاقستان رەسپۋبليكاسىنىڭ ۇكىمەتىندە قارالعانىن حابارلايمىن. كونۆەنسيانى راتيفيكاسيالاۋ تۋرالى زاڭ جوباسىن ۇكىمەت تاياۋدا پارلامەنت ماجىلىسىنە بەرەدى دەپ كۇتىپ وتىرمىز»، - دەدى س.گروموۆ.

رەسەي فەدەراسياسى فەدەرالدىق جينالىسى فەدەراسيا كەڭەسى اگرارلىق-ازىق-تۇلىك ساياساتى جانە تابيعاتتى پايدالانۋ كوميتەتى ٴتوراعاسىنىڭ ورىنباسارى سەرگەي بەلوۋسوۆ پەن يران يسلام كونسۋلتاتيۆتىك كەڭەسى ٴتوراعاسىنىڭ ٴبىرىنشى ورىنباسارى ماسۋد پەزەشكيان كونۆەنسيانى ۋاقىتىندا راتيفيكاسيالاۋدىڭ ماڭىزى تۋرالى ايتتى.

وتىرىس بارىسىندا ەكى ەلدىڭ سەناتورلارى ٴبىرىڭعاي ەكونوميكالىق كەڭىستىك اياسىندا ماڭعىستاۋ وبلىسى مەن رەسەيدىڭ داعىستان رەسپۋبليكاسىن مىسال ەتە وتىرىپ، شەكارالىق ايماقتاردى دامىتۋدى، كاسپييدەگى تۋريزم، ەكولوگيا مەن بيورەسۋرستاردى قورعاۋ سالاسىنداعى ىنتىماقتاستىقتى دامىتۋ ماسەلەلەرىن تالقىلادى.

س.گروموۆ پەن يران يسلام كونسۋلتاتيۆتىك كەڭەسى ٴتوراعاسىنىڭ ٴبىرىنشى ورىنباسارى ماسۋد پەزەشكياننىڭ كەزدەسۋىندە پارلامەنتارالىق ىنتىماقتاستىق جانە ەكىجاقتى قاتىناستاردى، ونىڭ ىشىندە پارلامەنتارالىق ٴۇنقاتىسۋلاردى ودان ٴارى نىعايتۋ ماسەلەلەرى تالقىلاندى.

وتىرىسقا سەناتورلار جەڭىس نۇرعاليەۆ، ولگا پەرەپەچينا، ميحايل بورتنيك، عۇمار دۇيسەمبايەۆ جانە باقتىباي شەلپەكوۆ قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي