BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

يران قازاقستان ٴۇشىن ۆيزا الۋ ٴتارتىبىن جەڭىلدەتتى

فوتو: Дәурен Ерболат

يران قازاقستاندىق كاسىپكەرلەر ٴۇشىن ۆيزا رەجيمىن جەڭىلدەتكەن. بۇل تۋرالى قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋ ايتتى، دەپ حابارلايدى baq.kz ٴتىلشىسى.

«ٴبىز ەكى مەملەكەتتىڭ ازاماتتارى ٴۇشىن ۆيزا رەجيمىن جەڭىلدەتۋ تۋرالى كەلىسسوز جۇرگىزدىك. ناتيجەسىندە ٴتيىستى قۇجاتقا قول قويدىق. وندا قوس مەملەكەتتىڭ كاسىپكەرلەرى ٴۇشىن جەڭىلدەتىلگەن ۆيزا ٴتارتىبى ەنگىزىلەتىنى كورسەتىلگەن. سونداي-اق ٴبىز ەكى ەل ازاماتتارىنىڭ ٴجۇرىپ-تۇرۋىن جەڭىلدەتۋگە مۇددەلىمىز. بۇل باعىتتا ٴتيىستى جۇمىستار جۇرگىزىلۋدە. وسى ورايدا يران كورشى مەملەكەتەرمەن تولىعىمەن ۆيزاسىز رەجيم ەنگىزۋ باعىتىن ۇستانىپ وتىرعانىن اتاپ وتكىم كەلەدى»، - دەدى ەلشى اقوردادا.

ايتا كەتەيىك، وسىعان دەيىن قر مەملەكەتتىك حاتشىسى گۇلشارا ٴابدىقالىقوۆا ەلىمىزدەگى ديپلوماتيالىق ميسسياسىن اياقتاعالى وتىرعان قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋمەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي