BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

كاسپيي ٴسامميتىنىڭ قۇجاتتارىن ازىرلەۋ جۇمىسىنىڭ قورىتىندىسى شىعارىلدى

فوتو: ҚР СІМ

اقتاۋ قالاسىندا كاسپيي جاعالاۋى مەملەكەتتەرى سىرتقى ىستەر مينيسترلەرىنىڭ ورىنباسارلارى دەڭگەيىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنسيانى ازىرلەۋ بويىنشا ارنايى جۇمىس توبىنىڭ (اجت) قورىتىندى ٴ52-شى وتىرىسى ٴوتتى، دەپ حابارلايدى baq.kz اقپارات اگەنتتىگى.

سىرتقى ساياسات ۆەدومستۆوسىنان حابارلاعانداي، كەلىسسوزدەرگە ازەربايجان رەسپۋبيكاسى (جەتەكشىسى – ح.ا.حالافوۆ)، يران يسلام رەسپۋبليكاسى (جەتەكشىسى – ر. نازار احاري)، قازاقستان رەسپۋبليكاسى (جەتەكشىسى – ز.a.امانجولوۆا)، رەسەي فەدەراسياسى (جەتەكشىسى – ي.ب.براتچيكوۆ) جانە تۇرىكمەنستاننىڭ (جەتەكشىسى – م.گ.اتادجانوۆ) دەلەگاسيالارى قاتىستى.

اجت وتىرىسىندا تاراپتار بەسىنشى كاسپيي ٴسامميتىنىڭ قۇجاتتارىن ازىرلەۋ بويىنشا جۇمىستىڭ قورىتىندىسىن شىعاردى، سونداي-اق كاسپيي جاعالاۋى مەملەكەتتەرىنىڭ سىرتقى ىستەر مينيسترلەرى كەڭەسىنىڭ كۇن ٴتارتىبىن تالقىلادى جانە كەلىستىردى.

كاسپيي تەڭىزىنىڭ قۇقىقتىق مارتەبەسى تۋرالى كونۆەنسيانى ازىرلەۋ بويىنشا كەلىسسوزدەردىڭ اياقتالۋىنا وراي، تاراپتار بىرلەسكەن ۇزاق مەرزىمدى جۇمىس ناتيجەلەرىن زور قاناعاتپەن اتاپ ٴوتتى.

دەلەگاسيالار ورىن العان كەلىسسوزدەردىڭ ناتيجەلەرىنە وڭ باعا بەرىپ، قورىتىندى كەزدەسۋدى جوعارى دەڭگەيدە ۇيىمداستىرعانى ٴۇشىن قازاقستان رەسپۋبليكاسىنا ٴوز ريزاشىلىعىن ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي