BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

توقايەۆ يندونەزيا پرەزيدەنتىنە ٴدىن كوشباسشىلارى سەزىنە شاقىرۋدى تابىس ەتتى

يندونەزيادا ساپاردا جۇرگەن قازاقستان رەسپۋبليكاسى پارلامەنتى سەناتىنىڭ ٴتوراعاسى قاسىم-جومارت توقايەۆ ٴبىرقاتار ەكىجاقتى كەزدەسۋ وتكىزدى، دەپ حابارلايدى baq.kz اقپارات اگەنتتىگى.

ق. توقايەۆتىڭ ەل پرەزيدەنتى دجوكو ۆيدودومەن كەزدەسۋى ساپاردىڭ باستى وقيعاسى بولدى. مەملەكەت باسشىسى ن. نازاربايەۆتىڭ تاپسىرماسى بويىنشا سەنات ٴتوراعاسى يندونەزيا باسشىسىنا بيىلعى قازان ايىندا قازاقستانعا رەسمي ساپارمەن كەلۋگە شاقىرۋىن جەتكىزىپ، الەم جانە ٴداستۇرلى دىندەر ليدەرلەرىنىڭ vi سەزىنە قاتىسۋعا شاقىرۋدى تابىس ەتتى. ق.توقايەۆ استاناداعى ٴدىنارالىق فورۋم ٴدىن كوشباسشىلارىمەن قاتار الەمدىك دەڭگەيدەگى ساياساتكەرلەر دە ٴبىر ۇستەل باسىندا باس قوساتىن ٴۇنقاتىسۋ الاڭى رەتىندە مويىندالعانىن اتاپ ٴوتتى. سەزد جۇمىسىنا بۇۇ باس حاتشىسى، كوپتەگەن مەملەكەتتىڭ باسشىلارى، حالىقارالىق ۇيىمداردىڭ جەتەكشىلەرى قاتىستى.

سەنات ٴتوراعاسى جەر جۇزىندەگى ٴىرى مۇسىلمان مەملەكەتى باسشىسىنىڭ استانا فورۋمىنا قاتىسۋى، يسلام الەمىندەگى يندونەزيانىڭ ماڭىزدى ٴرولىن ەسكەرە كەلگەندە، «ٴدىني قايراتكەرلەر ٴقاۋىپسىز الەم جولىندا» تاقىرىبىنا ارنالعان الداعى ٴسامميتتىڭ تابىستى وتەتىنىنە ىقپال ەتەتىنىن اتاپ ٴوتتى.

ق.توقايەۆ ەكىجاقتى قاتىناستاردىڭ كەلەشەگى تۋرالى ايتا كەلىپ، قازاقستان وڭتۇستىك-شىعىس ازياداعى جەتەكشى ەلدەردىڭ ٴبىرى – يندونەزيامەن جان-جاقتى ٴارى ٴوزارا ٴتيىمدى ىنتىماقتاستىقتى دامىتۋعا ەرەكشە ماڭىز بەرەتىنىنە نازار اۋداردى. كەيىنگى جىلداردا ەكىجاقتى قاتىناستاردىڭ بارلىق باعىتى بويىنشا، اتاپ ايتقاندا، ساۋدا-ەكونوميكالىق، ايماقارالىق ىنتىماقتاستىق، مادەني-گۋمانيتارلىق جانە پارلامەنتارالىق ٴوزارا ٴىس-قيمىل سالالارىندا وڭ وزگەرىستەر كورىنىس تاۋىپ وتىر.

ق. توقايەۆ ىسكە قوسىلاتىن جاڭا كولىك-لوگيستيكا باعدارلارىنىڭ كەلەشەگىنە، ٴبىرىنشى كەزەكتە قازاقستاننىڭ «نۇرلى جول» باعدارلاماسى مەن قحر-دىڭ «جىبەك جولىنىڭ ەكونوميكالىق بەلدەۋى» باستاماسىنىڭ ۇشتاسۋ جوسپارىنا بايلانىستى جاڭا مۇمكىندىكتەرگە توقتالدى. اتاپ ايتقاندا، «قازاقستان - ليانيۋنگان پورتى (قحر) – ازيا-تىنىق مۇحيتى ايماعىنداعى تەڭىز پورتتارى» كولىك ٴدالىزىنىڭ مۇمكىندىكتەرى ساۋدا-ەكونوميكالىق ىنتىماقتاستىعىن تەرەڭدەتۋگە ىقپال ەتەتىن بولادى.

يسلامدىق قارجىلاندىرۋ سالاسىنداعى يندونەزيانىڭ مول تاجىريبەسىن ەسكەرە وتىرىپ، قازاقستان تاراپى استانا حالىقارالىق قارجى ورتالىعىنىڭ اياسىندا يندونەزيا قارجى ينستيتۋتتارىن جۇمىسقا تارتۋعا ىقىلاس ٴبىلدىرىپ وتىر. مەملەكەت باسشىسى استانا حالىقارالىق قارجى ورتالىعى قىزمەتىنىڭ باسىم باعىتتارىنىڭ ٴبىرى رەتىندە يسلام قارجىلاندىرۋىن اتاعان بولاتىن.

دجوكو ۆيدودو ٴوز كەزەگىندە قازاقستانعا شاقىرۋىنا وراي پرەزيدەنت ن. نازاربايەۆقا العىس ايتتى ٴارى ساياسي، ەكونوميكالىق جانە مادەني ەكىجاقتى بايلانىستاردى ۇلعايتۋ ماقساتىندا بارلىق شارانى قابىلداۋ جونىندەگى نيەتىن جەتكىزدى.

قازاقستان سەناتىنىڭ ٴتوراعاسى مەن يندونەزيا حالىق كەڭەسشىلەرى كونگرەسىنىڭ ٴتوراعاسى زۋلكيفلي حاسانمەن اڭگىمەسىنىڭ تاقىرىبى پارلامەنتارالىق بايلانىستاردى نىعايتۋدىڭ كەلەشەگى تۋرالى بولدى. ق.توقايەۆ قازاقستاننىڭ ساياسي جۇيەسىنىڭ ەرەكشەلىكتەرى تۋرالى حاباردار ەتىپ، پارلامەنت جوعارعى پالاتاسىنىڭ كونستيتۋسيالىق وكىلەتتىكتەرى جايىندا اڭگىمەلەپ بەردى. يندونەزيا تاراپى قازاقستاننىڭ پرەزيدەنتتىك بەس الەۋمەتتىك باستاماسىن ىسكە اسىرۋداعى جوسپارى مەن ساياسي جانە رۋحاني جاڭعىرۋ باعدارلاماسىنا ەرەكشە ىقىلاس ٴبىلدىردى.

ق. توقايەۆتىڭ يندونەزيا حالىق وكىلدەرى كەڭەسىنىڭ ٴتوراعاسى بامبانگ سۋساتيومەن كەزدەسۋىندە زاڭ شىعارۋ ورگاندارىنىڭ ٴۇنقاتىسۋ ماسەلەلەرى اڭگىمە وزەگىنە اينالدى. اڭگىمە بارىسىندا قازاقستان مەن يندونەزيانىڭ ٴوزارا ىنتىماقتاستىعىن نىعايتۋداعى پارلامەنتارالىق قۇرامنىڭ ماڭىزدى ٴرولى اتاپ ٴوتىلدى. ق. توقايەۆ ەكى ەلدىڭ زاڭ شىعارۋ ورگاندارىندا قىزمەت ەتەتىن دەپۋتاتتىق دوستىق توپتارىنىڭ جۇمىسىن ورىستەتۋگە شاقىردى.

ق.توقايەۆتىڭ ساپار باعدارلاماسى بويىنشا يندونەزيا ۆيسە-پرەزيدەنتى يۋسۋف كاللامەن كەزدەسۋى 14 ناۋرىزعا بەلگىلەندى.

قازاقستان دەلەگاسياسى مادەني باعدارلاما اياسىندا جاكارتاداعى ۇلتتىق تاۋەلسىزدىك مونۋمەنتىندە جانە «تامان ميني يندونەزيا» پاركىندە بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي