BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

يران ەلشىسى كاسپيي سامميتىنە قاتىستى پىكىر ٴبىلدىردى

فوتو: Автор

قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋ 12 تامىزدا اقتاۋدا وتەتىن كاسپيي ماڭى ەلدەرىنىڭ v سامميتىنە قاتىستى پىكىر ٴبىلدىردى، دەپ حابارلايدى baq.kz ٴتىلشىسى.

«ساميتتە 5 مەملەكەتتىڭ باسشىسى كەزدەسەدى. مۇندا كاسپيي تەڭىزىنىڭ قۇقىقتىق مارتەبەسى تۋرالى كونۆەنسيا قارالادى. بۇل قۇجاتپەن تاراپتار 20 جىلدان استام ۋاقىت جۇمىس ىستەگەن. اتالعان كونۆەنسيادا كاسپيي ماڭى ەلدەرىنىڭ ۇستانىمدارى، مىندەتتەرى كورسەتىلگەن»، - دەدى ەلشى اقوردادا.

وسى ورايدا ول كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قاتىستى يراننىڭ ۇستانىمىنا توقتالدى.

«مۇندا تاراپتار ٴبىرىن-بىرى قۇرمەتتەۋى كەرەك. سونداي-اق كاسپيي ماڭى ەلدەرىنىڭ مۇددەلەرى ەسكەرىلىپ، تاراپتار تەڭىزدەگى بيورەسۋرستار ساقتاپ، ونى ٴتيىمدى يگەرۋى قاجەت. سونىمەن قاتار تاراپتار كاسپييدەگى قاۋىپسىزدىكتى ساقتاۋى كەرەك. ولار قاۋىپسىزدىككە قاتەر تونەتىن كەز-كەلگەن ارەكەتكە قارسى شارا قولدانىلۋى شارت. الايدا اتالعان ماسەلەدە كاسپيي ماڭى ەلدەرى ٴبىر پوزيسيانى ۇستانادى»، - دەپ تۇيىندەدى ٴسوزىن موجتابا داميرچيلۋ.

ايتا كەتەيىك، وسىعان دەيىن يران قازاقستان ٴۇشىن ۆيزا الۋ ٴتارتىبىن جەڭىلدەتكەنىن حابارلاعانبىز.

سونىمەن قاتار بۇگىن اقوردادا قر مەملەكەتتىك حاتشىسى گۇلشارا ٴابدىقالىقوۆا ەلىمىزدەگى ديپلوماتيالىق ميسسياسىن اياقتاعالى وتىرعان قازاقستانداعى يران يسلام رەسپۋبليكاسىنىڭ توتەنشە جانە وكىلەتتى ەلشىسى موجتابا داميرچيلۋمەن كەزدەستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي