BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

كانادانىڭ گەنەرال-گۋبەرناتورى ەلىمىزدىڭ ۇلتتىق عارىش ورتالىعىندا بولدى

استانا، baq.kz. كانادانىڭ گەنەرال-گۋبەرناتورى جيۋلي پايەتت قازاقستان رەسپۋبليكاسىنا تۇڭعىش رەسمي ساپارى اياسىندا استانا قالاسىنداعى ۇلتتىق عارىش ورتالىعىندا بولىپ، قر قورعانىس جانە اەروعارىش ونەركاسىبى ٴمينيسترى بەيبىت اتامقۇلوۆپەن كەزدەستى.

كەزدەسۋ بارىسىندا جيۋلي پايەتتكە پرەزەنتاسيا كورسەتىلىپ، ول قازاقستاننىڭ عارىش سالاسىندا ىسكە اسىرىپ جوبالارى، اتاپ ايتقاندا جەردى قاشىقتىقتان زوندتاۋ عارىش جۇيەسىنىڭ مۇمكىندىكتەرىمەن، جوعارى دالدىكتى ناۆيگاسيالىق جۇيەمەن تانىستى، سونداي-اق عارىش اپپاراتتارىن قۇراستىرۋ-سىناۋ كەشەنىن كوردى.

اتالمىش شاراعا قازاقستاندىق ۇشقىشتار تالعات مۇسابايەۆ پەن ايدىن ايىمبەتوۆ قاتىستى.

كەزدەسۋ سوڭىندا كانادانىڭ گەنەرال-گۋبەرناتورى جيۋلي پايەتت عارىش سالاسى بويىنشا قازاقستانمەن ىنتىماقتاستىققا دايىن ەكەندىگىن جەتكىزدى.

ايتا كەتۋ كەرەك، جيۋلي پەيەتت حانىم كانادا عارىش اگەنتتىگىنىڭ استروناۆتى جانە «ديسكاۆەري» جانە «يندەۆور» شاتتلىمەن عارىشقا ەكى رەت ۇشقان، سونداي-اق حالىقارالىق عارىش ستانساسىندا بولعان كانادالىق العاشقى استروناۆت.

كانادانىڭ گەنەرال-گۋبەرناتورى جۇماسى ساپارى اياسىندا 2018 جىلعى 3 جەلتوقساندا ەكيپاج قۇرامىندا كانادالىق استروناۆت داۆيد سەن-جاك بولعان «سويۋز مس-11» باسقارىلاتىن كولىك كەمەسىمەن «سويۋز-فگ» زىمىران تاسىعىشى ۇشىرىلعان جەر – «بايقوڭىر» عارىش ايلاعى گاگارين الاڭىندا» بولدى.

ەستەرىڭىزگە سالامىز، بۇدان بۇرىن جيۋلي پايەتت قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆپەن جانە قر پارلامەنت سەناتىنىڭ ٴتوراعاسى قاسىمجومارت توقايەۆپەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي